السلام عليكم ...
حياك الله اخوي Hamdly
الله يهنيكم ويطرح في الاميرتين البركة وتفرحوا بهم
ان حددت يا طيب الفترة ...وسعر الفنادق كان افدناك اكثر
اجل خليها ...
سلانجور - لنكاوي - بينانغ - كوالا .
سلانجور ...صن واي لاقون لاجل الاميرة الكبيرة .
لنكاوي ... شيراتون بيردانا ...لوالدين الاميرة .
بينانغ ...راسا ساينغ ...للعائلة كلها
كوالا ...ماريوت ..ويستن ان بغيت على شارعنا وان ماهمك
المكان وبغيت فندق فخم خذ ماندرين .
ومن كوالا خل روحة يوم لافاموسا ...ودي انكم تروحون جنتنغ يوم
من كوالا لكن لبسوا الصغار ثقيل ...وان خفتم عليهم بلاها .
افاموسا لكم جميعاً وخاصة الاميرة العودة ...الاميرة الصغيرة
مظلومة في هالسفرة ومالها شيء ولكن هي اللي راح
تخلي لسفرتكم نكهة
خذ الخطوط السعودية او الماليزية ...لكن الاحظ انه خطوطنا في
غير مواسم الاجازات يستخدمون طيارات قديمة لماليزيا ...عكس
فترة الاجازات .
لكن انت من الرياض .....ام .
التنقل بالسيارة ماعدا ....
سلانجور- لنكاوي (طيارة)
لنكاوي - بينانغ (طيارة)
موفق اخوي بأذن الله ورحلة سعيدة والسلام عليكم

شكرا أخوي الشعيبي وجزاك الله خير.
باالنسبه للمده من 12الي 15 يوم والفنادق من 250 الي 350 ريال.
وباالنسبه لطيران الامارات وشكرا.

واياك اخوي Hamdly وسلمك ربي
وش رايك :
سلانجور - لنكاوي - بينانغ - كوالا .
ماغيرنا شيء
رأيي انه معاكم اطفال الله يحفظهم ...واستفدنا من مشاركات حبايبنا
الاعضاء اللي رجعوا من السفر انه كثرة التنقلات تفسد الرحلة بسبب
الاجهاد ...درس لنا ولغيرنا والله ومنهم نتعلم ونستفيد .
فأنت اخوي ادرى بأمكانياتكم ...هذه المناطق الرئيسية ..وان شفتها كثيرة
فأرجو انك تحذف اما لنكاوي او بينانغ او سلانجور حسب مزاجك .
وان بغيتهم كلهم كان وبها ...القرار بيدك اخوي
وصن واي لاقون ليلتها فوق 400 ريال ...ومجازاً انها بسلانجور .
وفنادق لنكاوي تعتبر من اغلى الفنادق والمنتجعات بماليزيا ...
وتجد في حدود 400 وشوية فندق 5 نجوم ومن افخم واجمل مايكون .
وان بغيت ارخص راح تلقى لكن 4 نجوم .
4 نجوم عندهم = 5 نجوم عندنا (غالباً) .
بينانغ ...عندك فندق بي فيو ...ليلة للغرفة المطلة للبحر 270 ريال تقريباً
وتراه فندق مايحتاج وممتاز و5 نجوم مستوى C ...طبعاً في الافخم
منه بالمنطقة ولكن هذا الفندق سعره فيه وراح يعجبك وياكثر من مدحها
بمنتدانا وتقدر تتطلع على صور الفندق بموضوع اختنا بنت البحرين .
كوالا ...بغيت جنب شارع العرب 5 نجوم راح تلقى في حدود 380 ريال
وتلقى 4 نجوم بشارع العرب ب200 ريال ...وتقدر تاخذ فندق 5 نجوم وتبعد
عن شارع العرب 5 دقائق بالتاكسي ب220 ريال .
بعد هالكلام عرفنا وش هي خطتك وان شاء الله نتساعد فيها وماتخرج
الا باللي يرضيك اخوي
ولك تحياتي وتقديري والسلام عليكم