خذ لك بطاقة الراجحي للصرف الإليكتروني وريح نفسك تقدر تسحب فيها كاش ومشتريات
تحياتي لك
على فكرة حاول تاخذ ماك حوالي 1000-1500 رينجت مصاريف حق كم يوم لين تدبر حالك

والله يخوي الأشم أكثر الناس ياخذون فلوسهم كاش وبالدولار طبعا
لكن اذا انت من ضامن نفسك أو منت متعود تقدر تاخذ شيكات سياحية (امريكان اكسبريس) وتقدر تصرفها من نفس الفندق اللي انت ساكن فيه ولا فيه أي مشاكل.
تحياتي ،،،

الأخ الكاسب مشكور وما تقصر وأبشرك أنا عندي بطاقة الراجحي وفيزة الراحجي كذلك الذهبية ... فهل هي كافية ؟
الأخ مشرف أندونيسيا
مشكور على التعليق .... وهل تكفي بطاقة الراجحي وبطاقة الفيزا الذهبية عن هذا كله ؟ يعني بالعربي أخذ ألف دولار بس والباقي حسابه على الفيزا ...
طيب وفيه نقطة ثانية بسأل عنها ، هل دفع الحساب للفندق أو المحلات بالفيزا أو بطاقة الراجحي العادية راح يفرق في السعر معاي وإلا لا ؟
إذا كان الجميع يقبل بطاقة الفيزا ، فمعناه أن الكاش ما له داعي إلا في المناطق اللي ما فيها صرافات ...
سؤال أخير ...... هل إذا صرفت رنجت من صراف أي بنك عندهم عبر بطاقة الصراف ( حقتي ) بطاقة الراجحي راح يفرق معي السعر كثير /// بمعنى أنه راح يعطيني سعر صرف غالي علي ......
وشكراً جزيلا ً مقدما

1. بالنسبه :-

حياك الله اخوي ... والأخوه ماقصرو ولي توضيح لو سمحتلي على اسفساراتك الجديده ...

بالنسبه :-

1- وهل تكفي بطاقة الراجحي وبطاقة الفيزا الذهبية عن هذا كله ؟ يعني بالعربي أخذ ألف دولار بس والباقي حسابه على الفيزا ...؟
أخوي بالعكس يوم تآخذ معك كاش أحسن لك وخاصةً أنه فيه نظام ( السفتي بوكس ) في الفنادق وماراح تقلق حالك وتشيل فلوسك معك وخلهن هناك وهن آمنات .. بأذن الله ... ليش اقول هذا .. لا قدر الله انه لم يشتغلن معك البطاقات لسبب ماء ...
2- طيب وفيه نقطة ثانية بسأل عنها ، هل دفع الحساب للفندق أو المحلات بالفيزا أو بطاقة الراجحي العادية راح يفرق في السعر معاي وإلا لا ؟
للحرص أدفع للفندق بالفيزا أما المحلات أستخدم الكاش وهذا يحد من الوقع بالمشاكل مستقبلاً .. اما البطاقه العادية فلاتستطيع أستخدامها الا في ماكينة الصرف فقط ...
3- إذا كان الجميع يقبل بطاقة الفيزا ، فمعناه أن الكاش ما له داعي إلا في المناطق اللي ما فيها صرافات ...
أخوي بالعكس بطاقة الفيزا لا تتعامل بها الا في أماكن مظمونه 100% ...
3- هل إذا صرفت رنجت من صراف أي بنك عندهم عبر بطاقة الصراف ( حقتي ) بطاقة الراجحي راح يفرق معي السعر كثير /// بمعنى أنه راح يعطيني سعر صرف غالي علي ......
لا أخوي السعر واحد وهو المعمول به عالمياً لتداول العملات .. ولكن لتنتبه لنقطه أنه بنك الراجحي راح يآخذ منك على كل عملية مبلغ القرابة 35 ريال .. حتى لو سحبت فقط 100 رنجت ...

أخوي نائب المشرف العام
مشكور وما قصرت أبداً أبداً على هالإجابة الوافية والسريعة .....
جعلها الله في ميزان حسناتك لإفادتي .....
شكراً شكراً مرة أخرى

الجبل الأشم بحكم إني أقل الشباب خبرة إلا إني راح أدلي بدلوي في هذا الموضوع .
البطاقة ممتازة جداً للحالات الطارئة يعني خذها احتياط سواء بطاقات الفيزا أو بطاقات البنوك .
نقطة مهمة النقد أو الكاش لا زم تاخذ معك نقد اضمن لك بكثير افرض إن البطاقة ضاعت لا سمح الله أو سحبتها الآلة وما رجعت وهذ الموقف حصل لي سحبتها المكينة وما رضت تطلع راجعت البنك قالو لي تستلمها بالسعودية يابدل يا غير ما معي فلوس قالو تلقاها بالسعودية تجيك على البنك هناك ولا نسلمك البطاقة .
وبعدين على كل عملية سحب عمولة لا تقل عن 3.5 بالمية وفارق عملة .
خذ معك كاش والديرة أمان بإذن الله والكيس الفطن شرواك إن شاء الله بيكون حريص وتحت حماية الرحمن .
خلاصة الكلام . فيزا أو بطاقة صراف + كاش = كل ما يحتاجه المسافر
تحياتي لك ورحلة موفقة .

أخوي نائب مشرف اندونيسيا
مشكور على دلوك الحلو ..... وما قصرت
وشكلي باخذ دراهمي كاش ( وافصلي جيوب في السروال ) والحافظ الله

انا اشوف ان راي مشرفنا سايا جانتينج الرأي الأصح...
وانا انصح بعدم الأعتماد على بطاقات الصراف أبدا الا في الأزمات فقط
للأسباب اللي ذكرها مشرفنا...ومن ناحيتي كل سفراتي اروح بدولارات
كاش بالأضافه لبطاقة الصرف الآلي في الحالات الطارئه لأني اخذتها
درس بعد ما بلعت مكينة صراف بطاقتي...
والخلاصه خل حسابك في كل امورك كاش بترتاح...

السلام عليكم ورحمة الله وبركاته
عند زيارتي ماليزيا حولت مبلغ بسيط الى رنجت ماليزي وباقي المبلغ بالدولار , لأن هناك سعر الصرف أفضل نسبيا , وفي كل الأحوال لا يستغنى عن بطاقة الصرف الآلي ...
لكن أتمنى منك أخي الجبل الأشم المقارنة بين سعر الصرف هنا وسعر الصرف في ماليزيا ؟
واسمح لي أنقل نسخة من موضوعك الى ساحة الشؤون الإقتصادية , لأن موضوعك بدون مبالغة سيثري الساحة خصوصاً مع الردود المتميزة السابقة.
تحياتي