زهره عمري
حياك الله اختي
باعتباري احد خريجي جامعة الامارات ومقرها العين
فهذه هي المناطق الاولية ويمكن لاخواني اعضاء المنتدى الافادة بشكل اكبر وأحدث طبعا
حديقة الحيوان = شيء يشرف بصراحة
ملاهي .... نسيت اسمها - ما في الا هي وأكبر وحدة بالقرب من خط دبي
جبل حفيت والعين الحارة (المبزرة)
العين مول - على ما اعتقد هذا اسمه.
وسلامتك
وننتظر الرد من العيناوية
محبكم

الفنادق روتانا جيد
الاماكن : العين موول والبوادي موول والجيمي موول ((كارفور))
المبزرة ((نبع مياه)) وحديقة الحيوانات و حديقة الهيلي ملاهي

الفنادق ..
روتانا افضلهم من حيث الموقع تقدرين توصلين كل شي ..
ميركيوور رومنسي في قمة جبل حفيت ..
اهم المراكز التجارية ..
البوادي مول + العين مول + الجيمي مول
اكبرهم واحدثهم البوادي مول .. وشخصيا احبه اكثر فيه اغلب المحلات اللي موجودة ف العين مول والجيمي مول يعني بالمختصر محلاته تشمل الاثنين ..
يوجد صالة بولينغ وصالة تزلج وسينما في كل من العين مول وبوادي مول بالاضافة لمنحدر ثلجي ف البوادي مول
الاماكن السياحية ..
جبل حفيت + منطقة مبزرة الخضراء
فيها مسابح من النبع الحار للرجال والنساء ومساحات خضراء للجلوس واماكن مخصصة للشواء.. والعاب للاطفال ..
و القطار الصغير .. ممكن ركوب الخيل والبوني والجمل او العربة اللي تجرها الخيول والتجول ف المنطقة ..
ويوجد فندق في اعلى قمة الجبل فندق ميركيور .. وتتوفر شاليهات ف منطقة مبزرة كذلك..
متنزه العين للحياة البرية (حديقة الحيوان سابقا) ..
مكان جميل وممتع وع كثر ما اسير له ما امل منه .. تغيير جو ..
بس الله يعينكم ف العيد المكان جدا مزدحم..
حديقة العين الفايضة ..
صارت جدا قديمة وتحتاج صيانة افضل ما فيها حديقة البط .. بس الزيارة لها الحديقة راح تاخذ منكم نص ساعة بالكثير فالافضل تكون زيارتها مع زيارة المبزرة وجبل حفيت ف نفس اليوم..وخلال ساعات النهار..
حديقة الجاهلي ..
تقع بجانب حصن الجاهلي .. والحديقة مفتوحة حلوة للتمشية وتغيير الجو .. فيها العاب للاطفال ..
مدينة العاب الهيلي ..
مدينة ترفيهية-ملاهي تم تجديد جزء صغير منها والباقي ف الصيانة .. تستحق الزيارة لانها تطورت كثيرا عن السابق.. فيها العاب ومطاعم ومساحات للجلوس ..
المتاحف ..
متحف قصر العين ..
كان قصر الشيخ زايد الله يرحمه وحاليا صار متحف ممكن تتجولون فيه وتشوفون الغرف واول سيارة اقتناها الشيخ زايد ويوجد مرشدين ومرشدات يعرفونكم بالمكان اكثر واكثر ..
متحف العين الوطني..
فيه اثار واشياء واايد بس شخصيا اشوفه ممل
وحياكم الله ف العين دار الزين .. وزيارة متعة ان شاء الله

شكر خاص لكم جميعا على هاالمعلومات القيمه وتسلموا واذا في زياده من المعلومات انا فى الانتظار

كفوا ووفوا الاعضاء
وايضا ممكن زيارة سوق الزعفرانه شعبي وجميل وفيه مطاعم وسوبرماركت
بالتوفيق