15-12-2022 - 08:49 am
الأخوة الكرام أعضاء المنتدى
أنا مهاجر جديد الى كندا عراقي سأسافر بمشيئة الله الى كندا بعد ثلاثة أشهر ليس لي مكان محدد سؤالي المكان المناسب للسكن والذي ممكن أن أحصل على عمل فيه علما بأني دبلو ميكانيك سيارات وأسرتي تتكون من خمسة أشخاص ولي أبن قد أنهى دراسته الثانويةوسيلتحق بالجامعة وأرغب بادخاله كلية الطب البشري وهل بأمكاني فتح مطعم هناك وكم يكلف المشروع أن كان عندكم فكرة عن ذلك أرجو مساعدتي
سلام عليك
توصل بسلامه ان شاء الله .. اذا تبا تشتغل عندهم فكندا لازم تاخد تدرس عندهم هناك يعني تعدل شهادتك و تخليها كنديه سواء فالجامعه و لا فاكولج. تقدر تشغل بس فالمحلات و راتب بسيط جدا ما يكفي عايله. بس اذا حصلت ناس يساعدونك اقصد عرب فاتحين مشاريع و جذا اضن انهم ما يطلبون اي شهايد... و لاكن فاماكن خاصه و حكوميه لازم تعدل شهادتك.. نفس الشي لولدك اذا ياب نسبه حلوه فتوفل هني فكندا بيذخلونه كولج او جامعه.. و لاكن اذا شافو ان الانجليزي ماله هب شي بيخلونه يعيد الثانويه جم سنه لين مايخد ثانويه عندهم... و هيه تقدر تفتح مطعم على ما اضن ميتين الف درهم جان تبا تسوي مطعم معقول...من رايي يا خوي لو مثلا ييت هني لاتاوا عاصمه كندا.. تسأجر شقه مفروشه قيمتها ثمانيه الاف درهم فشهر الاول.. و عقب استاجر شقه هب مفروشه و فرشها بروحك قيمتها الفين و اربعميه درهم فشهر و تم جذا لين ما يكون عندك ست اشهر فكندا .. وعقب ست اشهر تقدم ع الحكومه يعني الحكومه تساعدك فاايجار و راتبك الشهري .. يعني الحكومه تدفع عنك و عيالك دام انك ماتشتغل. بس الحكومه راتبهم قد قد هب وايد ولاكنه يكفي لكل شي .. وانت استغل الفرصه ادرس فالجامعه عقب ماتاخذ المنحه الحكومه نفسها.. وترى ها حقك انه الحكومه تساعدك و تساعد عيالك
و سموحه