انا مشاركتي لارفع الموضوع فوق والكل يشوفه ويردون على اسالتك وعلشان انا بوقف عند باب الموضوع واسمع كل شارده ووارده عن جزيرة بالي
ولاني مسافر بعد شهر تقريبا وتهمني كل معلومه وبالتوفيق انشالله برحلتك

وعليكم السلام ورحمه الله وبركاته ...
وأهلا وسهلا بك أختي الكريمة ...
صحيح مدة 10 أيام كثيرة لذلك من الافضل توزيعها كالتالي :-
جاكرتا لمدة يومين > جزيرة بالي لمدة 6 ايام > جاكرتا لمدة يومين !!
وأنصحكم بالفنادق التالية في كل من جاكرتا وجزيرة بالي :-
جاكرتا أنصحكم بفندق كروان بلازا أو فندق مارلين بارك ... وموقعهم بوسط العاصمة
وقريبة من الاسواق ,,
بجزيرة بالي أنصحكم بالسكن بفندق نوسادوا بيتش ... وموقعه بشاطئ نوسادوا الجميل ,,
بالنسبه للمزارات السياحية بالعاصمة جاكرتا وجزيرة بالي كثيرة ومنها على سبيل المثال :-
بجاكرتا عندكم :-
1- منتزة تامان ميني
2- منطقة سارينا
3- منطقة أنشول الترفيهية
4- مجمع تمان أنقريك
4- مجمع جراند أندونيسيا
وبالنسبه لجزيرة بالي :-
1- شاطئ جيمبران
2- شاطئ دريم لاند
3- شاطئ كوتا
4- شلالات جت جت
5- منطقة أبود
6- مجمع ديسكفري مول وكذلك مجمع جاليري مول
وبالنسبه للمواصلات فاأنصحكم بالعاصمة جاكرتا أن تستخدمو التكاسي وتحديدا تكاسي بلوبيرد
أما بالنسبه لجزيرة بالي فاأنصحكم بسيارة خاصة بسائقها وأسعارهم تبدا من 350 الف روبيه
لليوم الواحد شامل البنزين ,,
وكذلك أعملي حسابك على مبلغ يومي من 200 الى 250 دولار بالعاصمة جاكرتا أما بجزيرة
بالي فاأعملي حسابك على مبلغ يومي 300 دولار طبعا راح تكون شاملة للنقاط التالية لشخصين :-
1- السكن
2- الاكل والشرب
3- المواصلات سواء تكاسي أو سيارة خاصة
4- رسوم المزارات السياحية
ورحلة موفقة باذن الله تعالى ... وجميع ماتم ذكره لشخصين فقط ,,

ابن السعوديه
الف شكر لك ماقصرت
اذا ابي سائق خاص كيف احصل عليه هل فيه مكاتب معينه
وهل السائقين يتكلمون عربي لان الانجليزي حقي ع قدي مو ذاك الزود

ناي الفيصل
هلابك أختي الكريمة ...
لاتشيلين هم اللغه أغلب السائقين هناك يتحدثون اللغه العربيه وبطلاقة
وأنصحك بالدخول على هذا الرابط وركزي على سائق اسمه محي
الدين مجرب من قبل خبيرنا الفاضل الكوكب الطائر ,,,
أرقام السائقين فى إندونيسيا https://artravelers.com/p/re/389407 ,,,

نصيحه لا تروح بالي تراها مو على سمعتها غاليه وحر تقول انك في الرياض
تبي الطبيعه والرخص لا تفوت الجبل الاخضر بشك فيها لمده ثمانيه ايام ويوم وانت جاي من المطار ويوم وانت مغادر صدقني ماراح تندم ولما تكون في الجبل تقدر تروح للمدن المجاوره لها بقور وسكابومي وباندوق كلها ماتبعد ساعه الى ثلاث ساعات

من زمان ودي في بالي
طيب احد عنده معلومات كيف جوها بشهر مارس

جزيرة بالي .. للامانه تكفيها 4 ايام فقط .. والجزيرة رطبه وليست باردة وانصحك تذهبين من جاكرتا الى بالي وترجعون جاكرتا بحيث يكون مدة جلوسكم ببالي 4 ايام الى 5 ...

ابي فلل مطلة مباشرة ع البحر في بالي
ووش الفرق بين السكن بمنطقه كوتا او السيمناك ( مدري كذا اسمها او لا )

ناي الفيصل
انا مثلك رحلتي ان شاءالله بمارس واحترت بالاجواء
وبعد ماسألت خبير بالي نجم الكويت جاني الجواب الصاعق
جو بالي بشهر مارس حار جدا جدا جدا ورطوبه شديده
قالها كذا بالحرف الواحد
وعلشان كذا لازلت محتار الي الحين مدري اجزم واروح والا اكنسل بالي
بس فكرت احجز ذهاب فقط واروح واذا شفت الاجواء سيئه حجزت عوده على طول لو مااجلس الا ليله
رايحين ندور الاجواء الزينه والا الرطوبه والحر عندنا بالسعوديه
بالتوفيق لك