كويتي عاشق دبي

ابن بطوطه اذا كنت في شارع الشيخ زايد رحمه الله عليه تاخذ طريق ابو ظبي وعلى طول تمشي بعيد شوي وتشوفه على يمينك ولا تخاف في لافتات باللون البني مكتوب عليها بن بطوطه
السوق الصيني عكس طريق بن بطوطه تروح الى دبي وبعد تشوف لافته مكتوب عليها مدينه حتا
تاخذها وتمشي شوي وتشوف كراجات ومصانع وبعدين تشوف المدينه على اليمين او اسمه دراغون مول

مشكور حبيبي سواح كويتي وماقصرت على مرورك وخدمتك

السلام عليكم
ابن بطوطة ... تقريباً على نهاية شارع زايد ... بالإتجاه لأبوظبي
إذا ادل الإمارات مول اتعديه وبعده يجي ابن بطوطة مول كلهم على نفس الشارع .
دراغون مارت(السوق الصيني)من داخل دبي تسلك شارع الإمارات ... تتبع شارع حتا بالتحديد في منطقة العوير.
إذا إنت راجع من القرية العالمية يجي على يمينك في شارع داخلي.

مشكوره اختي بنوته الامارات بس ودي اتفيديني عن القريه العالميه اطلعلها عن طريق شارع المرحوم الشيخ زايد او من طريق الامارات ؟

العفو لا شكر على واجب
القرية العالمية على ( شارع الإمارات ) بالإتجاه للعين..
تقدر تطلع من شارع زايد على شارع الإمارات من خلف الإمارات مول بس بيكون بعيد عليك شوي.
اطلع من داخل دبي على شارع الإمارات على طول أفضل لك.
وليوم إن شاء الله بيكون أول يوم لإفتتاح المهرجان
جدول الفعاليات
http://www.mydsf.com/dsf/arb/dsf_events_main.aspx
وعلى نفس الطريق آوت لت دبي... سنتر أسعاره ارخص من السوق
فعاليات المهرجان في قرية التراث

• وشارع السيف
• شارع المرقبات
• حديقة الخور

كل شي اموضح فالجدول كل يوم بيومه.
وإذا اي استفسار ثاني نحن حاظرين لاتتردد
خدمة أهلاً دبي للإستفسار عن أي شي يخص الفعاليات ولمهرجان
5600 971+

بنوتة الامارات
مشكوره اختي وايد بس حسافه انا بجي يوم الثلاثه ماراح الحق على افتتاح المهرجان