تعجبني صراحتك اخوي بس اذا بقلك على موقف صار لي انا شخصيا فيه مرة من المرات طلعت الطائرة ولحقوني وسألوا عني نادوا بإسمي واخذوا بطاقتي والبرودنق تأكدوا منها وردوها لي ليش ما ادري بس ماادري يمكن يصير ان حظك حلو تمشي
وبعدين يااخي ريان على مااعتقد انها حرام والله اعلم
للمعلومية صارت الخطوط السعودية تدقق اكثر من اول على موضوع الاسم انا الاسبوع الماضي رحت برجع تذكرة لاخوي قالي الموظف مافي وجبت له مليون عذر ماقبل وقال : لا تقنعني ولا اقنعك ممنوع يعني ممنوع
فأكيد السفر من باب اولا حتى لو كانت من دون تخفيض

حاليا صاروا يدققون جدا وصارت معي بطلع باسم اخوي ومارضوا الا بواسطة وشغله

والله مسألة التدقيقه شغاله حاليا كثير

أخوي ريان الله يوفقك وتشتغل في أقرب وقت
وبالنسبة للتذكرة ، خلني أذكر لك هالحادثة اللي
صارت لي يوم كنت طالب ، في واحد من زملائي
طلب مني أقطع له تذكرة بإسمي ، ورحت جبت تخفيض
وبعدها رحنا للخطوط ومعي زميلي وحددنا اليوم والوجهة
وبعد ما قطع الموظف التذكرة ختم عليها بختم أحمر مكتوب عليه ( مطابقة الإسم)
لأنها مثل ما تعرف تذكرة طالب ، يعني ما فيه حيلة والله يعينك.

أخي الكريم لاترضى على نفسك بالحرام ...واشتري عمرك بالمائه ولا المائتين.

انا بصراحه استغرب من البعض افتائهم بمسئلة الحلال من الحرام ؟؟
يا اخوان دعوا هذه المسئله ل اهل الاختصاص
الامر الاخر يا صاحب الموضوع
انت تقدر تاخذ نموذج تخفيض فارغ وتعبيه وتركب الطياره
لكن اذا ب أسم اخوك ومضطر الى هالامر
اخذ بطاقة اخوك وامر الله من سعه

يعطيكم العافية , أنا أخذتها والله يستر هع .

اخي الكريم على ما اعتقد عند المسلم عقل يفكر بيه و ارجوك النظر و التمعن في هذا الحديث
عن أبي عبد الله النعمان بن بشير رضي الله عنهما قال: سمعت رسول الله صلي الله عليه وسلم يقول: (إن الحلال بين وإن الحرام بين وبينهما أمور مشتبهات لا يعلمهن كثير من الناس فمن اتقى الشبهات فقد استبرأ لدينه وعرضه ومن وقع في الشبهات وقع في الحرام كالراعي يرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجسد مضغة إذا صلحت صلح الجسد كله وإذا فسدت فسد الجسد كله ألا وهي القلب)
هداك الله لهالدرجة صار كل شي عندنا يجب ان نرجع فيه لاهل العلم ؟؟؟
الموضوع سهل ما يحتاج له الا شوية عقل و تفكر
التخفيض وضع من الدولة للطلاب من باب التسهيل لهم
لما اجي انا واخذ تخفيض باسم اخوي اكون اولا " استغليت تسهيل الدولة في غير وجه حق " و ثانيا " خنت الامانه "
يعني ابدا واضح الامر كيف تجي و تقول الان تستغرب من الي يفتون و يحللون و يحرمون
ربي يحفظنا برحمته زمن عجيب غريب صار كل واحد يحلل على كيفه

السلام عليكم والله اخوي انت وحظك يا تعدي يا ما تعدي توكل على الله وربنا يسهلك وبعض احيان يدققون بس حاول في الموظف وانت تمشي انشاْالله وشكرا................... والناس ايشبهم قلبوها دار الافتاء الرجل ماساْل عن حلال ولا حرام السؤال واضح ...............