مقلعة
02-12-2022 - 02:14 pm
السلام عليكم ورحمة الله وبركاته ..
بصراحه هذا اول موضوع لي هنا .. وحبيت اشارككم بهالرحله هي رحله لجنيف وتشبه كل رحلاتي السابقه .. بس مع ذلك احبها :tongue:
كثير من صديقاتي يقولون لي .. مقلعة كيف تستانسين بجنيف .. كلها بحيره والكوفيات اللي عليها .. وسوقها بايخ .. بس انا اقول لكم كيف استانس ..
واحس السر موقع جنيف الالييم .. جنب كل شي .. واحنا ما نقعد يومين كاملين على بعضها الا واحنا بسيارتنا نروح مناطق قريبه من جنيف .. او نستكشف اكتشافات جديده ونرجع بنفس اليوم .. واحلى شي بجنيف بعد .. انها عموما ملمومه ... وما يحتاج سياره كثير عشان تتنقل فيها
نبدا بالرحله ... وبسوي هالتقرير كاجزاء وهالفكره عجبتني واقتبستها من اخوي المايسترو في تقريره عن رحلته للندن
الطريق لجنيف .....
كانت رحلتنا لجنيف يوم 25 جولاي .. والرحله على الخطوط السعوديه .. صار لي فتره عن الخطوط السعوديه بالسفر لبرى المملكه .. لكن كانت حلوه
بالعالده كنا نروح على السويسريه لكن هالسنه غيرنا ومن ميزة السعوديه ان الرحله مباشره من الرياض لجنيف اما السويسريه كنا لازم نعمل ترانزيت على زيورخ .. بس كمقاعد وراحه افضل السويسريه
الرحله كانت ممتعه .. وخذت خمس ساعات .. انا تفرجت على فلم يونس وجلست اسولف مع اختي لين وصلنا .. ولا نمت ابد من الحماس .. مع اني كنت مواصله قبلها
وصلنا المطار .. وخلصنا الاجراءات الروتينيه .. ولقينا السواق والسياره اللي وصلنا للفندق ..
اليوم الاول والثاني بجنيف
سكنا فندق الدي رون (MANDARIN ORIENTAL HOTEL DU RHONE ) وهالفندق يطل على النهر وقريب من السوق .. وسهل بعد المشي منه للبحيره .. يعني موقعه ممتاز
وهو على امتداد فندق الفورسيزون
رحلتي الى سويسرا
ما شاء الله بدايه موفقه ونحن ننتظر الباقي علي احر من الجمر
اهم شئ كثري الصور والتعليقات الحلوه
موفقه مقلعه
شنو معناة اسمك مقلعه