ياعزيزي اسعدك الله .. في البداية المنتدى هنا يمنع منعا باتا ذكر اسماء مكاتب السياحة..لان هذا المنتدى يقدم المساعدة والمشورة والحلول والفوائد والتقارير وكل شي بالمجان واي شي فيه ذكر دفع فلوس للشركات مانحبه.
ثاني شي وش قد يكون هناك فروقات بسيطة ولا تلاحظها بين اعدادك بنفسك وبين البرنامج السهل..
الامر الاول ان حجوزات الشركة لاقدرالله لو فيها لخبطة ماراح تعرف تتصرف لانك اصلا ماتدري كيف جاء البرنامج؟
لو سمح الله ضعت او اردت تعديل او اضافة فندق او مكان او ايام في السفر حتواجه مشكلة كبيرة ويكون مرجعك فقط الشركة؟
وقد تحتاج رد عاجل على مشكلة بالجدول اواستفسار جزئية ولايتم الرد عليك وقتها حتكون في وضع صعب؟
مااجمل ان نحجز بانفسنا ونكون فاهمين موقع الفندق فين؟ وكيف ننتقل؟ وكم يبعد السوق؟ واي المطاعم افضل؟
وكم قيمة التذاكر؟ وماهو الوقت المناسب للذهاب؟
وفيما بعد لو اردنا العودة لكان الوضع بسيط لوجود الخبرة السابقه وممكن خلال يومين وانت منتهي من اجمل جدول لانك تعلمت كيفية فعل هذا بالمره الاولة.
وايضا لو اراد احد من احبتنا واهلنا الذهاب غدا وسوى جدوله بنفسه وعنده استفسارات فستجدنا نستطيع تقديم العون له والنصح.
جزئية ان الشركة تعطيك نفس سعر مواقع الحجز.. انا اقول قد يكون هذا صحيح فهم يحصلون بعض الاحيان على خصومات .ولكن ليس دائما
ولو فكرت قليلا..وقلنا ان هذه الشركة ستعطينا نفس اسعار الحجز العادي و لن تربح من ورائي وورائك.. اجل ليش فتحت؟؟؟
وبعطيك معلومة وانت ستشاهدها .. حجوزات الشركات دايم تكون اقتصادية وتكون اقل مواصفات. في الفنادق في انواع الغرف في طريقة الانتقال في الافطار.
ومثلا اذا كان عندنا باص ب45رينقت فخم وثلاث مقاعد وو..وعندنا باص اخر ارخص ب30 رينقت اربع مقاعد واقل مواصفات .
فانها ستختار الاوفر ولاتفكر فيك. الا اذا نبهتهم وقعد وراهم في كل صغيره وكبيره.. واذا بتقعد نتبه وتعدل انصحك من البداية تسوي جدول وترتاح..
اخيرا الاجواء شبة مستقره على الحراره والرطبة في الغالب. ولكن مع مواسم الامطار قد تخف ويتحسن الجو..
والامطار بعد تقدير الله تكون في اغسطس وسبتمر واكتوبر الى بداية السنة الجديدة واتوقع شهر اثنين يكون نسبة الامطار فيه جيده لانه اخر موسم الامطار
اذا لم تخني الذاكرة. والان الان في سلانقور امطار ولله الحمد.
وقبل ان انتهي ارجو منك قراءة هذا الموضوع وشكرا .. كازامي

وعليكم السلام ورحمة الله وبركاتهأنا لي تجربة مع شركات السياحة وكانت ناجحة ونصيحة محب استخرج لك بطاقة فيزا تسوق إذا كان بنكك الراجحي أو ماستر كارد إذا كان الأهلي واشحنها بالمبلغ اللي تبيه واحجز من بوكنك راح توفر شيء كثير وبالنسبة للسواقين الأرقام موجودة في المنتديات وبالنسبة للمواصلات بين المدن عندك طيران اير آسيا ولهم موقع باللغة العربية وتقدر تتغلب على هالمشكلة من أي مكتب موجودة في مدينتك شوف السعر عنده وقارن مع الموقع التابع للخطوط والمكاتب الأخرى , علماً الله يحفظك أن الاسعار في هذه المكاتب زائد عن المواقع الالكترونية .
وأنا لدي رقم سائق جداً ممتاز لكن ماعندي فكرة عن سياسة المنتدى وأي خدمة الجميع موجود للخدمة وغشتك رحمة الله !

اكثر المكاتب في ماليزيا غشاشين ونصابين وكذابين عليك بترتيب كل شيء من المملكة قبل سفرك من وكالات موثوقة مثل وكالة الطيار والعمودي - او الحجز عن طريق البوكينق افضل

اشكر من رد جميع وخصوصا الاخي ساقي العطور شكرا جزيل لردك.. وسياسة المنتدى تمنع وضع الارقام الا داخل تقرير لك .ولكن لايمكن ترسل الرقم على الخاص لمن يرديه مثلي انا.. فلاهنت ارسلة على الخاص رسالة وشكرا..
كازامي

نصيحه..
توجه الئ بنك الراجحي واستخرج بطاقة فيزا تسوق ب 100 ريال ولا تشحنها ولا تحط فيها ريال واحد
احجز برقم الفيزا فقط وادفع فالفندق كاش حجزك مؤكد...وطريقه الحجز جدا سهله عن طريق موقع بوكينق او اقودا
والبوابه موجود فيها اكثر من موضوع شرح طريقة الحجز فقط اتبع الخطوات
واذا تشوف انو عندك مشكلة في الحجز عن طريق النت ... احجز عن طريق المكاتب السياحية هنا فالسعودية
ابعد عن الشركات الموجودة في ماليزيا

انا اعتذر لاني كتبت اسم الشركة
ويعطيكم الف عافيه على الردود الجميله منكم و ان شاء الله بحاول اني ارتب جدول طيب لي غلى رحلات
بخصوص بطاقه الفيزا انا عندي وحده لكن على العربي
هل الافضل الشحن او العاديه للفيزا
الف شكر لكم اخواني ..

انا اشوف ان مبلغ الفنادق كله حطه بالفيزا وريح راسك.. ويسير هم يسحبون حقهم وبس.والكاش خليه حق مصروفك هناك .. حتى لايكبر عليك المبلغ وانت تشيله.
التحويل افضل تحول من هنا قبل السفر.. والسعر هاليومين حليو0.83
التامين في الفنادق قولهم كاش ورجعوه كاش. وخل البطاقة العادي حقت الصرافه معك وفهيا مبلغ الطواري.
ارجو لك التوفيقونحن بالخدمه. كازامي

ماشاالله الأعضاء ماقصروا
بجد نصحيتنا انه ماتفكر ابدا بمكاتب سياحية
هنا وفر علينا الجهد والمال بصراحه
وانا وحده من الأعضاء اللي سفري بإذن الله الاسبوع الجاي يوم الأحد
ومن وقت حجزي لطيران لترتيب جدولي واختيار الاماكن السياحيه لكل يوم كان سهل بفضل من الله ثم بمساعدة الأعضاء يجزاهم ربي الجنة
ووبالذات استفدت اكثر من اطلاعي وقرآتي اليوميه لعدة مواضيع مختلفه ..
حتى ابسط الأشياء لقيتها موجودة بالمنتدى وزادت خبرتي
هذي رحلتي الثانيه الثانيه بإذن الله لماليزيا ومافكرت ابدا اسأل او استفسر برا المنتدى

افضل الحجز عن طريق مواقع النت بوكينج واقودا وغيرها
اما الحجز عن طريق المكاتب السياحية المشهورة فهي اغلى لكن بعض ا حيان تجد عروض ارخص
معلومة من الممكن ان يعطيك المكتب الغرفة بخسارة عليه .. هذه الخسارة ربحها بالبونص من الفندق فمث ان تمكن الفندق من بيع 100 غرفة مث خ ل مدة متفق عليها فان للمكتب بونص با ضافة الى شطارته في الربح من الغرفة