في 14 ساعة تروح كل الأماكن الزينه في قطر.
أهم 4 اشياء تسويها في قطر:
1- مجمع سيتي سنتر و المجمع الثاني اللي فيه نهر (نسيت اسمه)
2- تتمشى على الكورنيش
3- تروح سوق واقف في الليل و تتمشى و تتعشى
4- تشرب شاهي كرك و تمسك الخط
هذي الاربع نقاط ملخص 20 زيارة لقطر

مرحبا فيك في بلادك قطر
وزياره سعيده أن شاء الله
بما انه المده 14 ساعه باحطلك 4 أماكن من احسن الاماكن والي ممكن تستمتع فيها
وقت الوصول حلو بتكون المجمعات فاتحه في هاذا الوقت
وباعطيك في كل مكان من ساعه ونص الي ساعتين
1 - مجمع الستي سنتر كبير وممكن تاخذ فيه ساعتين
2 - مجمع الاندمارك مجمع مميز والتمشيه فيه ممتعه
3 - مجمع فيلاجيو ممكن تاخذ فيه بعد ساعتين مع السينما وهي احدث سينما في قطر ومميزه جدا
4 - و المحطه الاخيره بتكون سوق واقف وهاذا السوق ميزته في اليل ممكن تجلس في المجموعه الكبيره من القهاوي
المميزه والي ممكن تسهر فيها لوقت متأخر من اليل وبعدها تجهز حالك الي المطار عشان السوق بيكون قريب من المطار
وحط في بال لازم تكون قبل اقلاع الطياره ب ساعتين في المطار
واي خدمه احنا حاضريلك الغالي

حياكم الله
ماقصر سفيرنا وفى وكفى
واي زيادة ابشر به ...

حياك الله
وما قصروا الاخوان
تحياتي

حياك الله في قطر وبتنورنا
فيلاجيو مع السينمات اللي فيه + تقدر تروح المتحف الاسلامي بياخذ من وقتك ساعتين تقريبا
وسوق واقف حلاته المغرب او الليل ..

مشكورين حبايب قلبي كفيتوا ووفيتوا
ممكن حد يدلني على مطعم راقي وحلو ,,, حق اخر الرحله

mmxxaam2
مطعم بلهمبار:
يقع على كورنيش الدوحة ويتميز بإطلالة رائعة على الخليج العربي حيث تحيط به المياه من ثلاث جهات..فهو المكان المفضل الذي يتمتع بخصوصية تامة وتجربة فريدة للتراث والثقافة القطرية التقليدية وهو مفتوح يومياً من 11 صباحاً حتى 12 ليلاً.
هاتف: 4834423