وعليكم السلاام والرحمه
والله يالغالي انه نفس سؤالي انا نزلت لي موضوعين ولا احد رد علي
ما ادري وين الناس والا ما احد يبي يساعدنا وندعي له الشكوى لله
الله يعينك انا لي يومين ما احد رد علي وكل ال ابيه فانكوفر فيزتها كم تاخذ يوم وبكم تكلفتها ..
الله يوفقنا اجمعين ..
تقبل مروري ..

هلا فيك
1- بالنسبة للفيزا من شهر الى اربعين يوم تطلع لك
2- بالنسبة للدراسة يختلف من معهد الى معهد اخر وبعدين اذا كانت دراستة فقط لتقوية اللغة انصحك بمعاهد غير التابعة للجامعة
3- انت بتغى تدرس باي مدينة بكندا
4- بالنسبة للسكن مدري انت لحالك ولا معاك اهلك اذا انت لحالك بنصحك بسكن بعطيك عنواينها لاحقا بس انت وين واذا كنت بتورنتو ابشر بسعدك
5- بالنسة للمعيشة في كندا ليست بالرخيصة
عموما اذا تبغى تفاصيل اعطيك معلومات اكثر انا الحين متواجد بتورنتو

مبتعث فانكوفر
هلا اخوي الله يوفقك ويوفقنا وفيه الاخ majedmsud ماقصر والله ويعطيه ألف عافيه رد علي
اذا عندك استفسارات اسئله انشالله مايقصر معك
وتحياتي لك

majedmsud
هلا والله اخوي
الله يعطيك العافيه على الرد وتجاوبك معي
من ناحية اني جاي لكندا جاي اللحالي ومن ناحية الدراسه ابغا مدينه تكون صغيره بس يكون متوفره فيها الخدمه والترفيه ويقل فيها العرب
ومن ناحية المعيشه انا كنت متواجد في بريطانيا بكثره فلذلك كندا ارخص من المعيشة في بريطانيا اذا قارناها :gathering
والله يوفقك دنيا واخره ويعطيك الصحه والعافيه
تحياتي لك

وهل في مطار كندا يشيكون على الاب توب اذا البرامج تقليد او اصليه؟

مشكورين وما قصرتو
الله يجزاكم كل الخير
اانا بس حبيت اسئل الحين لما ابي اطلع الفيزا كم قيمتها انا بطلعها من الرياض هذا شي
الشي الثاني الفحص الي يطلبونه كم يكلف كم فلوسه وعلى شنو يكون الفحص ؟؟
انا عموما ابي اروح هناك بعد رمضان لأ،ه التذكره وقتها بعد رمضان كيف راح يكون الجو
وعموما جوها هي برد يعني ملابسي بتكون صيفيه والا شتويه .؟
تحياتي لكم

هلا فيك
1- بالنسبة للابتوب لا تشيل همه عادي ما حد سال عنه انا جيت مرتين لكندا وزرت اكثر من مدينه ما احد سال
2- بالنسبة انا اعرف تورنتو اكثر وفيها معهد اسمة ilac زينة المعهد يركز اكثر شي على المحادثة شوف فيه عرب بس مو كثير بعدين هو كبير مره يعني يضيعون العرب فيه وفيه انشطة كثيرة اعتقد ان الدراسة جدا مريحة وفيها معاهد اخرى اذا انت بتجي بنسق لك وترسل اوراقك واجيب لك قبول
3- المعيشة ما يحتاج انت عارف بريطانيا
4- بالنسبة للسكن في تورنتو السكن مع عائلة جيد بس ما تلاقيه في الدواون تاون بسهوله انصحك تسكن مع روميت احلى ويكون ارخص لك اكثر حرية شويه من العائلة او عائلة بس الله يعنينك على القطارات والباصات بس تراها شي جديده وبعض الناس يعتبرها حلوه
5- بالنسبة للمعهد الي قلته له فرع بنفانكوفر
5- بالنسبة للمدن الصغيرة فيه بكندا كثير مدن صغيرة ولا فيها عرب بس تكون هادئة واخاف تمل
6- افضل مدن كندا من ناحية (الوناسة والفلة والاقرب للسعودية والاكثر فعاليات وانشطة في الصيف) تورنتو بلا منازع
7- اذا انت تبغى هدوء وطبيعة بس فيها عرب كثير عندك فانكوفر بس بعيدة شوي
8- اتاوا حلوه مش بطالة
المدينة تعتمد على حسب جوك وراحتك

الله يعطيك العافيه اخوي ويوفقك دنيا واخره وترجع لأهلك في احسن الشهادات
ولي عوده
تحياتي لك