انا اسف نسيت اقول لكم على قيمة العرض القيمة الاجمالية هي 5669 ريال للعرض السابق .
شكرا للجميع :

حياك
طبعاً أنا أشوف إنه عرض غير مناسب
فهل من المعقول أسافر لمالزيا ولا أروح إلا لمدينتين
بالإضافة لبيننغ وكوالا لازم الواحد يروح للنكاوي وجنتنج

الاخ فحيمان....السعر السابق ....هل يشمل السكن مع تذاكر السفر ولشخصين؟؟؟
اذا كان صحيح......فخذه ولا تتردد.
وزي ماقال اخونا صادق الاحساس....طبعا لازم تمرون على جنتنق وانتم في كوالالمبور....يعني تطلعون الصباح مثلا الساعة 9.....وتروحون الملاهي وتنبسطون وتتغدون....الين العصرية وبعد كذا ترجعون لكوالالمبور....وترى المسافة في حدود 80 كلم.

اخوي سيمنس العرض يشمل السكن مع تذاكر السفر على الخطوط الماليزية لشخص واحد فقط .
مادري ايش رايكم بالفنادق ؟ وسيلانجور تستاهل الثلاث ايام ولا يكفيها يوم واحد .....؟

هوليدي ان ريزورت ممتاز..وموقعه مميز بعد
بس انتبه لنقطه مهمه
تراه عباره عن مبنيين انثين
واحد على البحر beach wing
على البحر مباشره بس اقدم من المبنى الثاني
وواحد قطع الشارع فيه زي الجسر بين المبنيين tower wing
وطبعا نص غرف المبنيين الاثنين مطله على الجبل وليس على البحر
انتبه لهالشيء وتاكد منه تاكد انه يكون beach view
وش فايدة اني اسكن مدينة ساحلية وحاطين لي غرفة على الجبل وظهري للبحر؟؟
والله يوفقك

شوف يا عزيزي اذا تقدر تغير فانا انصحك....
بأنك تسكن حول شارع بوكيت بينتانق اللي يسمونه شارع العرب...يعني تخلي البرنامج كذا:
2 يوم في سلانجور
2 لنكاوي
4 بينانق
4 ايام كوالالمبور
بالنسبة لسلانجور فحط في بالك انها في ضواحي كوالالمبور...وعشان كذا انا نصحتك انك تسكن في شارع العرب كنوع من التغيير وعشان تكون قريب من الاسواق.
بالنسبة للفنادق اللي ذكرتها فحلوه لا بأس بها....بس فندق البان باسفيك بعيد عن شارع العرب.