1. وبالنسبة للعشاء أفظل الي انت ذكرتهم هو أبونواس بصراحه

ياهلا ومرحبا فيكم أخوي وحياك الله
بالنسبة لسوق الخميس تعرف يفتح من الساعة 5 الفجر السوق فاتح يعني انت مادري أي وقت بتكون بالسوق والمجال لك مفتوح عاد
وبالنسبة لافظل مطعم تفطرون فيه انا انصحك بمطعم ليل ونهار وموقعه عند بوابة رقم 1 مجمع الراشد , طبعأ المطعم خارج المجمع ويفتح الساعة 8:30 الصباح
وبالنسبة للغدا انا بنصحك بمطعم أفظل من شواطئ الخليج وراح تدمنون عليه , ,هو مطعم ليالي ماضينا, والمطعم أرقى وأحلى وشعبي بالكامل وأنصحك تختار الكبسة الدمامية
طبعأ موقع المطعم الحين انت بكورنيش الخبر رايح صوب فندق المريديان, لما تجيك اشارة المريديان تاخذ فوق تحت , وراح يكون على يمينك ارض فاضية وبعدها جدار, وبعد الجدار مباشرة تدخل يمين, يكون الشارع هو شارع 25, وتواصل سيدا حول تقاطعين او 3 وبتشوف مطعم على شكل بيت شعبي على يسارك , والباب بالزاوية, هذا هو المطعم
وبالنسبة للتسوق عندك سوق السويكت بالخبر, وكذلك مجمع الجمعه سنتر بالخبر

وبالنسبة للعشاء أفظل الي انت ذكرتهم هو أبونواس بصراحه

وفيه اليوم بالخبر يفتتح مهرجان السيارات الكلاسيكية القديمة, يعني كل السيارات الي من السبعينات وجاي واكثر بتحصلهم واكيد لو تزورونه راح تستمتعون , واذا تبي الطريق عندك يالغالي وانت بكورنيش الخبر رايح صور المريديان تجيك الاشارة تواصل سيدا , وتجيك اشارة ثانيه وتواصل سيدا لين يجيك دوار فندق الموفنبيك , ومع الدوار تاخذ يمين وتواصل لين يجيك الدوار الثاني وتاخذ سيدا, وتواصل سيدا لين تجيك اشارة بتشوف وانت عند الاشارة المهرجان يمينك في مركز ( اوتو موتو)
طبعأ المهرجان هذا مستمر عدة ايام ويفتتح من الساعة 4 العصر لين 10 بالليل فأنصحكم فيه
ولو وقتكم طويل كان قلت لك العصر تروح العزيزية راح تنبسطون هناك من العالم في العزيزية وحركات الشباب الي تونس والسوق الشعبي بالعزيزية والخيول والبانشي
واتمنى انكم تنبسطون
تحياتي: سلطان الشرقية

الاخ سلطان كفى ووفى وحياكم الله بالشرقيه

ماشاء الله اخوي سلطان ماخلى لنا شي نقولة كفى ووفى وتجون بالسلامة وحياكم اللة
مسمار

سلطان الشرقية : متألق دائماً ، تسلم على تشريفك موضوعي

• راح نحاول نزور مهرجان السيارات الكلاسيكية !
• هل الكبسة الدمامية أحلى من البخاري لأنه أحب الدجاج المشوي مع البخاري !
• في مهرجان شعبي في الجبيل كأنه لاحظت موضوع له في القسم ، هل تنصحني بزيارته

وممكن موقعه بالwikimapia ؟

• بالنسبة للعزيزية أبغي أعرف وين موقع السوق الشعبي ( كذلك أوقاته بالضبط والأيام ؟) أتذكر سألتك في موضوع ثاني كنت كاتب لشخص يزور سوق العزيزية الشعبي كأنه فيه بضائع من كل مكان الإمارات الكويت والخ إذا مثله هو أو لا ما ادري ، المهم ياريت وصف دقيق للمكان ويفضل يكون بالwikimapia أفضل وأفضل

فاررسه : شكراً أختي على المرور ing:
mss_mar : نورت الموضوع يامسمار الله يحيك ويخليك

ياهلا ومرحبا فيك أخوي
الكبسة الدمامية مختلفة تمامأ والبخاري مختلف تمامأ والكل له ذوقه بس الكبسه الدماميه لها نكهات مختلفه ومطعم ليالي ماضينا عليه اقبال كبير, ودجاج الكبسة الدمامية يكون مشوي, واكيد بتحصلون دجاج شواية
وبالنسبة للجبيل مشوار عليكم اخوي وماراح يمديك تتنقل بين الخبر والدمام والقطيف والجبيل بيوم واحد مستحيل
خلك على الجدول هذا
بالنسبة للعزيزية والسوق الشعبي سهل طريقه, وانت رايح للبحرين يجيك كوبري اذا تبي البحرين تاخذ يمين, وفيه لافته مكتوب العزيزية تواصل سيدا يعني تتعدى مخرج البحرين, وتواصل لين يجيك دوار, مع هالدوار تاخذ يمين وتمشي حول 5 كلم وبتشوف البحر يسارك وبتشوف زحمه شديده وسوق وكل شي , طبعأ انت واصل سيدا عشان تدخل السوق من اوله وبعدين تاخذ فوق تحت وتدخل صوب البحر والسوق
طبعا السوق يجونه اهل البحرين وعمان والامارات واليمن وكذلك المدينة ومكه والقصيم ويعرضون منتجاتهم فيه
طبعأ اذا انت تبي تتسوق افظل توقف سيارتك خلف السوق وتنزل برجلك, لكن اذا تبون بالسياره عادي ادخلو وسط السوق
وبالنسبة للأيام يكون الأربعاء والخميس والجمعه ويكون الجمعه أشد زحمه, والوقت من 3 العصر الى 8 بالليل العاده
طبعأ انصحك تاخذ سمبوسة وبطاطس مشويه وكثير بتحصل يسوون سمبوسة مشويه وبطاطس مشويه تاخذ العقل

بالنسبة لي أنصحك بمطعم بابا هباس يجنن حلو أكلهم ونظيف ويوصل بسرعه ما يتأخر هذا بالنسبة للعشاء....
أما بالنسبة للأماكن الثانية ما شاء الله الأخ سلطان كفى ووفى فعلا.....وأتمنى أكون ضفت لموضوعك معلومة تستفيد منها ولو تذكرت شيء برجع أكتب لك......وتقبل مروري....