Pokahuntis
26-04-2022 - 08:34 pm
:smile002:
بعد عناء تجهيز الاوراق المطلوبة وتعبئة جميع الفورمات الخاصة بالفيزا السياحية
هذا ماحدث معي في السفارة الامريكية في الرياض
في 1 مارس 2008
حضرت تمام الساعة السابعة صباحا وجدت طابور لا باس به مدري متى حضروا الاخوان
المهم وقفنا في الطابور حتى الساعة التاسعة تقريبا وودي هنا اقدم نصيحة للأخوان
(من الافضل انك تترك شخص يقف في الطابور حتى يقرب دورك ثم تحضر حضرة جنابك في أخر لحظة :24
بعدين نصل الى كشك صغير فيه موظفة قمة في اللباقة
شيكت على اوراقنا ورتبتها كما هو مطلوب
( بصراحة كل اللي قابلتهم لبقين جدا بعكس ماكنت اتوقع ماعدا بعض الهنود
اللي مالهم داعي بس ينادون ويعطونك رقم دورك يكلمونك من ورا خشومهم
مدري وش محسبين انفسهم :114
المهم أخذو منا الجوالات ووضعوها في ظرف مغلق عليه رقم
ثم دخلنا مع الباب اللي هو يودي على التفتيش وضعنا الأحذية
(وانتو الكرامة :101 على السير وعدينا جهاز التفتيش وكانت هناك موظفة عربية
طلبتني أكشف وجهي وأخذو ظرف الجوالات وعطونا الرقم فقط ومشينا في الساحة
بعدها دخلنا المبنى مع جهاز تفتيش آخر وأخذنا جهة اليسار ودخلنا سيب طويل
هناك تجد بعض المأكولات والمشروبات الخفيفة للبيع
عاليمين تجد شخص يعطيك رقم وتدخل غرفة فيها 4 نوافذ
وتنتظر دورك كان دورنا عند موظفة عربية طلبت أيضا ان اكشف وجهي للتأكد من صورة الجواز
طبعا اللي ناقصة اوراقهم ماعندهم اي مشكلة
كان هناك طاولات يجلسون ويخلصون اللي ناقصهم
بعد ذلك خرجنا من الغرفة واخذنا رقم آخر ورجعنا للنافذة رقم
4 أخذ الرقم وبس (يعني مرتاح مرة شغلته سهلة :106
المهم طلعنا من الغرفة واخذنا يمين هناك اماكن للانتظار
جلسنا بعد مااخذنا رقم آخر طبعا
انتظرنا حوالي نص ساعة هناك حوالي 4 نوافذ اذا ماخانتني الذاكرة
وفيه مكتب (فيدكس لتوصيل الجوازات)
المهم جا دورنا عند موظفة ايضا طلبت كشف وجهي وأخذت البصمات ورجعنا ننتظر
أخيرا جا دورنا للمقابلة هناك شخصين موظف وموظفة كان حظي ايضا عند الموظفة
اللي ايضا طلبت كشف وجهي :112:
( من حسن حظي كل اللي طلبو التأكد من هويتي هم من النساء ماأدري مقصودة ولا جت عفوية )
المهم نجي لأهم شي لأن اللي فات كله عادي
مجرد تدقيق للأوراق انها كاملة وبس
اخذ زوجي السماعة وسألته أسئلة جدا مختصرة
عملك , مدة الخدمة , رحت أمريكا سابقا , مين تعرف في امريكا ,
متى ناوي تسافر , وين بتروح هناك أكيد ديزني
(عشان شافت صور أطفالي يعني), وين بتسكن .
طلبت اني آخذ السماعة وسألتني سؤالين فقط عملك ومدة الخدمة
طبعا كنا مجهزين انفسنا بحجز الطيران وفيزتي القديمة اللي طلعناها
بالقوة من تحت ركام السنين لأني سبق ورحت لأمريكا قبل 20 سنة
المهم ماطلبونا ولا سألو عن اي شي زيادة المهم عندهم الفلوس
أخذو بس كشف حسابين في البنك
المفاجأة كانت لما أخذت الموظفة الورقة الحمراء وليس الخضراء
ودبستها عالجواز وقالت كل شي
بس هناك بعض التدقيقات وبعد اسبوعين الى شهر شيكو عالموقع
الالكتروني واذا كل شي تمام ارسلو الجوازات
ملحقة برسوم اضافية 27 ريال لكل طلب مع فيدكس
وانتهت المقابلة وطلعنا حوالي الساعة عشرة ونص
عند خروجنا أعطيناهم الرقم وأخذنا ظرف الجوالات
والله يكتب اللي فيه الخير
في النهاية اشكر كل من ساعدني في تجهيزي لطلب الفيزا
وأقول للي في طريقهم للفيزا لا تشيلون هم كل شي عادي واكثر من الطبيعي
واجراءات عادية جدا والمقابلة كنت اتوقعها شي ماصار,
هي شوي اسئلة جاوب عليها بكل ثقة لا تكذب ولا ترتبك
الف مبروك مقدما على الفيزا !!
وعقبال السفر وتروحون وتنبسطون وترجعون بالسلامة يارب ..
لاكن لا اوصيكم بالصور الكثير علشان التقرير الرائع ..
وبالتوفيق للجميع ...