انتي ايش تبغين بالضبط ؟
كيف جو عائلتكم ؟ بنات كثار ؟ اطفال كثار ؟
عموما دبي مايحتاج تنظيم كبير انتي شوفي ايش بالضبط تبغون وروحو لأن الاماكن قريبه من بعض مو بعيده مره
لو تروحون لمول واحد بتجلسون فيه كل يومكم , تتسوقون والاطفال في الملاهي وبعدها سينما وبعدها عشا
او تخلون العشا بمكان ثاني برا .... تطلعون للبيتش او الممشى لو ماكان الجو حر ورطوبه
يعني على كيفكم

عالم مدهش اذا البنات صغار

احنا لابنات كثير ولاعيال يعني متساويين

هلا أختي هزنه
وكل عام وأنتم بخير
المولات بدبي ماشاءالله تخدم الكل من صغار ونساء ورجال مثل
مول الإمارات فيه سكي دبي وألعاب وسينما ومحلات ماركات
دبي مول فيه أكواريوم وصالة تزلج و ونافورة دبي الموسيقية وبجانبه مول البحار صغير وحلو
أبن بطوطة مول حلو وياخذكم لكذا دولة مثل ردهة المصرية ردهة الصينية والهند وبلاد فارس وبلاد أندلس وتونس كل قسم يختلف ديكوره
دبي فيستيفال سيتي مول كبير وحلو وفيه بالخارج قناة وتجري فيه القوارب مجانا وتطل عليها المطاعم والمقاهي
وميركاتو سيتي مولحلو وصغير وعلى طراز الإيطالي وفيه سينما
ذا ووك مثل أوروبا شانزليزيه فرنسا مجموعة أبراج وفيها سوق مكشوف في الهواء ومن خلفه مرسى دبي نفس الطريقة وفيه مول مارينا دبي
منتجع أتلانتس فيه أكواريوم ومدينة مائية كبيرة أكوافنتشر ومطاعم
ممكن الأولاد يرحون للمدينة المائية والبنات في الأكواريوم والمطاعم والكوفيات
مدينة الجميرة وفيه سوق تراثي وبالخارج قنوات مائية والمطاعم والكوفيات تطل عليها وفيه ركوب القوارب وكل شخص 50 درهم تطوف على المدينة الجميلة من فنادقها
وتايمز سكوير سنتر مول متخصص للأكترونيات وفيه كوفي ثلجية تشيل أوت
والمولات الأخرى
برجمان ، الوافي ، الغرير ، حمرعين ، سيتي سنتر
رحلة سعيدة وموفقة

ثا انكس كثير لك يا اختي