الف مبروك اختي ... والله يتمم بالعافيه ويعطيك الصحه الدائمه...
صدقيني السفر يكفي احيانا همه والترتيب له هالشي بحد ذاته مجهد فكريا ..
طبعا وحسب ظروفك وخاصه ان االدوام راح يكون بعد الاسبوع الثاني من اجازه عيد الفطر
حاولي ترتيب رحله مدتها خمسة ايام بس بشرط مايكون فيها اسواق...!!!
يعني اختاري لك فندق علي بحر تستمتعين بالاطلاله وتريحين شوي خاصه ان الجو وقتها راح يكون ممتع ويكون فصل الصيف علي وشك ينتهي... انا وجهة نظري انصحك بدبي او الخبر...بالخبر فندقين علي البحر الموفنبيك والانتر كونتننتال...
ودبي طبعا مايبي لها مشوره جميع فنادق الجميره ممتعه ورائعه واطلالتها جميله جدا ...
استخيري ورتبي حجوزاتك من الان ونصيحه لاتزيد عن خمس ايام علشان ماتجهدين نفسك
وربي يوفقك ويسهل عليك ....

عزيزتي انا انصحج بالسفر لدبي بصراحه وايد حلوه وانا توني راده منها وفيها اماكن سياحيه وايد لان تعرفين الحين حر فالواحد مايقدر يروح الا المولات فيه مول دبي مول كبير وفيه حوض السمك كبير وفيه الطابق الثالث احواض سمك وايد حلو فيه بعد النافوره الراقصه وحلبة التزلج
وفي مول الامارات في الاسكي حديقة الثلج بس يمكن انتي ما تقدرين تدخلينها عشان الحمل الااذا بتمشين شوي شوي
وفي الفستسفال مول بعد حلو في القنال تركبين القارب يلف فيك في المول
وفي مولات مثل ستي سنتر وفي ابن بطوطه وفي ميركاتو وفي برجمان وفي حمر عين وفي وافي
بصراحه احنا اول شي سكنا في شقق ورحنا المولات وبعدين سكنا في فندق جميرا وشوفي راي فيه في المنتدى وايد حلو المكان والتنقل فيه عن طريق سيارة القولف بصراحه وايد عجبني بس شوي المناظر الي كانت على بركة السباحه تعرفين اشلون والفطور كان روعه وفيه سوق تروحين له بالقارب وفي الالعاب المائيه الوايد وادي وايد وايد حلو
واحنا سكنا بعد يومين في الاتلنتس بس بصراحه عجبني فندق جميرا اكثر من الاتلنتس
واذا تبين اي سؤال عن قطر انا حاضرره والله يهون عليج انشالله وتربين بالسلامه

الخليج صراحه مافيه شي يستاهل سوى دبي مع احترامي للجميع
من حيث تعدد الفنادق حوالي 400 فندق وشقه مفروشه
منها تقريبا 65 فندق خمس نجوم
بها فنادق ومنتجعات مصنفه كافضل فنادق على مستوى العالم
فيها اكثر عن 10 حدائق
اكثر عن 25 مركز تجاري ( مول ) .. منهم اكبر مول في العالم .. واكبر مول في الشرق الاوسط
حديقتين مائيتين من فئه 5 نجوم
بها منتجعات مطله على البحر من افضل الوجهات البحريه في العالم
بها جميع الرياضات البريه والبحريه مثل ( كريكيت _ رمايه _ ركوب منطاد _ صيد سمك _ غوص _ ركوب هوليكبتر _ العاب مائيه _ رحلات بريه _ ايجار دراجات في البر وغيرها الكثير )
بها فلل بمسابح خاصه للعائلات
مطاعم 5 نجوم متعدد ومنتوعه لكل الجنسيات وتوجد اماكن للعائلات في بعض المطاعم
حقيقه زرت ماليزيا .. انا افضل دبي ليس لاني اماراتي بل حقيقه دبي تفوقت على ماليزيا في العمران والفنادق والتسوق والتطور .. ولم يبقى لماليزيا سوى الطبيعه ..
بالنسبه للجو دبي شهر 11 لين 2 جوها افضل من ماليزيا لان جو الشتا في الخليج روعه

السلام عليكم ورحمة الله وبركاته
الله يبارك فيكم جميعاً
اسعدكم الرحمن على الردود والتواصل
واتمنى المزيد من التوضيح والتفاعل او على الاقل تساعدوني ب خطة مدتها اسبوع واخرى مدتها 10 ايام بالفنادق والاماكن السياحية والمولات والمطاعم وياليت يكون المتوسط للاسعار وسط وليست مرتفعة
الف شكر للجميع