ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الخطيب1990
15-12-2022 - 03:52 pm
السلام عليكم
عندي استفسار بخصوص دخول الخليجيين لماليزيا .. طبعا دخلت على موقع السفارة و عرفت ان ما يحتاج فيزا لمدة قصيرة.. بس في ناس قالولي ما يدخلوك اذا ما عندك حجز في فندق.. هالكلام صحيح؟؟
لأن انا رايح اسوي شغلة بسيطة في جامعة هناك و الجامعة يوفرون سكن .. و بتم هناك مدة 5 ايامو جزاكم الله خير


التعليقات (8)
himzmz
himzmz
الجوازات ما سألوا عن فندق او اي شي في ناس توصل وهي ما حجزت فندق وتخلي حجوزاتها من هناك
الوضع عادي اخوي
يعني اللي يبغى يروح ينزل عند اصحابه او اقاربه كيف ينزل
الله ييسر امرك وتكمل اشغالك وترجع بالسلامة ان شاء الله
هاي مزمز

الخطيب1990
الخطيب1990
himzmz
يعطيك العافية يالغالي ما قصرت.. جزاك الله خير

الخطيب1990
الخطيب1990
himzmz
يا اخوي بالله عندي سؤال بعد
في رسوم او اي شي تدفعه اذا وصلت المطار؟؟

kazami
kazami
ايه في شي لازم تدفعه من جيبك..لازم تدفعه الين يخرج من جيبك وهو جواز السفر الاخضر.
هو الشي الوحيد اللي تحتاجه بالمطار . اما الدراهم فما حولك احد.
كازامي

شموخ عتيبة
شموخ عتيبة
وعليكم السلام ورحمة الله
ما قصروا أخواني المبدعين جزاهم الله خير
بس حبيت أنبه على أمر وهو الشي الوحيد اللي تشترطه ماليزيا وتدقق عليه
وهو أن جوازك لازم يكون ساري المفعول لمدة 6 أشهر عالأقل من وقت دخولك الأراضي الماليزية
وغير كذا ما يسألون أبدا لا عن سكن ولا يطلبون مال بأي طريقة
موفق أخي الكريم ..

azuzgt41
azuzgt41
انا تو جاي من يومين الامور طيبة حتي الفيزا صارت بلاش و لا تعبي اوراق ستكر يلصقة بالجواز و خلصنا

الخطيب1990
الخطيب1990
ما قصرتوا و الله يالربع فيكم الخير
موفقين ان شاء الله

مزاجي_سياحه
مزاجي_سياحه
اخوي الكريم امورك سهالات بس عط الموظف جوازك وراح يسألك عن مده الاقامه في ماليزيا ويختم لك وتمشي
انا قبل فتره بسيطه كنت فيها ودخلتها هالمره بجوازي العراقي ونفس الامر بس ختم دخول وامورك طيبه
وبكل المرات الي دخلتها ما طلبوا شي مني او دفعت شي او سألوني عن حجوزات بس ختم
لاتنسى ان الجوازات الخليجيه لها قوه واحترام في شرق اسيا
بس شغله وحده جوازك اكثر من ست شهور وبمره من المرات رحنا ماليزيا وردينا وبعدها عرفنا ان واحد من الربع جوازه كويتي فيه اقل من ست شهور وقت الدخول
بس مادري هل طوفوه عادي ولا ما انتبهوا
بالتوفيق ان شاء الله وتروح وترجع بالسلامه


خصم يصل إلى 25%