النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في النمسا

يوم الاحد في زلمسي وميونخ شنو نسوي

ام فويزان

05-07-2022 - 02:26 pm

اخواني و خواتي سمعت بالمنتدى كثير انه يوم الاحد يوم ميت بهل مناطق ابي نصيحتكم وين اقدر اروح و استمتع لي انه خلال رحلتي بصادف يومين احد
و بعد ابي اعرف شنو الملابس الي احتاجها ما ودي اكثر على الفاضي اخذ ربيعي و لا صيفي و لا شتوي السفره الجمعه القادمه انشالله

التعليقات (8)

hero777

05-07-2022 - 05:56 pm

اخي العزيز
الجو ربيعي
عليك بزيارة البحيرات والاستمتاع بالجو الرائع
بالتوفيق

ام فويزان

05-07-2022 - 06:57 pm

؟؟؟؟؟؟
ماكو احد عنده فكره

توتية2009

05-07-2022 - 07:58 pm

ياهلا فيك اختي
بالنسبة لزلامسي يوم الأحد اللي يتسكر بس المحلات
أما الأماكن مثل الكابرون بالعكس هذا وقتها وتلقينها زحمة بعد
وعندك البحيرة
والجو ربيع يعني لا تكثرين شتوي خذي كم غرض شتوي احتياط الكابرون بارد
ونفس الشي بميونج الجو راح يكون ربيع

رساويه طايرهـ

05-07-2022 - 08:59 pm

شكلي وانا وانتي بنفس الرحله ههه
من ناحية الجو ادخلي موقع ميشلان يعطيك درجات الحراره
ويوم الاحد مو مشكله ماراح يسكر الا المحلات التجاريه بس

ام فويزان

05-07-2022 - 10:00 pm

رساويه طايره
حياج الله اشرايج انخلي الي معانه ونقعد انسولف بالطياره عشان ننطق احنا رحلتنا على الاماراتيه يوم السبت

ام فويزان

05-07-2022 - 11:01 pm

توتية2009
مشكوره يا عمري و ما قصرتي انشالله بخلي رحلت كابرون الاحد

رساويه طايرهـ

06-07-2022 - 12:02 am

ام فويزان
الله يحييك يالعسل بس انا مو الاماراتيه
وحتى لومعك اشك اني باسولف ههه لاني دايم اضبط لي حبوب تنومني ماحب انحشر بالطياره انام اصرف لي

ام فويزان

06-07-2022 - 01:03 am

رساويه طايره
يالله انشالله كلنا نستانس بس ظروري اذا رجعتي بالسلامه تعطيني و اعطيج التقارير