بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



ali-alsahli ali-alsahli
ممكن تفيدوني عن الترانزيت ؟؟؟
26-08-2014 - 05:41 pm

السلام عليكم ورحمة الله وبركاته
كل عام وانتم بخير وصحه وسلامة
عندي سوال مسوي لي شوي قلق
سلمكم الله انا حجزت وزوحتي على الخطوط السعودية وخط السير عبارة عن الرياض جدة كوالالمبور الرياض والاقلاع من الرياض الساعة الثامنة مساء والوصول الى جدة الساعة التاسعة وخمس وربعين دقيقة (حسب المدون بالتذكرة) والاقلاع من جدة لكوالا الساعة الحادية عشرا مساء من نفس الليلة.
يعني الترتنزيت راح يكون ساعة وربع فقط.
هل هذا الوقت كافي في النزول من الطائرة وركوب الباص والوقوف والانتظار عند كونترات الجوازات ؟؟؟
اضف الى ذلك لو تاخرت رحلة الرياض جدة.
بصراحة انا أفكر اني اسوي لي حجز ثاني من الرياض لجدة قبل موعد رحلة كوالا بيوم واحد. منها نتمشى بجدة ومنها يكون عندنا وقت كافي قبل الرحلة ولان التذاكر غير مسترجعة وخايف تروح علي التذكرة واحس انها مفامرة
هل توافقونني الراي؟؟؟؟
وهل اذا سويت حجز جديد لجدة يوثر على الححز الاول. بمعنى ما أطلع على رحلة كوالا الا ذا توقفت ترانزيت. او عادي الوضع

أرجو منكم افادتي لاني بصراحة منقلق من هالموضوع

ولكم تحياتي
من الموبايل





المشاركات

وافي بزمن جافي وافي بزمن جافي
ممكن تفيدوني عن الترانزيت ؟؟؟



هلا بالغالي ...

إذا الحجز واحد ... ماعندك مشكلة أبدآ ... هم يزبطون كل الأمور

أوضح لك الأمر أكثر :

إذا حجزك ( الرياض - كوالا ) والترانزيت في جدة ...

يصير خلاص من الرياض تختم وتقص البوردنق وتشحن العفش وماتستلمه إلا في كوالا

لكن إذا هي رحلتين ( الرياض - جدة ) ( جدة - كوالا ) ... الوقت عندك غير كافي

ولازم تحجز رحلة أخرى بصراحة

لكن أعتقد والله أعلم أن حجزك واحد ... والترانزيت في جدة فقط ...

كذا ماعندك أي مشكلة ... من الرياض تخلص كل أمورك بأذن الله



ali-alsahli ali-alsahli
ممكن تفيدوني عن الترانزيت ؟؟؟


اخوي وافي اشكرك على تكرمك والرد على استفساري

الحجز طال عمرك حجزته من النت فما حصلت مباشر من الرياض الى كوالا الي حصلته حسب تاريخ رحلتي من الرياض جدة جدة كوالا كلها برقم حجز واحد ...
فا مثل ماذكرت اخوي اخاف مافيه وقت كافي
بس اخوي لوتكرمت كيف اخلص اموري وختم ع الحوازات من الرياض يعني اتوجه لصالة الدولية ولا اتوجة للداخلية لان الرحلة راح تكون لجدة اولا ،،،،

اشكرك اخوي وافي والله لايحرمك الاجر ان شاالله


النهر الجاري النهر الجاري
ممكن تفيدوني عن الترانزيت ؟؟؟


شوف هذا الموضوع

يمكن يفيدك
وخصوصا الرد رقم 10 لحبيبنا نصر


https://travel.maktoob.com/vb/travel860383/




موفق


ali-alsahli ali-alsahli
ممكن تفيدوني عن الترانزيت ؟؟؟


اخي النهر الجاري
اشكرك على تفاعلك ، بصراحة انا قرات الرابط وموضوعه مشابهه لموضوعي بس احس اني انا اخطر شوي لاني انا مافيه عندي وقت كفايه مجرد ساعة وربع فقط،،،،
الوصول لجدة من الرياض الساعة التاسعة والربع والاقلاع الى كوالا الحاديه عشرا من نفس الليلة ،،
لذلك أفكر اني سوي حجز آخر لجدة واخليه بدري شوي ولا تروح علي الرحلة .....
بس اخوي النهر الجاري آخر سوال 😊😊
عادي اخلص امور الجوازات والشحن من جدة يعني مو لازم اخلصها من الرياض؟؟؟؟

ولكم شكري واعتذاري
في نفس الوقت
من الموبايل


النهر الجاري النهر الجاري
ممكن تفيدوني عن الترانزيت ؟؟؟


والله يا غالي انا كنت اتوقع ان جميع الرحلات اللي مثل رحلتك ( حجز واحد ) انه يكون الشحن والتختيم في المحطه الاولى لكن مثل منت شايف الرد رقم 10 في الموضوع اللي حطيته لك وهي مشاركه من الغالي نصر .. يفيدنا بانه اغلب الرحلات يكون الشحن والتختيم في المحطه الاخيره




طالما الموضوع فيه احتمالات .. فالافضل طبعا تتصل بنفسك على الخطوط وتسمع الكلام من فم الموظف
وياليت تعطينا خبر علشان نستفيد ونفيد الغير


بس اخوي لوتكرمت كيف اخلص اموري وختم ع الحوازات من الرياض يعني اتوجه لصالة الدولية ولا اتوجة للداخلية لان الرحلة راح تكون لجدة اولا ،،،،
سؤال منطقي بصراحه ..
والله ما اعرف الجواب ... لكن المفترض يكون من الدولي ،، وهذا يعني شحن العفش والتختيم من هنا
لكن افاده حبيبنا نصر .. تفيد بعكس هذا الشي ..


عادي اخلص امور الجوازات والشحن من جدة يعني مو لازم اخلصها من الرياض؟؟؟؟
انتبه تسوي حاجه ممكن انها تضيع عليك السفر
كأني فهمت من كلامك انك تبغى تطنش رحلتك من الرياض الى جده ( اللي هي اصلا الرياض كوالالمبور لكن ترانزيت جده )
وبعدين تركب الطياره اللي رايحه الى كوالالمبور ..
اخاف كذا يكنسلون رحلتك الدوليه بكبرها .. على اساس انك تخلفت عن الطيران ..


اعطيك مثال:
اذا عندك رحله داخليه مثلا من الرياض الى الدمام ثم عوده الرياض
والرحله حقت الرياض الدمام فاتتك ..
تلقائي يكنسلون رحلتك للعوده ...


فخوفي انك تترك رحلتك الاساسيه على اساس تسبقهم الى جده برحله قبلها
وبعدين يكنسلون رحلتك كلها ..


فتأكد زين زين


الراهــــــــي الراهــــــــي
ممكن تفيدوني عن الترانزيت ؟؟؟


انتبه تسوي حاجه ممكن انها تضيع عليك السفر
كأني فهمت من كلامك انك تبغى تطنش رحلتك من الرياض الى جده ( اللي هي اصلا الرياض كوالالمبور لكن ترانزيت جده )
وبعدين تركب الطياره اللي رايحه الى كوالالمبور ..
اخاف كذا يكنسلون رحلتك الدوليه بكبرها .. على اساس انك تخلفت عن الطيران ..
أخي الفاضل ... أتفق تماماً مع كلام أخوي النهر الجاري ..
أنت حجزك أصلاً منشأة الرياض إلى كوالالمبور ففي حالة عدم ذهابك على رحلة الرياض فبشكل تلقائي يلغي باقي الحجز
و حتى لو أنت قمت بحجز رحلة تسبق رحلة الأصلية في الحجز من الرياض إلى جدة لابد يكون الحجز عن طريق مكتب الخطوط السعودية
و في نفس الحجز السابق كي يتم بداية الرحلة حتى ولو كانت قبل رحلة المواصلة بيوم ....

النقطة اللى حبيت أشير لها اللى هي إنك ما تقدر تنهي أجراءات سفرك من الصالة الدولية بالرياض حيث إن رحلتك الأولى داخلية إلى جدة
و من ثم سوف تستقل رحلة أخرى على طائرة أخرى من الصالة الدولية بجدة
فقط الحالة الوحيدة اللى تقدر تنهي فيها إجراءات سفرك من الصالة الدولية بالرياض إذا كانت الرحلة تقلع من الرياض
إلى كوالالمبور مروراً بمطار جدة بدون تغيير للطائرة أي تواصل رحلتها إلى كوالالمبور

و النقطة الأهم ..و أنتبه لها زين و أنا أخوك .. أنتبه تشحن عفشك من الرياض إلى كوالالمبور طالما عندك تغيير في مطار جدة
و الله يا خوفي توصل كوالالمبور و عفشك ينتظرك في مطار جدة بالصالة الداخلية !!!!!
و صارت كثييييييييييير

بالتوفيق أخوي و رحلة سعيدة أن شاء الله


ali-alsahli ali-alsahli
ممكن تفيدوني عن الترانزيت ؟؟؟


اخي النهر الجاري
بصراحة ما ادري كيف أشكرك ولكن الله يوفقك في الدنيا والاخرة ،،،

انا باذن لله بتصل ع الخطوط وبسالهم عن هالموضوع وان شاالله افيدكم باقرب وقت

وصحيح كلامك انا كنت ناوي اسبق لهم واجيهم هناك بجدة بدري وخلص زي العالم والناس ،، بس دام السالفة مثل ماذكرت يمكن يتكنسل الحجز الاساسي لكوالا في حال تخلفت عن الرحلة الاولة نبي نهدي شوي ونشوف الوضع ونستفسر منهم احسن 😔
واذا توفرت عندك معلومة اخوي النهر الجاري او اي احد من الاعضاء لايبخل علينا ...

أكرر شكري لك يالنهر الجاري فعلا انت نهر جاري الكل يستفيد منك في اي وقت 😉
من الموبايل


ali-alsahli ali-alsahli
ممكن تفيدوني عن الترانزيت ؟؟؟


اخي الراهي
مالنا غناة عنك ابدا وضحت صراحة امور تخفى على الكثير من منهم على شاكلتي والله لايحرمك الاجر
من الموبايل


ali-alsahli ali-alsahli
ممكن تفيدوني عن الترانزيت ؟؟؟


اخوني ولله الحمد انحلت المشكلة😄😄
اتصلت على الخطوط ورد علي الموظف وشرحت له وضعي بالتفصيل انو وقت بين الرحلتين ضيق جدا جدا ،، وقال خلاص ابسويلك طلب بتعديل وقت الرحلة من الرياض لجدة وإن شاالله يشوفون لك وقت كافي قبل الرحلة ☺☺
وبعد عشردقايق اتصل علي موظف من الخطوط وكان متجاوب جدا جزاه الله خير
وقال صحيح وقتك الاول شوي زنقة بس راح نحطك على رحلة الساعة 6 مساء وكذا يكون معك وقت كافي وزيادة .
طبعا قالي التعديل بس على رحلة الرياض جدة قدمناها لك يعني بنفس رقم الحجز الاول ..
والحمدلله على كل حال
من الموبايل



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

ممكن تفيدوني عن الترانزيت ؟؟؟