السلام عليكم ورحمه الله وبركاتهالحمد الله وصلنا القاهره بالسلامه بالنسبه لاجراءات المطار واجهتنا مشكله وحده وهي انه قعدنا نلف بالباص لمده 45 دقيقه واحنا بالباص والناس زحمه وواقفه . وبعد ما دخلنا الصاله شفت حقين الحجر الصحي وطقم ممرضات ودكاتره اكثر من الموظفين الجوازات وعندهم كاميرا حراريه تقيس حراره الجسم واتوقع انه ماعندهم غيرها عشان كذا ماخلونا ننزل من الباص الي يلف فينا . وبعد ما عديناهم ماخذت الاجراءات اكثر من 20 دقيقه حتى طلعنا من المطار . المهم كنت حاجز على الماريوت وكان مره زحمه وكله شباب واستغربك بعدين عرفت انه اغلبهم طلبه يدرسون واللحين موسم اختبارات يمكن نظام انتساب او كذا والله زحمتهم كثر من الصيف يعني الي عنده عايله لا يروح احسن خلال هذي الفتره واكثرهم من اخوانا من الكويت .وشارع الهرم وفيصل اغلب الشقق هناك كومبليت لانه فيه يمكن معهد هناك وموزعين الطلبه بكل مكان بالقاهره 0 المهم انا حجزت شقه دورين بالمهندسين بشارع محي الدين ابو العز امام موبينيل 0 تقريبا ب 450 والشقه مره نظيفه وهذي ارخص شقه بالمستوى هذا لاني من الصبح وانا الف حتى المغرب وانا ادور واغلبه مسكون لاخر الاسبوع عشان الاختبارات والجو والله مره حر اغلب الشقق يتكلم عن 500 وانت طالع والي ماعنده وانا اللحين بطلع اروح للنيل باخذ حنتور . وبعده ارجع للشقه وانام لاني مره تعبت من الف على الشقق من العجوزه لشارع التحرير والدقي وجامعه الدول وشهاب وميدان سفنكس وسوريا واحمد عرابي دوخه بس الحمد الله تعبي ماراح كذا . المشكله اني ماعرف كيف انزل الصور ولا نزلتكم الصور وانا اللحني استاذنكم