ملاك وبس
16-06-2022 - 03:16 pm
في مرتن من المرارير ==امس قلت بروح المانيا ورحت اخلص وريقاتي من القنصليه والزبده قالو لي لازم تنتظرين 14 يوم لين تخلص اوراقك لانك سعوديه:112: وفزعت لي القنصليه السعوديه بورقه ممكن تساعدني اني اروح بيومين مثل زوجي وولدي لانهم مو سعوديين
وطبعا انتم خابرين رمضان ع الابواب ماباقا الا 13 يوم يعني يبوني ارمض عندهم قلت هها بس
المهم قلت ابرك وقعدت اصيح عند باب القنصليه وصديقتي تقول معليش خيرها بغيرها قلت البلى ان شنيطاتنا والمه
المهم قلت نقلبها شرق اسيا بلا فيزا بلا هم
ويوم قمت اقلب بمنتدانا الغالي قريت عن موريشوس
واختمرت بدومتي قلت نشخطها لموريشوس
بس عندي استفسار انا عندي ولد ابو 10 شهور وزوجي طبعا
هل ينفع اخذه والا بحتاج خدامتي
ووش اللغه
هل عندهم اسواق زينه ؟؟؟؟؟؟؟؟؟؟؟؟؟؟؟؟؟؟؟اهم شي مابي تذكارات وخرابيط ابي شي فخم مو خلاقين
وهل الجو الان حر والا برد والا كيف؟ عشان اعرف نوع الملابس
وابي اوتيل حلو ومعقول ويكون فيه فعاليات حلوه ع الشاطئ و سبا
واهم شي الاسعار عشان ما اتوهق عشان اللغه الله اعلم بحالها
وسؤال هل الاوتيلات تامن ترب للمنطقه يعني نسجل وهم يدوجون فينا والا لازم حنا نكون فاهمين وندوج لحالنا؟
