- واحمد الحريري صديقنا واحمد تاني
بسم الله الرحمن الرحيم
السلام عليكم ورحمه الله وبركاته
كيف حالكم اخواني واخواتي فى الله ؟
ان شاء الله الكل بخير
الموضوع اليوم ان شاء الله صوري انا واعوذ بالله من كلمه انا واصحابي الاعزاء ربنا يخلينا لبعض ومايحرمنا من بعض ابدا يارب العالمين ام تجمعنا وقلنا نلعب ونتمرن سوا لان من زمان ماتجمعنا غير فى المدرسه بس
وكلنا الحمد لله رياضيين نلعب رياضه بفضل الله
وكنا يومها
اسلام صديقي وهوا لاعب منتخب مصر للناشئيين فى كره اليد والنادي المصري البورسعيدي لكره اليد
ومحمد صديقي وهوا لاعب النادي المصري البورسعيدي للباسكت
واخوكم عبدالله لاعب النادي المصري البورسعيدي للناشئين فى كوره القدم
والشيخ على صديقنا لو تفتكروه الى كان معايا فى رحله القاهره والتقرير الى كنت عملته وهوا كان معايا
واحمد الحريري صديقنا واحمد تاني
والحمد لله كلنا اهم شي عندنا الصداقه واهم شي الاصدقاء ورغم ان كل واحد مشغول اما فى التمرين او في اي شي تاني نتجمع ونروح ونخرج سوا الحمد لله كلنا وان شاء الله يوم السبت القادم بعد بكره رايحين الاستاد فى مباراه المصري والزمالك فى الدوري المصري وبعدها هنروح بيت محمد ان شاء الله نتفرج على مباراه الاهلي والنجم الساحلي فى النهائي الافريقي ان شاء الله الفوز اهلاوي يارب العالمين
عارف اني غلست عليكم وطولت عليكم بس استحملوني انا اسف ويلا نبدا
ملحوظه : الغرض من الموضوع توضيح بلدنا الحبيبه بورسعيد وجمالها وطيبه ابنائها .
واذا كان الموضوع مخالف لقوانين المنتدى ياريت يتم حذفه وانا اسف انا لااعرف هوا مخالف ولا لا
ونحن في طريقنا الى مكان عام فى جزيره بورفؤاد الجميله ومصور الصوره الشيخ على صديقنا وكان ينقصنا اسلام لم يأتي لسا
وضحكه من احمد الحريري
واضحك الصوره تطلع حلوه ... هعرفكم على كل واحد فينا فى الصور القادمه ان شاء الله
الشيخ على جا معانا والى يصور الحريري
واسلام لاعب اليد يأتي وسلام وقبلات
وفي الصوره دي اسلام وعبدالله الى هو انا ومحمد الدسوقي واحمد
وبدأنا نلعب مع بعض وكنا فى الاول نمرر الكره لبعض
وانا وإسلام لاعب اليد نداعب الكره
وقبل ان نبدأ تمرين ولعب سمعنا أذان صلاه الظهر وصديقنا على قال يلا نروح المسجد الاول
نصلي ونرجع نكمل ان شاء الله محمد الدسوقي قال كلمه عجبتني قوي ... قال نصلى هنا فى النجيله .. نعمر ارض الله سبحانه وتعالى ورحنا توضئنا من خرطوم مياه يروي الزرع ونحن نصلي احمد الحريري صديقنا صورنا فى الركعه الاول لانه كان تأخر في الوضوء واما خلصنا صلاه قال له صديقنا على لايجوز الى هوا عمله ويصورنا واحنا نصلي ويتأخر ولايدخل يصلي وتفوت عليه ركعه واعتذر ولكن الصور طلعت جميله ماشاء الله
ولعلها تكون من ذكريات عمرنا
ونرتدى ملابس الرياضه من جديد لنكمل وفى الصوره محمد الدسوقي لاعب الباسكت يلبس الابيض وخلفه احمد
وبدأنا فى تمارين الجري
وواحد فى النص وكنت انا وقتها فى النصف وقربت اخد الكره من الشيخ على
قبلها احاول اخدها من صديقي محمد
نمرر الكره لبعض
اداعب الكره
حركه رائعه لمحمد لاعب الباسكت
حركه مني
ونكمل ان شاء الله فى الرد القادم
وانا اسف والله ان كان الموضوع مخالف لقوانين المنتدى
وعملت الموضوع لاني بفضل الله سعيد بالصداقه الجميله دي
ويارب يدومها صداقه يارب ان شاء الله
وصداقات المسلمين
يارب الموضوع عجبكم
.,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,.,.,.,.,.,.,.,
ربي يسعدك