السلام عليكم ورحمة الله وبركاته ،،
كثير منا يسأل وين ممكن يروح بزلامسي ؟؟
وراح أجاوب بعد ما اطلعت على أحلى منتدى (( العرب المسافرون )) :11_horror
وطبقت اللي قريته
أولا زلمسي نفسها مافيها الا البحيره ، ولكن بامكانك انك تنظم جدول بحيث كل يوم تروح مكان قريب منها ،،
جدولي بشكل مختصر كان أول يوم (( اللي هو الاربعاء الماضي )) الوصول الى زلمسي قادما من فيننا ،،
أخذت قارب وتجولت بالبحيره ،، بعدها أخذنا دراجه هوائيه لأخذ جوله داخل المنطقة ،،
اليوم الثاني : الانطلاق الى مرتفعات الكابرون (( وصعدت أعلى شي عند الثلج :11ight) ولكن اتبهوا اللي يبي يتزلج لازم يأجر من المحل اللي قبل التلفريك الثالث (( لانك راح تركب 3 تلفريكات )) وآخر وقت الساعه وحده ونص وبعدها يسكر ، وهذا اللي حصل معنا يوم رحنا قال للأسف قفلنا:112:،،هذا بالنسبة حق الزلاجات اللي تلبس بالقدم ،، اما فوق في زلاجات من نوع آخر (( تجلس عليها )) فهذي مجانيه وممتعه جدا ،،
اليوم الثالث : الانطلاق الى شلالات كريمل (( وكانت جميله ومتعبه ،، لأني مشيت ساعتين بوصل الى المنبع ولكن كانت المفاجأة بأن علي أن أمشي ساعتين ثانيه لكي أصل للمنبع )) وملاحظة آخر باص يرجع من كريمل الى زلمسي الساعة 6 أو 6 وعشر (( ماني متذكر بالضبط ))
اليوم الرابع : أحلى يوم وما راح أنساه (( لاني ركبت البرشوت )) وكانت مغامره جدا رائعة وكان السعر 110 مع التصوير (( فيديو وفوتوغراف )) وأيضا ركبت الطياره الصغيره 45 يورو 20 دقيقة ( وخلاني أسوقها )
اليوم الخامس : اللي هو اليوم ( رحت للزحليقه الصيفية ) 11 يورو ونص للركوب ( ركبتها مرتين )
طبعا بعد ما غيرت الفندق الى غرفه في أحد البيوت وكانت المفاجأة ان سعر الغرفة نص سعر الفندق وأيضا كان فيها غرفة زياده ومطبخ تحضيري ،، بينما الفندق كان يحتوي على غرفه وحمام فقط ..
اليوم السادس اللي هو بكره : ان شاء الله راح أروح للمغارة الثلجيه وهي تبعد 15 كيلو بالسياره ومنها بطلع على منطقة الشلالات (( كلام ))
اليوم السابع : بعد بكره ان شاء الله راح أركب قوارب التجديف (( وهذي لازم تكون حاجز قبلها بيوم أو أكثر))
أنا صراحة للحين ما حجزت ، بس قالو لازم حجز مسبق
وأي استفسار أنا حاضر :x1: