الامارات المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
خيّال
13-06-2022 - 02:54 pm
السلام عليكم ورحمة الله ..وكل عام وانتم بخير..
الموعد اقترب والحماس زاد..وكلنا شوق لزيارة دار زايد..
سؤالي واستفساري بخصوص تذاكر كأس العالم للاندية في ابو ظبي..
سبق وطلبت التذاكر من موقع الفيفا في وقت مبكر..وأعلموني أنه رح يتم ارسال التذاكر عبر ارامكس في نوفمبر..
لكن اقترب موعد البطولة وماجا أي شي..فسؤالي للاخوان اللي طلبوا التذاكر من موقع الفيفا ..هل وصلتكم.؟
واذا ما وصلت..وش الحل.؟!
تحياتي ومشكورين مقدما..


التعليقات (9)
ابن طرزون
ابن طرزون
هلا أخوي خيال
ياخي أنا حالي من حالك
الى يومك هذا ماجاني شي
انا راسلتهم على الايميل وقالولي مانقدر نرسلك التذاكر عن طريق أراميكس لضيق الوقت وللضغط الكبير اللي نواجهه في مبيعات التذاكر
وقالولي مالك الا تجي عندنا في ابو ظبي وتستلمها بنفسك
والله انا خايف أضرب مشوار لأبو ظبي ويقولولي انهم ارسلوا التذاكر عن طريق أراميكس وتروح فلوسي وجهدي على فاضي
وبيني وبينك انا متحمس مرة وفي نفس الوقت بدأ الشك يراودني من اسلوبهم في الرد
مع ان خوينا برشاوي يقول ان التذاكر وصلته وهم يقولولي الغينا عملية شحن التذاكر عن طريق أراميكس وتعال خذها بنفسك ؟؟؟
اذا عندك أي جديد أعطيني خبر فضلا لا أمرا
تحياتي

خيّال
خيّال
ابن طرزون..انا ارسلت لهم ايميل أمس ولا زلت منتظر منهم رد..
واذا استجد جديد باكتبه هنا باذن الله..تحياتي..

abod100
abod100
حبايبي .. اولا هنيئا لكم ولي بلقاء البرسا في الامارات الحبيبة
بخصوص التذاكر فالحال تقريبا من بعضه .. للاسف انا طلبت التذاكر يو 2 سبتمر يعني ثاني يوم فتحوا البيع فيه .. والى يومنا هذا ما وصلت وبعد عديد الاتصالات بمكتب اللجنة المنظمة وانا انصح بالاتصال بالتلفون افضل من الايميل 0097124499955 .. اتضح انو كان فيه مشكلة بالكردت كارد وما قدروا يخصمون المبلغ .. طبعا بدا الخوف يجيني بعد حجز كل شي تروح علي المباريات .. قلي الموظف وهو من ابناء زايد والنعم فيهم بكل احترام وود ومهنية .. ما عندك مشكلة تجي مكتبنا وتدفع المبلغ كاش وتستلم التذاكر .. بخصوص عنوان المكتب فهذي خريطة تفصيلية بعثها لي مشكورا جزاه الله خير الرابط هنا http://www.mediafire.com/?mmzeynqjmnr
كل التوفيق لكم اعزائي وللبرسا في حصد البطولة المنحوسة
تحياتي

barca10
barca10
انا استلمت التذاكر عن طريق ارامكس
وطلبت تذاكر مرة ثانية وصار معي نفس مشكلتكم

خيّال
خيّال
تفضل هذا هو الرقم
7على العموم اتصلت على رقم الفيفا وقالوا لي ان التذاكر رح تجيك اليوم المساء باذن الله عبر ارامكس..واذا ما جات اتصل فيهم ثاني مرة بكرا ان شاءالله..وان شاءالله انها تتسهل..
لي عودة باذن الله اذا استجد جديد..تحياتي..

ابن طرزون
ابن طرزون
الى جميع الأخوة اللي مشكلتهم زي مشكلتي حبيت أقلكم ايش اللي حصلي اليوم ...
أرسلتلهم ايميل من 3 أيام للإستفسار عن تذاكري والى هذه اللحظة ماردوا عليا مع انهم كانوا في السابق يردوا علي في نفس اليوم أو اليوم اللي بعده بالكثير فقلت مالها إلا أتصل عليهم ...
أتصلت عليهم من بدري ودايما الخط مشغول الين شبك معي الخط وبعد 5 دقايق تقريبا رد عليا الموظف المسؤول وللأمانة كان قمة في الأخلاق والذوق وشرحتله مشكلتي وطلب مني رقم طلب التذاكر اللي اشتريتها بالفيزا وبعد كذا قلي طلبك تم ارساله عن طريق أراميكس قبل فترة وأعطاني رقم الشحنة وعلى طول رحت أراميكس وللأسف الشديد قالي الموظف بالحرف الواحد اليوم ردينا 5 رسايل وصلتنا من أبو ظبي ولما سألته عن السبب قالي ماجا أحد يستلمها ولما حاولنا نتصل فيهم على الجوال كانت الأرقام كلها خطأ ولما تحققت من الأمر طلع ان الأخوان في أبو ظبي مسجلين 9 أرقام للجوال وليست 10 عشان كذا ردوها جميعها لمصدرها ...
بالنسبة لي حكلم المسؤول في أبو ظبي وأشرحله المشكلة وأطلب إعادة إرسال تذاكري وأشوف ايش حيقلي عشان تذاكري لاتضيع علي ويطير حلمي في مشاهدة البرشا على الطبيعة في نهائي مونديال الأندية في أبو ظبي بسبب خطأ مطبعي ...
نصيحة لكل الأخوان اللي واجهوا نفس المشكلة مراجعة أراميكس فورا قبل لايرجعوا التذاكر لمصدرها ويدخلوا في متاهات لها أول ومالها آخر ...
وتحياتي للجميع ...
ابن طرزون

Saad ms
Saad ms
انا من شهر والى اليوم وانا مراسلات معاهم مره يعتذرون عن التأخير وراح يرسلونها الاسبوع الثاني من نوفمبر ومره يعتذرون وراح يرسلونها الاسبوع الثالث ومرة يعتذرون وراح يرسلونها في الرابع
دخلنا ديسمبر ولا زال مسلسل التأخير مستمر
و اخر رد كانهم يلمحون لي اني اجي اخذها من ابو ظبي
Apologies we are experiencing severe delays in the distribution of tickets.
Tickets are expected to be dispatched at the end of next week, if this is too late then we suggest you pickup the tickets when you arrive in Abu Dhabi.
Our Main Ticket Center
Football House
Villa 216
Delma Street, 13th Street
Abu Dhabi

Saad ms
Saad ms
معلومة للاخوان اي شخص ادخل رقمه 00966 ما راح توصله التذاكر
اللي راح توصل هي اللي ادخلت بدون اصفار 966 لان الطلبات وصلت للسعودية ناقصه رقمين
لهذا السبب بلغوني اللجنة انه هذا خطأهم وان مبلغ 37 درهم راح يرجعونه اول ما استلم التذكرة من ابوظبي
و سلامتكم

خيّال
خيّال
بصراحة هذا خطأ فادح خصوصا اذا أتى من لجنة مهمتها تنظيم كأس عالم.!
على العموم اتصلت عليهم..بعد ما فقدت الامل في انهم يردون على الايميل..
و رد علي موظف قمة في الاخلاق والتواضع..واعطيته رقم الطلب ..فذكر لي أن التذاكر فعلا أرسلت عبر ارامكس لكنها عادت بسرعة بسبب خطأ في المعلومات - الخطأ منهم طبعا-
لذلك الحل الوحيد اللي قاللي عليه هو إني احضر لمقر اللجنة في شارع ديلما بأبوظبي لاستلام التذاكر وهو حل أمثل وأسلم..لان البطولة ما بقى عليها وقت..
المستندات المطلوبة هو برنت الطلب + اثبات هوية " جواز سفر - هوية وطنية الخ"
وبالنسبة لمبلغ الشحن سيعيدونه لنا مع التذاكر باذن الله..
مواعيد دوامهم في ابوظبي من الساعة 10 ص - 7 م يوميا..
تحياتي..


خصم يصل إلى 25%