أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
نريد ان نعرف كم رسم دخول البرج ؟ وطريقة الحجز بالمطاعم هل هي مسبقة والا فور وصولنا اليها ؟
ماهو افضل المطاعم وارخصها واغلاها ؟ ومعلومات اخرى لم تخطر على البال
ودمتم سالمين
ما دام فيها معلومات اخرى لم تخطر على البال فابشر ههه رسم الدخول ما ادري عنه لكن سكنت في البرج ليلة واحدة فقط لا غير.... عن قولة.. من جوا منظر رهيب.... ترقى درج الكتروني وعلى يمينك او يسارك حوض سمك اطول منك... كنت عامل تشيك آوت من جميرا بيتش هوتيل, ولما قلت للي عندي الباب, علطول جاب لي ذاك بي ام... بلشت انا, ما ادري الحين هذا ينتحاسب ولا لا؟ ههه سكتت قلت خلك ثقيل يعني انك ما تفكر في هالاشياء, ومتعود عليهم ههه ( والله لو الواحد ما له شغل في هالدنيا الا بروتوكولات الفنادق! ) المهم سكت الرجال ولا عطيته شي.... ولا قال اي شي.... واظن ان الفندقين مالكتهم شركة واحدة وهذا هو السبب.. المهم وادخل وعندي حجز, وبما اني عربي, جابوا لي احد يتكلم عربي, طلعت واحدة مغربية... طبعا يجيبون لك فوطة حارة صغيرة ان كانك تبي تمسح وجهك تاخذني للغرفة, الا ويجيك هالافريقي ذوق على الآخر لابس بدلة رسمية وبكل ذوق يفتح لي عصير عنب ( لا موب خمر ياللي فكركم رايح بعيد ههه ) من اروع العصائر اللي ذقتها... المهم ويوريني الغرفة... انا قلت غرفة؟ ايه هين... وراني الفيلا اقصد ههه طبعا هم ارخص شي عندهم ب 3000 الليلة, واخذت اللي اعلى منه بشوي, اللي ب 4000 الليلة, يعني مرة في العمر... اسم انك سكنت فيه... المهم والجدران ارتفاعها يمكن 5 او 6 متر ( بارتفاع السقف اللي في دور ثاني في اي بيت ) ... طبعا ما فيه جدران لانها كلها قزاز تطل على البحر... شاشة تليفيزيون كبيرة الحجمbig screen TV, اذا جاء احد للغرفة ورن الجرس تطلع صورته في وجهك وتفتح بالريموت كنترول حق التلفزيون...
ساعة ضوئية على الجدار...
مطبخ عشانك انت يا مدير عام احدى كبرى شركات العالم يمكن ذاك اليوم تشتهي تطبخ رز؟ ههه ولا عشان توفر ولا تطلب من عندهم هي واحدة من الثنتين.... غرفة فيها طاولة سنوكر ( بلياردو ) بس الغريبة انه صعب تمسك العصا لانك ملحم في الجدار وبتتوقع من فندق زي كذا الاهتمام بهالتفاصيل الصغيرة ... شرهتك اللي يعرف الفرق بين البلياردو والسنوكر في اللعب لكنها مجرد ملاحظة طبعا الستائر تفتح من تحت لفوق عن طريق الريموت ( بطيئة شوي )
المهم هذا الدور الاول.... لانه "الغرفة" او "السويت" دورين ههه
فعلا فيلا
الدور الثاني ترقى درج حلزوني وتلاقي مكتبك الخاص, وعليه لاب توب مشبوك في الانترنت, وجنبه ادراج فيه قطع للكمبيوتر ) USB connections وزي كذا... ( طبعا شبكت باللاب توب حقي على الانترنت حقهم عشان احجز في فندق ثاني ههه ) وكنبة قدامها طاولة عليها جميع المجلات.. وادخل غرفة النوم, والسرير فوقه مراية يعني تشوف نفسك... طبعا الجدران قزاز يعني اذا فاتح الستارة تشوف البحر وفيه غرفة صغيرة حقة استشوار وتغيير ملابس الخ, بعدين الحمام اللي يركض في الحصان, اللي احلى من غرف بعض الفنادق ههه عليه انواع الشامبوات والصابون من اشهر الشركات.... يمكن عددها عشر وكثير منها حجمها كبير يعني ما تحس ان عندهم شغل "التوفير" اللي عند الفنادق الاخرى والجاكوزي عاد قصته لحاله.... عليه "قائمة" يعني menu .. ( لاحظ الى الحين معي الرجال يوريني انا ودي يفارق حتى استكشف المكان براحتي ههه ) المهم القائمة تقول انهم يحضرون لك الجاكوزي ب 250 او 350 ( نسيت كم بالضبط ) وان بغيت انواع معينة من العطورات والصوابين تصير اغلى... تبي باللافندر تبي بال ما اعرف ايش.... الى آخر شي في المنيو, يحضرون لك الجاكوزي بالف وخمس مائة درهم او الفين وخمس مائة درهم ( نسيت كم بالصبط لكن عندي في مكان ما تصوير كاميرا فيديو اتأكد من الرقم بعدين, بس شبه متأكد انها 2500 )
وكان فيها كل شي + كافيار + شمبانيا
المهم واتلقف واطلب اكل من عندهم واليوم الثاني لين فيه شباب جايين لي بالسيارة من الرياض وانا طالع طالع اصلا واتصل عليهم قلت باسوي تشيك آوت... طبعا يجونك في "الغرفة" وكل شي يتم هناك... من دفع ونحوه.. ويطلع الحساب 5 آلاف مع رسوم ما اعرف ايش ومع اكل المطعم ( لاني طلبت همبورجر وربيان ( جمبري ) على كيف كيفك ههه تقول له ول دون, يجيك ول دون... وانا اقدر شي اسمه جمبري, واحسن ربيان ذقته كان هناك, والبرجر نفس الشي رائع ) اذكر فيه مطعم قالوا بعد ساعة معينة لازم لبس معين... اظنه شغل كارافيتات و suits وربطات عنق الخ... وانا اصلا في السفر ما البس ثوب نهائيا فما ادري الثوب عادي ولا لا... الزبدة ما تقدر تدخل بجينز مثلا... هذا ارقى مطعم... اظن فيه مطعم ثاني بس ما رحت له ( والله ان تطير عشر آلاف عليك زي السلام عليكم ان عطيت نفسك وجه ) اظن فيه مطعم ثاني ان ما خانتني الذاكرة... اقل رسمية من هذا ( المفروض اني شفته, لاني سمعت انه تحت البحر وانا سكنت هناك ولا رحت وشفت لاني كنت منشغل ادور حجز فندق لليوم اللي بعده! ههه ) طبعا تقريبا كل دور له استقبال خاص غير الرئيسي اللي تحت... والادور بالوان مختلفة تشوفها من اي دور كنت ساكن فيه... ( قد يكون للالوان علاقة بنوع ال "غرف" ) المهم ويجون زملاي وسكنا في فندق اربع نجوم على البحر, قضوا شغلهم, ومعي تذكرة رجعة بعد, بس استحيت , وشبوا فيني ارجع معنا, قلت ارجع معهم... بالسيارة... وارجع معهم بالسيارة.......... ندخل حدود السعودية باتجاه الرياض وينفقع علينا الكفر... الظهر, يعني انواع القلق.. والتعب... المهم شفنا محل, في محطة بنزين يأجر غرف الساعة ب 10 مدري 15 ريال... وانوم فيها ... قلت حسبي الله عليكم قبل امس في برج العرب والحين شف وين ههه ( اصدقاء من سنين في حلوة ومرة يعني ما بيننا اي حساسيات فالمزحة "مقبولة" ههه ) طبعا في برج العرب تستطيع انك تطلب هيليكوبتر ياخذك من صالة كبار الشخصيات في المطار وينزلك فوق الفندق ببتسعة آلاف درهم... وان بغيت يمشيك شوي على دبي قبل الوصول للفندق ب 11 او 13 الف ( اظنها 11 ) ما جربتها طبعا بس هذا كلام الفندق نفسه لما سألت عموما اذا بتروح لمطعم في البرج يفضل انك تكلمهم تلفون اول احتياط... ما تدري..
اخوي اذكر قبل سنتين طلعنا دبي
وطلب الوالد من الفندق حجز لحفله شاي
عصريه يعني من 5 الى 7
وكان رسوم الدخول للشخص 250 ريال
شامله جلسه شاي انجليزي من ماجميعه كيكات وحلويات ماذقت مثلها
ويوم حجزنا طلبوا زي رسمي لدخول البرج
طبعا ممكن تاخذ جوله على البرج والمطاعم الموجوده
اتمنى اكون افدتك
هلا اخواني
انا عندي استفسار انا بعد اسبوعين بروح دبي
وبسكن ليلتين في الجميره بيتش خجزت غرفه لشخصين وحنا اربعه خ يعني هذي اول مخالفه
السؤال : نبي ندخل برج العرب يقولون انه الدخول مجانا اذا انا في الجميره بيتش طيب يعني يشيكون ويشوفون انه حاجز لشخصين ولا عادي ندخل اربعه
والسؤال الثاني: اذا دخلت وش نسوي هل فيه كافيه في اللبي نطلب شاي ومن هالحركات واذا فيه بكم الاسعار؟؟
وبخصوص العشا كم اسعارهم؟؟
واسف على الاطاله
أتكلم عن تجربة شخصية في برج العرب... و أقول فندق و لا أحلى ... بصراحة شعور لا يوصف و إنت في الفندق جو الغرفة مميز و أنا فيها أحس إني أنا مسافره ... في الحقيقة سنويا انا أزور الفندق احتفل فيه بيوم زواجي انا و زوجي الغلاي الله يطول لي في عمره ... المعامله الي يعاملونك فيها بس تخليك إتعيش يومك كأنك واحد من المشاهير ... و بالنسبة للأسعار فعلى المعاملة يستاهلون ... وبالنسبة لفندق قصر الإمارات فكانت لي زيارة له مرة وحده صحيح الفندق جميل و الخدمة بعد قمة لكن برج العرب فيه شي يميزه .. بمعنى ديكور قصر الإمارات سمبل و راقي و مألوف أما ديكور برج العرب يجمع بين تداخل الألوان القوية إلي مالها خص في بعضها و لكن في النهاية تعطي شكل راقي و مميز ... و بالنسبة للإلي يسأل عن الأسعار أنا دخلت الكوفي ب 100 درهم للشخص الواحد .. وبالنسبة للي يحجز في الجميرا بيتش فأنا ما عندي فكرة لكن أنا أأكد لك إن ما بتقدر تلعب عليهم يعني إحتمال كبير يشيكون ... في كوفي مش في اللوبي لكن بعد ما تصعد الدور الأول بالدرج المتحرك و هو مطل على مدخل الفندق و البحر بصراحة منظر وايد حلو ... و بخصوص الأسعار فإلي ساكن في الفندق يدخل ببلاش و الكوفي بالنسبة لنا كان فري بكل الأشياء إلي نطلبها ليش ما أعرف بس أتوقع لأن كنا ساكنين في السويت الكبير ... فيعني إمطلعين بيزات كل شي ..خ من غير مجاملات انصح بزايارة لهذا الفندق الرائع وأكيد بتستانسون و بتستمتعون .... سلامتكم
ما دام فيها معلومات اخرى لم تخطر على البال فابشر ههه
رسم الدخول ما ادري عنه لكن سكنت في البرج ليلة واحدة فقط لا غير.... عن قولة..
من جوا منظر رهيب....
ترقى درج الكتروني وعلى يمينك او يسارك حوض سمك اطول منك...
كنت عامل تشيك آوت من جميرا بيتش هوتيل, ولما قلت للي عندي الباب, علطول جاب لي ذاك بي ام...
بلشت انا, ما ادري الحين هذا ينتحاسب ولا لا؟ ههه سكتت قلت خلك ثقيل يعني انك ما تفكر في هالاشياء, ومتعود عليهم ههه ( والله لو الواحد ما له شغل في هالدنيا الا بروتوكولات الفنادق! )
المهم سكت الرجال ولا عطيته شي.... ولا قال اي شي....
واظن ان الفندقين مالكتهم شركة واحدة وهذا هو السبب..
المهم وادخل وعندي حجز, وبما اني عربي, جابوا لي احد يتكلم عربي, طلعت واحدة مغربية... طبعا يجيبون لك فوطة حارة صغيرة ان كانك تبي تمسح وجهك
تاخذني للغرفة, الا ويجيك هالافريقي ذوق على الآخر لابس بدلة رسمية وبكل ذوق يفتح لي عصير عنب ( لا موب خمر ياللي فكركم رايح بعيد ههه ) من اروع العصائر اللي ذقتها...
المهم ويوريني الغرفة... انا قلت غرفة؟ ايه هين... وراني الفيلا اقصد ههه
طبعا هم ارخص شي عندهم ب 3000 الليلة, واخذت اللي اعلى منه بشوي, اللي ب 4000 الليلة, يعني مرة في العمر... اسم انك سكنت فيه...
المهم والجدران ارتفاعها يمكن 5 او 6 متر ( بارتفاع السقف اللي في دور ثاني في اي بيت ) ... طبعا ما فيه جدران لانها كلها قزاز تطل على البحر...
شاشة تليفيزيون كبيرة الحجمbig screen TV, اذا جاء احد للغرفة ورن الجرس تطلع صورته في وجهك وتفتح بالريموت كنترول حق التلفزيون...
ساعة ضوئية على الجدار...
مطبخ عشانك انت يا مدير عام احدى كبرى شركات العالم يمكن ذاك اليوم تشتهي تطبخ رز؟ ههه ولا عشان توفر ولا تطلب من عندهم هي واحدة من الثنتين....غرفة فيها طاولة سنوكر ( بلياردو ) بس الغريبة انه صعب تمسك العصا لانك ملحم في الجدار وبتتوقع من فندق زي كذا الاهتمام بهالتفاصيل الصغيرة ... شرهتك اللي يعرف الفرق بين البلياردو والسنوكر في اللعب لكنها مجرد ملاحظة
طبعا الستائر تفتح من تحت لفوق عن طريق الريموت ( بطيئة شوي )
المهم هذا الدور الاول.... لانه "الغرفة" او "السويت" دورين ههه
فعلا فيلا
الدور الثاني ترقى درج حلزوني وتلاقي مكتبك الخاص, وعليه لاب توب مشبوك في الانترنت, وجنبه ادراج فيه قطع للكمبيوتر ) USB connections وزي كذا... ( طبعا شبكت باللاب توب حقي على الانترنت حقهم عشان احجز في فندق ثاني ههه )وكنبة قدامها طاولة عليها جميع المجلات..
وادخل غرفة النوم, والسرير فوقه مراية يعني تشوف نفسك... طبعا الجدران قزاز يعني اذا فاتح الستارة تشوف البحر
وفيه غرفة صغيرة حقة استشوار وتغيير ملابس الخ, بعدين الحمام اللي يركض في الحصان, اللي احلى من غرف بعض الفنادق ههه
عليه انواع الشامبوات والصابون من اشهر الشركات.... يمكن عددها عشر وكثير منها حجمها كبير يعني ما تحس ان عندهم شغل "التوفير" اللي عند الفنادق الاخرى
والجاكوزي عاد قصته لحاله....
عليه "قائمة" يعني menu .. ( لاحظ الى الحين معي الرجال يوريني انا ودي يفارق حتى استكشف المكان براحتي ههه )
المهم القائمة تقول انهم يحضرون لك الجاكوزي ب 250 او 350 ( نسيت كم بالضبط )
وان بغيت انواع معينة من العطورات والصوابين تصير اغلى... تبي باللافندر تبي بال ما اعرف ايش....
الى آخر شي في المنيو, يحضرون لك الجاكوزي بالف وخمس مائة درهم او الفين وخمس مائة درهم ( نسيت كم بالصبط لكن عندي في مكان ما تصوير كاميرا فيديو اتأكد من الرقم بعدين, بس شبه متأكد انها 2500 )
وكان فيها كل شي + كافيار + شمبانيا
المهم واتلقف واطلب اكل من عندهم واليوم الثاني لين فيه شباب جايين لي بالسيارة من الرياض وانا طالع طالع اصلا واتصل عليهم قلت باسوي تشيك آوت...طبعا يجونك في "الغرفة" وكل شي يتم هناك... من دفع ونحوه.. ويطلع الحساب 5 آلاف مع رسوم ما اعرف ايش ومع اكل المطعم ( لاني طلبت همبورجر وربيان ( جمبري ) على كيف كيفك ههه تقول له ول دون, يجيك ول دون... وانا اقدر شي اسمه جمبري, واحسن ربيان ذقته كان هناك, والبرجر نفس الشي رائع )
اذكر فيه مطعم قالوا بعد ساعة معينة لازم لبس معين... اظنه شغل كارافيتات و suits وربطات عنق الخ... وانا اصلا في السفر ما البس ثوب نهائيا فما ادري الثوب عادي ولا لا... الزبدة ما تقدر تدخل بجينز مثلا... هذا ارقى مطعم... اظن فيه مطعم ثاني بس ما رحت له ( والله ان تطير عشر آلاف عليك زي السلام عليكم ان عطيت نفسك وجه )
اظن فيه مطعم ثاني ان ما خانتني الذاكرة... اقل رسمية من هذا ( المفروض اني شفته, لاني سمعت انه تحت البحر وانا سكنت هناك ولا رحت وشفت لاني كنت منشغل ادور حجز فندق لليوم اللي بعده! ههه )
طبعا تقريبا كل دور له استقبال خاص غير الرئيسي اللي تحت... والادور بالوان مختلفة تشوفها من اي دور كنت ساكن فيه... ( قد يكون للالوان علاقة بنوع ال "غرف" )
المهم ويجون زملاي وسكنا في فندق اربع نجوم على البحر, قضوا شغلهم, ومعي تذكرة رجعة بعد, بس استحيت , وشبوا فيني ارجع معنا, قلت ارجع معهم... بالسيارة...
وارجع معهم بالسيارة..........
ندخل حدود السعودية باتجاه الرياض
وينفقع علينا الكفر... الظهر, يعني انواع القلق.. والتعب...
المهم شفنا محل, في محطة بنزين يأجر غرف الساعة ب 10 مدري 15 ريال... وانوم فيها ...
قلت حسبي الله عليكم قبل امس في برج العرب والحين شف وين ههه ( اصدقاء من سنين في حلوة ومرة يعني ما بيننا اي حساسيات فالمزحة "مقبولة" ههه )
طبعا في برج العرب تستطيع انك تطلب هيليكوبتر ياخذك من صالة كبار الشخصيات في المطار وينزلك فوق الفندق ببتسعة آلاف درهم...
وان بغيت يمشيك شوي على دبي قبل الوصول للفندق ب 11 او 13 الف ( اظنها 11 )
ما جربتها طبعا بس هذا كلام الفندق نفسه لما سألت
عموما اذا بتروح لمطعم في البرج يفضل انك تكلمهم تلفون اول احتياط... ما تدري..