- وصلنا مطار وخلصنا الاجراءات وتغدينا وترينا الطيارة وطرنا
- باختصار.......!
:: مرحبا الساع بالاخوة والخوات كلهم ::دام الاخت الهنا كله طرت لنا هونج كونج بندردش وياكم عن رحلتي لي كانت
هاي السنة في شهر 1-2010
طرت من دبي لين بانكوك بيت في بانكوك ليلة
وماقصر دريول السفارة بالروحه والعوده
حجزت التذاكر متاخر على الطيران التايلندي.....وياليتني رحت على الكاثي باسيفك
والسبب ان محل السفريات خوفني من سالفة الوزن لان الطيران اهناك يعطون 20 كيلو
على السياحية....وطرنا على التايلندية....بس الخدمة ماعيبتني موليه
بسبت الاكل كله كان خنزير..يدوب حصلنا دياي...الحجز متاخر ولا جان طلبت مسلم ميل
على العموم وصلنا مطار هونج كونج
بعد استلام الشنط توجهة لكاونتر القطار اكسبرس
مايحضرني بكم التذاكر...على العموم ركبنا القطار وكان وايد حلو
ذكرني بقطار الاكسبرس لي في كوالالمبور
من المطار لين محطة كولون بتوقف واحد فقط
اول ماوصلنا سألوني وين بتسكن قلتلهم فندق ريسانس كولون
وحظنا ان هذا الفندق الشتل باص الخدمة المجانية يمر على فندقنا
بس طبعا فيه فنادق قبل لازم يمر عليها
المفاجاة الكبيرة.........اشوف الشعب كان كله لابس جاكيتات ثقيلة
وانا ياي صيفي لبس تايلند لاه......!!!!
اول مانزلنا يم الفندق قرصت برد...بس عادي كان عندي...احب هالجو
اول ماوصلت الفندق...ترا الفندق ملاصق الانتركونتينتال وملاصق فيه سنتر
قالولي بتزيد 1000 دولار هونج كونج بنرقيك كلوب
وافقنا...عاده شو الكلب غرفة صغيرة....والانترنت ماشي لك في اليوم
0دقيقة في غرفة رجال الاعمال..والدسكتوب بطيء بشكل
وصالة الضيافة الخاص بالكلوب زينه بس الخنزير وراك وراك ههه
اول ماوصلت على طول ركبت قطار الاندرجراوند ورحت سوق ليدز ماركت
وشبكت معاه تمبل ستريت....شفته سوق عادي
وانا اتمشى الناس كلهم يطالعونا لانا مب لابسين شتوي....خ
شارع ناثان عيفونا الهنود..من كلمة كوبي باج كوبي واتش
اليوم الثاني....زرت اغلب السناتر اللي في كولون
بدء من HARBOUR CITY CENTER وحواليه
بعد العصر ركبت القطار وسرت منطقة بعيده
عشان اشتري جهاز رادار امريكي...لانه اقرب دولة لنا هونج كونج
ولما وصلت المكان كان خلج شويه دخلت البناية وهوه شقته في
الطابق ال 11 وانا سرت 13
ودشيت على صيني ويلس يرطن عليه عطيته رقمم ماقصر وتصلهم
ونزلت تحت...والمحل بابه مخفي بالابيض ههه يبيعون بدس
قالي 4200 دولار هونج كونج..قلتله زين فيزا قالي ماشي
افا والحين شو الحل...نزلت تحت بنك صيني وتوكلت على الله وسحبت
لاكن المفاجاه ان في السحب الوحده تعطيك 2000 مالهم
رجعت له وخذت الجهاز ورجعت
في اليوم التالي...من احلى الرحلات
خذنا تاكسي ووصلنا الفيري وركبنا الفيري ونزلنا جزيرة هونج كونج
ومن هناك خذنا الباص لي يوديك لين محطة الترام لي يوديك قمة فكتوريا
كان طابور وزحمة لاكن اول ماوصلنا فوق كان الجو وايد حلو خصه انه
احنا في فصل الشتاء...المنظر حلو وايد
طبعا اصغيرونه مدثرينا عدل الا احنا عادي عندنا
لما رجعنا من هاي الرحلة قلت بسوي استكشاف في جزيرة هونج كونج
رحنا سنتر تايم سكوير والمحلات لي يمه
ماكملنا فيه كم مول حذال الفيري لي ع جهة هونج كونج
ان شاء الله في الجزء الثاني 2-2011
رجعنا بالقطار الي محطة تسيم شا تسوي
اليوم لي بعده ايضا من احلى الرحلات
خذنا قطار الاندرجراوند سايرين للبوذا الكبير المووجود فوق الجبل
بس انا غلطت بالسيرة خذت القطار الاحمر المفروض البنفسجي
او ماتوصويلن اهناك فيه مول اوت ليت..بس مادشيناه لانه وقتنا ضيق
حجزنا تلفريك بانوراما...اول ماركبنا ولا ثرا قاعة التلفريك شفافه
من الرهبه انا ريلي ماتحركت...ههه
الرحلة استغرقت 25 دقيقة تقريبا
الجو كان بارد وايد فوق....والمكان احلى واحلى
بس خفنا على صغيرونه..وبعدين وقتنا ضيق كان
لان في هذا اليوم رحلت العودة لبانكوك
رجعنا للفندق واختصرنا بسرعه لانه رجعنا بالخط البنفسجي
شطبنا شنطنا وانتظرنا باص قطار الاكسبرس ووصلنا لين محطة كولون
وكانت التذكرة ملتي من الاول
وصلنا مطار وخلصنا الاجراءات وتغدينا وترينا الطيارة وطرنا
باختصار.......!
- البلاد حلوة وراقية صحيح التسوق فيها غالي..وتذكرني بسنغافورة
- عجبني الامن منتشر في كل مكان وهذا الشي ممتاز اذا انوجد
- دخول محطار القطار مب شي لانك ماتقدر تدخل الترولي مال اليهال
لان الدخول شخص شخص عكس تايلند لي يفتحون لك الباب
عشان تدخل الترولي
- مارحت لدزني ولا لحديقة فكتوريا والسبب المطر لي هطل في هاذاك اليوم
لانه خرب البرنامج ماليه..وتاجل للجزء الثاني 2-2011
- كورنيش كولون وايد حلو...وحصل موقف ان استلمنا جروب سياحة بالتصوير
حتا الحرمه ماسلمت من حريمهم
موقف طريف....!
كنت اسال عن النغر او الحبار بالانجليزي مب موجود..وانا اتمشى في كورنيش
كولون روحت ريحته يوم ييت اشوف اسمه ثرا اسمه طلع كتل فيش
سلبيات....!
المطاعم العربية عديمة والمطاعم الهندية والباكستانية دون المستوى في
شارع ناثان
كنت اتمنى اشوف المطبخ التايلندي موجود في تسيم شا تسوي
لانه افضل من المطابخ الثانية...وحضي اني تغديت بمطار هونج كونج
بمطعم تاينلدي
^^^ هاي كانت باختصار شديد رحلتي لهونج كونج 1-2010 ^^^
الاخت الهنا كله..يعطيك العافية على تقريرك عن سوق الأكسسورات
واليوم بنحط لكم كمن صورة عن هونج كونج...ان شاء الله تعجبكم
والسموحه ترا ع قد المقام..الجود بالموجود
الرحلة دبي - بانكوك " توقف ليلة -هونج كونج -بانكوك-دبي
تاريخ الرحلة 7-1-2010
الناقل طيران الامارات
الدرجة : : درجة رجال الأعمال...لاكن ماقصرو رقونا درجة أولى
بانكوك - هونج كونج
بتاريخ 8-1-2010
الناقل : : الطيران التايلندي
الرحلة : : جيده لاكن دون المستوى لان اغلب الاكل خنزير
بعد الأقلاع من بانكوك والطيران لمدة ساعتين ونصف
انتظرنا نشوف هونج كونج للوهلة الأولى
صورة من الطائرة لاحد الجزر قبل الهبوط بمطار هونج كونج
هبطنا بسلامة الله وحفظه بمطار هونج كونج
وحنا نتوجه للبوابة صورة ملتقطة لطيران كاثي باسيفيك
اسمحولنا بنطوف شريط الوصول وختم الجوازات واستلام الشنط
خذنا قطار الاكسبرس وانصح فيه لابكج ولاهم يحزنون
بس تتاكد ان الباص بينزلك جدام الفندق لي بتسكن فيه
والأمور طيبه..بس لاتنسون تتشترون التذكرة ملتي
الصورة القادمة وحنا داخل القطار ومارين على البحر
بعد ماوصلنا محطة كولون العاملين كانو مرحبابيين ويساعدون السائح
وتخبرونا عن الفندق لي بنسكنه والحمد لله ان الباص يتوقف فيه
لاكن المفاجاة واحنا بالطريق اشووف الناس لابسين جاكيتات
وانا تي شيرت صيفي نص كوم
لاكن اول مانزلنا من الباص..جرصت برد ولاخفنا.والامور طيبه
الفندق لي سكنته في منطقة مناسبة اسمه رياسانس تابع للماريوت
وراه بالضبط فندق الأنتر وعلى يمينه فندق شانغريلا وامامه على اليمين
فندق بارك بولو ومحطة الاندرجراوند تسيم تشا تسوي قريبه
وشارع ناثان قريب..والكورينش الحلو بنخبركم عنه
جدام الفندق حديقة حق اليهال مجانا وحلوة
نشوف صورة الفندق وياكم
زرنا في اليوم الأول سوق ليدز ماركت وتيمبل ستريت
وهاي صورة ملتقطة لسوق الحريم
اليوم الثاني من غبشه بنروح قمة فكتوريا
خذنا عبريه يعني تاكسي لمحطة الفيري
وركبنا الفيري..ياسلام يذكرني بالعبرات مال خور دبي سنة 1991
تفضلو نشوف وياكم صورة الفيري..وصورة لخور هونج كونج لي يسمونه الهاربور
ترا الشتاء غير مب لي يسيرون الصيف يدورون المطر
كشته : : قمة فكتوريا من اروع الرحلات السياحية في هونج كونج
القطار وصل واللي يبا يخاوينا يامرحبابه
مااذكر بالضبط كم ياخذ القطار لي مايوصل فوق اعتقد بين 10-15 دقيقة
هاي الصورة واحنا في الدرب للقمة
اول ماتوصل فوق بالقمة وهاك الهواء الغاوي..تشوف هونج كونج من الاعلى
في الصورة التاليه
بتشوفون جزيرة هونج كونج ببناياتها الشاهقة مع جزيرة كولون
نهاية الجزء الأول...أنشاء الله اتريونا في الجزء الثاني
في الختام...نطلب السموحه منكم اذا كانت هناك قصور
من حيث سرد الرحلة او الصور
نشوفكم على خير