السلام عليكم ...
هلا وغلا بحبيب قلبي البكيرية ...وابشر وعلى هالخشم
اسمح لي بعد الصلاة اشرح لك لين ما تقول بس ...دقائق ونتقابل
ان شاء الله والسلام عليكم.

أدعي لي معاك أخوي الشعيبي
سوري ع اللقافه
تحياتي ،،،

السلام عليكم ...
هلا اخوي البكيرية واسفين يا اخوي كان ودي ارد من اول لكن
الرجال اقام الصلاة وجيت خارج ..وقلت في نفسي لا تحسب اني
طنشتك ومشيت ..الآن انا فاضي وابشر وعلى امرك
اخوي COLLD WEATHER كان ودي ادعي لك اخوي لكن
ما قريت تعليقك الا بعد رجوعي انت اللي ادعي لي يا اخوي
انا محتاج لدعوة الصالحين وبعدين امس كتبت لك في موضوعك
اني ابغى هدية منك وانتظر جوابك واصبر نفسي لكنك طنشتني
صراحة حزنتني لكن قلت في نفسي ممكن ما انتبه الرجال ...معذور
اخوي البكيرية ...سكنت الكثير من الفنادق لكن كفندق بان باسفيك
ما لقيت ابد ...اغلب الفنادق اجلس فيها من 3ل4 ليالي الا هو جلست
فيه 10 ليالي ...فندق ما يوصل فخامته للخيول او صن اوماندرين
او ماريوت ...فئته 5 نجوم لكن تقدر تقول مستوى B ..ميزته في اللي
يشتغلون فيه وادارته وسعره الجميل ...وكل الخدمات متوفرة والمصاعد
زي الحلاوة ...ثواني وهي عندك من كثرها ...وفطورهم لذيذ ..وانتبه
من لحم الخنزير ...ان شفت لحم معفن اجل هو اللي يشتغلون بشوشين
ومحترمين جداً واكثرهم مسلمين وناس اسلوبها راقية في التعامل وعندهم
احترام ...وغرفهم نظيفة لكن ما نقول جديدة ...ودورة مياههم يكرمكم الله
محترمة ...وان جيت خارج عندك 4 خطوط تكاسي ...يصير هم اللي يتسابقون
عليك ...وقدامهم مباشرة ومن غرفتك تطل عليها مول كبير يوفر لك كل اللي
تبغاه من صراف وشرائح جوال وسوبر ماركت ومطاعم ...الخ .
LRT جنبك وكعابي ...ومحطة الباصات ايضاً كعابي .
وترى الفندق ينزل فيه كثير من العرب ...عيبه يا اخوي انه بعيد
من شارعنا المزعوم انا صراحة اكره اسكن في الشارع المزعوم
لأني اكره الصجة والزحام وصراحة دايماً اروح عزابي وماني راعي
تسوق وتبضع فتلاقيني اخذ بعيد شوي وبان باسفيك من الفنادق اللي
ارتاح فيها ...وترى بالتاكسي لشارعنا ما ياخذ 5 دقائق وحتى ان بغيت
تروح جهة البرجين ما ياخذ معاك 5 دقائق ...يعني من 3-4 رينجيت .
كافي ولا ازيد صراحة فندق ممتاز ماراح تندم فيه واخوي رايح شهر
عسل ووصيته بليلتين فيها وانت ان شاء الله اخوي كمان
موفق اخوي ورحلة سعيدة وتروحون وترجعون بالسلامة
والسلام عليكم

الشعيبي
أخوي الغالي الشعيبي
بصراحه مهما أتكلم ... فشهادتي فيك مجروحه
و الله اني احبك و أعزك و أحترمك في الله
يا أخي يكفي جهودك الواضحه حتى للعميان في المنتدى
و اذا تبي هديه تراك ما طلبت شي
انا فداك يا غالي
و تراني رديت عليك قبل ردك هذا و أعذرني اني ما رديت عليك وقتها
اكرر أعتذاري لك
و هذي بوسه على جبهتك
تحياتي يا غالي ،،،

أخوي الشعيبي يعطيك ألف عافيه ..
والله شكلنا من بعد هالوصف بنقلب (على قولتك ) للبان باسيفيك ..
بس مافهمت قصدك يوم تقول فندق مايصل فخامته للخيول ... الخ
يعني اهو أفخم منهم !!!! والا قصدك انهم بنفس الفخامة؟؟
تحياتي للجميع ..

السلام عليكم ...
مساك الله بالخير عيوني واخوي ابو ميسم
لا يا اخوي ابو ميسم تكفى لا تقلب قصدن اخوي انه الخيول الذهبية
وصن وماندرين وماريوت افخم منه ...ان كانوا 5 نجوم المستوى A
نخلي بان باسفيك 5نجوم المستوى B مسوي الشغلة على كيفي
هذا كله رأيي شخصي ...لكن صراحة ارتاح جداً في هالفندق وفيها موظف
جداً خلوق ملايو على حضرمي وما يقصر في شيء وشغال في خدمة النزلاء
صراحة جدأً محبوب وكل العرب اللي عرفوه حبوه ...رغم انه ما يتكلم عربي
الا انه فزوعي الله يحفظه ويسلمه (ابو نور هاني) ...وعجبني في الفندق
سرعة الخدمة والكوي والغسيل ...اقول ودي حوايجي بعد ساعتين الاقيها
قبل المدة المحددة واصلة ...بعكس استانا اللي عكس صورة سيئة عنه .
بس ما ادري صلحوا الدرج الكهربائي ولا باقي ...من الصيفية اللي فاتت
وهي خربانة وقبل شهرين كنت عندهم ومازالت خربانة ...ما ادري وش
قصتها ...والمسبح شبه فاضي في اغلب الاوقات ...
المهم اخوي ابو ميسم ان كانت نيتك على الخيول لا تغيرها ...انصحك
ببان باسفيك ان اخترت الفنادق العادية اللي في وسط البلد كأستانا و
رينيسانس ...الخ .
موفق اخوي ابو ميسم وكل تحياتي وتقديري والسلام عليكم

الله يبارك فيك أخوي الشعيبي ..
ويعطيك ألف عافيه .. يالغالي ..

اخي الشعيبي وحبيب قلبي وتاج رأسي انا آسف ماردت عليك لأني رحت انام لكن ماقصرت علي الشرح المفصل.لكن قل آمين الله يدخلك الفرد وس ويزوجك اربع حريم يحشمونك ويطربونك وينسونك حتي تنسي الدنيا ومافيها

اهديك هذا اللقب لعله يحوز علي رضائك(النورس الماليزي)ايها النورس اريدك ان تخبرني عن اقرب الشلالات القريبة الي بنانغ وكوالا لمبور.مع تحديد المسافة. ولك فائق تحياتي وأشواقي.