مرحبا اخي الاعرابي اما متجه الى هامبورغ ادور على شاحنات اول مره بروح لها ونشاءالله نحصل بها .
الا بسألك السفارة الالمانية عملت معاك مقابلة لاجل الفيزا؟.
انا عندي فيزا شنقن بس منتهيه هل تعفيني من المقابلة؟.

في موقع في النت http://www.mobil.de حدد نوع الشاحنه وموديلها وتشوف جميع الشاحنات المعروضه للبيع مع المدينه
ورقم جوال صاحبها وتتواصل معاه.
وهذه طريقة البيع والشراء المتبعه في المانيا مو مثلنا معارض وشريطيه .

في عدة مدن هولندية علي بعد حوالي 120 كم من دوسلدورف بها العديد من معارض الشحنات الكبيرة

الجنتلمان
الجنتلمان .. هامبورج مدينة مناسبة جدا .. بالنسبة للشاحنات
فيها العشرات من المعارض .. لها منطقتين تجمع في المدينة واحد بجنوب المدينة حول
شركة ترك ستور .. والاخر بالصناعية اللي جنب النهر .. اسأل عن وكالة مرسيدس كل المعارض حولها
ان ضيعتها اتبع النهر وامش جنبه لين تدخل الصناعية .. وتشوف شعار العز والمراجل شعار مرسيدس طير شلوى
لاجاك ولد سمه مرسيدس
وانتبه من النصابين العريبيا
امر آخر المقابلة نعم سوينا مقابلة علما ان بالجواز فيزا سابقة لازم الاوله والثانيه مقابلة
والفيزا الاوله ماتعفيك ..
وان شفت لك اعرابي راكب سكودا بكس .. ولابس فروة تراه انا
موفق يالهامور

محمد الحربي
مع احترامي لك غلطان يامحمد الحربي باشا .. او ان خوالك الخواجات ..
حنا عريبيا وانا اخوك .. لازم نشوف خشم التريلة وهي موقفة بمعرضها ..
ونحوفها وندرجها لين ندوخ ..
ويمكن نشغلها ونمغطها مع خط برلين لها شوي
طريقة الانترنت حقت خواجات .. معارض هامبورج كلها سماسرة ..
وتشوف عريبيا وسط التريلات يدخل تحتها مايطلع الا رجوله
لايغرونك الربع التالين المشكشكين .. تريله ماتشوفها وتصقع بابها بقوة لاتشريها
شعارنا التريله ماتجينا ... حنا نجيها ...
وكتبه اخوك الاعرابي .. وياحبي للحروب ..بس

الا اخر شي اذا باخذ شاحنة في اي مركز اقدر افحص الشاحنه في هامبورغ
ولا مثل امريكا اذا فيه شركة تتصل عليها وتجي للمعرض وتفحصها وهي في محلها ياليت تدلني اخوي الاعرابي .
وشحن الشاحنه من ميناء هامبورغ للدمام كم يكلف تقريبا ولاهنت يالاعرابي.

safir_elarab
ممكن تحدد لي اسماء ياسفير العرب ..
عاشت ايامك وعاشت لياليك

والله يالاعرابي طلعت منت بهين وخوفي خوالك انت الالمان
ياخوك صدقني الموقع بريحك كثير وبعدين تقدر تشوف السياره وتقلبها واذا مابغيتها ماحد يلومك
بدال المرمطه والهجوله وتمتير الشوارع

الاعرابي
ممكن تفيدني لو سمحت انا ناوي اسافر لشراء شاحنه
وين افضل المدن . والسكن المناسب