الفهد2006
02-04-2022 - 03:53 am
السلام عليكم ورحمة الله وبركاته
اخواني واخواتي اعضاء هذا المنتدى العزيز انا عاجز عن ايجاد الكلمات المناسبة لهذا المنتدى الرائع واقدم شكري للجميع بدون استثناء بصراحة ما ادري وين كنت عنه من زمان ؟؟؟؟؟؟:x1:
المهم اخوكم الفهد ناوي ان شاء الله يحضر مفاجاة لأم العيال طبعا من دون العيال الله يحفظهم
ان شاء الله ابي اروح لموريشس في شهر 6 او 7 2006 ادري انه بيكون الجو بارد بس وش اسوي هذا الوقت المناسب لي
وعندي بعض الأسئلة اتمنى تردون عليها ولكم مني جزيل الشكر والامتنان:
1- اسعار الفنادق ( لي سانت جيران - اوبري) صراحه شفت صورهم واعجبوني اخوكم يحب الزين ورومانسي بس اتمنى انهم مايكونون غالين مرة وعلى فكره دخلت موقع الفنادق اشوف الاسعار بس اخوكم عليمي بالعنقليزي ما عرفت
2- مصنع الالماس وش رايكم فيه ابي اشتري للمدام من هناك بس ما عندي خبرة في المجوهرات اذا مغشوش واسعاره مناسبه والا لا
3- ابي الله يعافيكم ترشحون لي فندقين غير اللي ذكرتهم اخاف الميزانية ما تسمح واغيرهم بس لاتنسون الله يعافيكم الرومانسية اهم شي يعني يكون مباشر على البحر من دور واحد ارضي
4- ذكر بعض الاخوان في تقاريرهم ان الذهاب عن طريق الخطوط الاماراتية افضل شي والبعض قال انهم غالين اكثر من غيرهم وانا ابي اسال اهل الخبرة وش ينصحوني فيه
5- المدة اللي باجلسها 8 ايام تتوقعون كافية ؟؟؟ ما نقدر نخلي العيال عند الوالدة اكثر من كذا
اخيرا اعيد شكري وامتناني لاهل المنتدى واتمنى اني افيدكم في المستقبل
اخوكم الفهد
