السلام عليكم ورحمة الله وبركاته
اعذروني ياشباب اذا على كثرت استفساراتي اللي بطرحها عليكم وانتوا قدها وقدود
وطبعا انا حاولت اعتمد على نفسي واجمع معلومات واسوي لي برنامج للرحله لكن افتر مخي وكل واحد له راي فقلت مالي الا خبراء تايلند ان شاء الله بيفيدوني
بالمناسبه هذي الديره اول مره اروح لها
نبدا بتفاصيل الرحله
1- الرحله شبابيه بحته
2-عدد الاشخاص 2
3- الاعمار بين 20-25
4- الغرض من الرحله (سياحه - اكتشاف مكان جديد - ترفيه - مساج - لادخل لنا بالاسواق بتاتا)
5-وقت السفر شهر( نوفمبر ) ولو اجلتها للكريسمس تسوى؟
6-مدة الرحله المقترحه من 11- 15 يوم
7-المدن المراد زيارتها هي بانكوك - بتايا- بوكيت (وماهي الاماكن اللتي ينصح بزيارتها هناك)
8-تقسيم الايام يكون الاكثر (بتايا) وثم (بوكيت) والاقل (بانكوك)
9- ماهو افضل خط سير لهذه الرحله بين تلك المناطق الثلاث
0- السكن في بانكوك يفضل شارع العرب او قريب منه وانا اخترت فندقين( اماري بوليفارد -بيل اير برينسز )
11- السكن في بتايا عند شارع الممشى والعرب (انتظر اقتراحاتكم) بس يكون مكان فيه حياه
12- السكن في بوكيت (وين ماتوجهوني بروح )
13- الرحله على طيران الخليج دايركت من البحرين الى بانكوك بدون توقف ب2900 ريال ذهاب وعوده والوصول الى بانكوك الساعه 12 الظهر
14- الميزانيه وسط يعني سعر الغرفه من 300 الى 400 في اليوم
15- احول للبات ولا دولار وبكم ريال احول , وياليت السعوديين اللي راحوا من قبل اشتغلت معاهم بطاقة الفيزا او الماستر كارد او حتى بطاقة الصراف في تايلند ؟
16- كم اقدر ادخل معاي كاش لتايلند سواء دولار او بات
واعذروني على كثرت الاسئله.. وانتظر اقتراحاتكم على احر من الجمر...وشكرا جزيلا مقدما