ببدأ انا اول واحد
اليوم لي ثاني يوم بسلانقور وساكن في بيراميد تاور اطلالته رروعه على مدينه الملاهي المائيه
ودي اوريكم الصور لكن الجهاز الي معي مافيه فتحه للذاكره
والوضع جدا مطمئئئئئئن نسيت ان في شي اسمه انفلونزا خنازير الشعب فالينها
بذكرك اخوي بالطياره وزعوا علينا كرت خاص لانفلونزا الخنازير جدا بسيط
لاتنسى تاخذ فكره عنه
وايضا بالمطار قبل تختيم الجوازات عبينا بطاقه الدخول مكونه من 6 صفحات ...وهالبطاقه في موضوع للاخ موسوعه منزلها مع ترجمتها
هذا الي عندي ودعواتكم لي

باقي على سفري يومين وإن شاء الله بوافيكم بالمستجدات

السلام عليكم
سفري ان شاء الله بكره 24/6/2009
عالخطوط الكويتيه انا وزوجتي وولدي عمره سنتين
ادعوا لنا بالسلامه والله ييسر علينا سفرنا

تاصلون بالسلامة وخبرونا عن الاجواء الساحرة هناك بحفظ الله

السلام عليكم ورحمة الله وبركاته
أخواني الاعزاء في منتدى العرب المسافرون
الان أنا موجود في مكة المكرمة ورايح بعد شوي الى مطار الملك عبدالعزيز في جده
الرحلة الى أرض السحر والجمال (ماليزيا) بتكون الساعه 9:45 مساء والحضور الى المطار قبل الرحلة بثلاث
ساعات لاكمال الاجرائات وباذن الله سوف أوافيكم بالتقرير المختصر عندما أكون في الصن واي بيراميد في
ماليزيا
الله يعطيك العافيه يا شخص وحداني وعلى الوعد جيتكم
وياأيها الاخوان لاتنسونا من الدعاء
أخوكم ابو باسل

أخوي شخص وحداني مثل ما وعدتك وعلى الموعد بعد ساعتين تقريبا بتحرك لمطار أبوظبي الدولي
الرحلة على الخطوط السنغافورية الساعة الواحدة بعد منتصف الليل
ترانزيت سنغافورة ساعتين وبعدين نتجه إلى العشق الذي لا يعرفه إلا من جرب السفر إليه
وصولي بيكون إلى جزيرة بينانج و بحاول أوافيكم بالاخبار من فندق شانغريلا راسا سايانج
ودمتم بحفظ الله ورعايته

سفرتي قربت الله يكون بعون ويسر دربنا يارب العالمين

1. اهلا بك انت ياشخص وحداني

اهلا بك انت ياشخص وحداني

وش الفكره ذي ولاتقول لي انك تعبت عليها ......راح ازعل منك...... لكن انت راح تزعل مني لاني خالفت شروط موضوعك وراح يزيد زعلك إذا عرفت تعليقي ......... لكن بقول لك من هالحين هد اشوي ولايرتفع ظغطك تراني ماعنيتك في كل كلمه كتبتها لكن برد باللي بخاطري
يخوي انا رايح من هنا شايل عمري واللي معي سواء مره جديده اهلها خايفين عليها لأول مره تروح او عايله ورعانهم واجد ومحتاسين .......... وانا راح اكون المسؤل الاول من بداية الرحله لحد رجعتنا وكل شي فوق راسي
يالله يامره ترا تاخرنا على الرحله .... طيب طيب بس اصبر اشوي بودع امي وجدتي وخدامتهم ............. يالله يامره الرحله بتفوتنا ...... يخوي اصبر اشوي رضاعة عبدالعزيز الاحتياط مدري وين راحت انا متئكده اني شايلتها ............. ياعلم تحركوا اشوي وإلا قسم بالله لاروح واخليكم .......... الام بكل برود واثقه وماهي معبره احد والورعان رايحين جايين توهم يتفقدون اغراضهم ........... تعال شف شنط الاعيال وش بها .......... ملابس مافيه اكثر المحتويات اللعاب ومابقى إلا السياكل ماشالوها ............ البنات من ناحية اللبس لاتخاف عليهم كل عفش البيت ماخذينه ومتسلفين من الجيران بعد ...... يكفيك عدد الجزم " تكرمون " اللي ماخذينها .... ياشيخ والله لو إنا راح نمشي على جمر وكل دقيقه بتبديله راح تكفيهم وبه زود ........ يعني بالعربي الوزن بالطياره راح يصرف 99 % من الميزانيه
طيب وش بعد ........ لابوكم لابو الرحله .......... تعال عيد ترتيب الشنط .............. باقي عن الرحله كم يافالح ...... توا الناس خذ راحتك .......... كني سمعتك تقول البارح وتهدد " شوفوا ترا نبي نروح قبل الرحله بساعتين " ........ طيب فيه تنزيلات .............
المهم تيسرت وركبنا الطياره عقب ماتمرمطنا داخل المطار وسحّبنا الشنط ........ ركبنا الطياره واحتسنا بترتيب المقاعد و إذا انت على الخطوط السعوديه ################# يالمشرف ليش تضغط على زر المربع ..... صدقني ماراح اقول إلا الخير
المهم مدة الرحله ثمان ساعات ............ تبي ترقد قابلني .................... وصلت الديره وخلصت الجوازات وياتكسي خذني معك يالتكسي ........ رحنا للفندق وترجي فيهم عشان يعطونا افضل ماعندهم ...... ودخلنا الغرف وتفقدناهم ...... ويا بابه ودينا ... على وين ياحلوين على اقرب مكان يبيع حاجه تسد الجوع ................. ويالله وين اقرب مطعم وجبات سريعه ...... لازم تحوس اشوي .......... طيب خلصنا اكل ...........نسيت اقول لكم الرحلة وصلت الصبح بتوقيتهم ..... يعني لازم تسلي نفسك شوي عشان ماترقد ........... تسلينا ونمنا وفكرنا بكره وين نروح وانواع المعارضات على جدول كل يوم ......... وكل حياتنا بهالبلد ....... فرفره وتسليه ودب بهالعيشه ونوم وشخص وحداني يبيني اكتب له عدد خطواتي خطوه بخطوه
المتزوجين الجدد اربع وعشرين ساعه وكل واحد خشته بخشت الثاني وانواع المغامرات والبطولات ومايملون كل واحد يبي يعرف تاريخ الثاني وشخص وحداني يبينا نكتب خطوه بخطوه
روق المنقى يامنقاوي
صدقني اني اعزك ياشخص وحداني وامنتك لاتشيل بخاطرك شي وتقبل مروري .................. مجرد راي

كلكم على العين والراس واشكر تفاعلكم
مسافر ما سافر
لو اشيل بخاطري على هذه الحكاوي .. وش راح اخلي ؟؟
بس ممكن سؤال ..
هل ردك عبارة عن رسالة غير مباشرة !؟