- على شكل ذكريات ويوميات
- نقاط هامة قبل البداية
السلام عليكم
اسعد الله اوقاتكم بالخيرات والمسرات
بعد زحمة التقارير ونهاية موسم السفر
حبيت انزل هالتقرير عن سفرتي في صيف 2010
على شكل ذكريات ويوميات
نقاط هامة قبل البداية
- - سيكون اسلوب الحديث العامي البحت وذلك للخروج عن الروتين .
- تمت زيارة 6 مناطق ( فيينا - سالزبورغ - زيلامسي - ميونخ - يوروبارك - انترلاكن )
- سيتم الحديث بشكل سريع وبقليل من التفصيل وسيكون على هيئة قصة او احداث اكثر من كونه تقرير
اتمنى انه يعجبكم x:3
هاه اتفقنا على مامضى ؟ dfshgg
اتفقنا
اذن
بسم الله نبدأ
السفر كان على الخطوط القطرية
وكان خط الرحلة كما يلي :الدوحة - فيينا - سالزبورغ - زيلامسي - ميونخ - يوروبارك - انترلاكن - زيورخ - الدوحة
مدة الرحلة 18 يوم
الرحلة كانت مع العائلة الكريمة
وسيلة التنقل بين المدن سيارة خاصة
كان السفر بتاريخ في 21 يوليو 2010
الاقلاع الساعة 1:45 ليلا
الوصول لفيينا 7 صباحا
وهنا اول وهقة
شلون بنسوي مع الفندق
لان المعروف ان الدخول للفندق يكون على الساعة 3 او اذا كان كريم بيسمحون لك تدخل على الساعة 12 ظهرا
دعونا نتابع ماذا حصل :اقلعنا بحمد الله على الوقت
للاسف وتفاجأت من القطرية ان الطيارة كانت من النوع الصغير اللي فقط كل صف فيه 6 كراسي
طبعا لحد يسال اذا كنت حاجز سياحية او اولى
لانه اكيد سياحية
المهم الرحلة في الليل ف 99% من اللي في الطيارة نايمين m2fddfs
والطيارة ضيقة والكراسي ضيقة
والمضيفة فرحانه تقول هذي احسن رحلة نحبها احنا كطاقم ضيافة dfshgg
قلت ليش ان شاء الله
قالت لان الطيارة صغيرة وبسرعة نخلص كل شي
والعالم ينامون ومافي ازعاج
المهم وصلنا بحمدالله على الوقت
اجراءات المطار كانت اسهل مما توقعت
ولا كان فيه زحمة
وجدنا بالاستقبال شخص تم التنسيق معه عن طريق شركة ب 35 يورو
وتوجهنا للفندق وانا في بالي انه بترك الشنط عندهم وبطلع اتمشى حول الفندق الى الساعة 12 مثلا
المهم وصلت للفندق وكان اسمه
Austria Trend Hotels Savoyen
والفندق كان رائع جدا ونظيف
وتم حجز جناح غرفة وصالة
المهم دخلت الفندق على الساعة 8 وربع
وأنا قاعد افكر وين اوح اتمشى
وتعبانين بعد السفر و و و الخ
دخلت وسلمت على الاستقبال
قلت اسمعي يابنت الناس انا عندي حجز تكفين ترى تكفين تهز الرجاجيل x:3
قالت ابشر بعزك
قلت ابي ادخل من الحين
قالت بس
ابشر وانا بنت ابوي
طبعا الحمدلله مجرد قدمت الاوراق قالت تفضل الغرفة جاهزة
بس اسمحلنا السرير الاضافي للحين لم يتم تحضيره
ان شاء الله بنجهزه لك ونرسله للغرفة
وهذي صور الغرفة
وبعد الاستراحة مدة ساعتين
انطلقنا نتمشى في المنطقة المحيطة بالفندق ومنها الى ساحة ستيفن
وهذا من اهم مايميز الفندق انه قريب من كل المناطق اللي نرغب بزيارتها
وهذي صور من الطريق
طبعا مشيا على الاقدام
وهالنافورة على الطريق
وناس جالسين يتشمسون فوق السطح
ياحليلهم
حتى الاشارات في الشارع رافعينها عن الاطفال
من باب استغلال الشارع صح وعدم التضييق بالرصيف وكذلك من باب المحافطة على السيارات من الحوادث
الاشارات معلقة
على الطريق مرينا على ماكدونالدز للغداء
وعند الوصول لساحة ستيفن بلاشك تجذبك العروض او مايعرف بالتسول بأدب
وهالصور للساحة وبعض العروض فيها وكذلك عربات الخيل والجولة الرائعة فيها
واذا احد له خاطر بكوفي
فحياك في مكان ولا يخطر على البال
وبعد الجولة في ستيفن والخيل
تم اخذ تذاكر للمترو وكل وسائل المواصلات العامة ( الباص - الترام ) وتوجهنا مباشرة الى الهضبة
العجيب والجدير بالذكر هنا
انه طول مدة اقامتنا في فيينا كانت المترو والباصات هي وسيلة التنقل ولا مرة ابدا تم سؤالنا عن التذاكر
ولاتوجد اي بوابة تضع التذاكر فيها
والاعجب بالرغم من انه محد يسأل الا ان اهل البلد تحصلهم يشحنون بطاقاهم ويشترون تذاكر jk?gg
وهذا اذا دل على شي فيدل فعلا على الالتزام بالنظام وعلى الامانة وصدق من قال مسلمين بلا اسلام
هنا في الطريق للهضبة
عند انتظار الباص
وياعيني على الدقة في التوقيت عندهم بشكل ماتتخيلونه
في الباص متوجهين الى الهضبة
صور من الهضبة
من هنا يمكن ان ترى فيينا تقريبا
الجو كان مشمس لكنه بنفس الوقت غير حار
وكان لابد من اسكريم
وعلى بالي الاسعار مثل عندنا
بعد ما اكلنا اسكريم ومتفنين بعد كل واحد طالب نوع شكل
طلع الحساب 55 يورو jkghfgr
jkghfgr
بعدها تم اصدار قرار رئاسي >>>> شكله بيروح فيها
ممنوع تماما الاسكريم لانه مضر بالصحة وخوفا من الانفلونزا dfshgg
بعد الجولة في الهضبة
تمت العودة للفندق حيث بدأ النهار يزول
ويقبل الليل
وفي الطريق للفندق
جولة داخل الفندق وصور للفندق من الخارج
طبعا عند العودة للفندق مرينا على السوبر ماركت لاخذ بعض الاحتياجات والاهم طبعا تم شراء دافور
( موقد ) لعمل القهوة وتعشينا من المحطة المجاورة للفندق ( محظة المترو ) حيث تكثر مطاعم البيتزا والشاورما x,4
وعند الدخول للغرفة
لقيناهم مجهزين السرير الاضافي
ومن باب الضيافة جايبين لنا سلة فواكه وسناك
و
و
و
و
شمبانيا
b:3
فتسالني ام العيال والبنات يسالون شنو هاي :قلت هذا طال عمركم
شمبانيا
قالوا اها شمبانيا سعودي
متعودين على مطاعم السعودية
dffdhd
وكنت خايف حد يتهور ويقول اجرب
بس الحمدلله عدت على خير
الى هنا نكون انتهينا من اليوم الاول
وبصراحة تعبت
وباذن الله نلتقي في الحلقة الثانية قريبا جدا
الحمد لله على سلامة الوصول
بدايه رائعه للتقرير واسلوب راقي في الطرح
صور جميله جدا تسلم الايادي والله يعطيك العافيه