1. سأضع بين أيديكم تجربتي في فندق كوبثورن في مرتفعات كاميرون .....

السلام عليكم ورحمة الله وبركاته ......
شكرا لجميع أعضاء المنتدى الرائع ......

سأضع بين أيديكم تجربتي في فندق كوبثورن في مرتفعات كاميرون .....

في البداية سكنت في هذا الفندق عام 2012 . أجمل ما في الفندق موقعه في القمة وإطلالته الساحرة على سفوح الجبال..... أعجبني الفندق وقررت السكن فيه في رحلتي الثانية إلى ماليزيا 2014 ....
تغير اسم الفندق من اكواتيريال الى كوبثورن .... لم تتم أي تغييرات في الفندق ..... أول ليلة في الفندق مرت بسلام .... ثاني ليلة المرحاض ( وأنتم بكرامة ) لا يصرف الماء اطلاقا .... كلمنا الفندق وطلعنا نتمشى .... بعد الرجوع للفندق انصدمنا بأنهم ما صلحوا أي شي بالمرحاض ..... نظفوا الحمام ( أكرمكم الله ) ووضعوا فوطة واحدة فقط .... تنظيف الغرفة كام سيئ للغاية .... اتصلنا عليهم ..... جاء العامل .... ضرب المرحاض برجله اكثر من مرة .... وقال خلاص الوضع تمام .....
اليوم الثاني نفس المشكلة تماما ..... خرب المرحاض مرة ثانية .... كلمناهم الساعة 9 الصباح ......رجعنا 8 الليل ..... ما صلحوا شي ..... كلمناهم ..... بعد ساعتين جاء عامل ..... قال ما اقدر اصلحه .... كلم الصيانه .... جاء العامل خوينا .... ضرب المرحاض برجله اكثر من مرة بعدين قال الوضع تمام .....
كان عندي ملابس أبغى أغسلهم بالفندق .... كلمت عليهم وقلت لهم تقدرون تخلصونهم بكرا الصباح قبل أسافر ..... قالوا شوي ونرد عليك ..... المهم سحبوا علي ما أحد رد ..... نزلت تحت قلت لهم ابغى أكلم مدير الفندق ..... قالوا طالع يتقوى ..... والله مصيبة ..... قالوا تبغى نسوي لك شي ..... قلت لهم أبغى المدير بس ... بعد ثلث ساعة اتصلوا علي وقالوا المدير تحت .... نزلت شرحت لها الموضوع كامل .... ما كانت مهتمة كثير !!!! .... قلت لها انه مو من باب العدل إني أكتب عنكم بالمواقع وأنا ما كلمت المدير .... قالت طيب وش تبغى .... قلت لها أبغى تفسير واضح لسبب تأخير الخدمات لغرفتي ..... قالت رح غرفتك وارتاح ونتصل عليك بعد شوي ..... اتصل موظف الاستقبال ( مو المدير ) وكانت أعذارهم أقبح من أفعالهم ..... باختصار ما فيه أي عذر ..... ويقولون إن كانت الأعذار مش مقنعه لك تقدر تتكلم مع مدير الصيانة بكرا .... قلت لهم هذا شغلكم ..... أنا تكلمت مع المدير وهي تحل المشاكل مع الموظفين وترد علي .... قالوا باختصار لا ..... قلت لهم أنا احاول أساعدكم عطوني أسباب للتأخير ( لأني بصراحة ما أحب أقطع رزق أحد ) .... قالوا وبكل بجاحة اكتب اللي تبغاه بالنت !!!
الخلاصة ..... ما أنصح أحد اطلاقا بالسكن بالفندق لتدني مستوى الخدمة الى درجة لاتطاق ولكثرة القروبات السياحية .... تحس انك بملاهي مو بلوبي فندق .....
آسف على الإطالة ......