اه يالندن وش هي لندن هاذي للدرجه هاذي اطلعت حلوه ورهيبه ليه محد قالي انها كذا تدرون اليوم مفروض كنا انروح باريس كنسلنا باريس وخلينا باقي الايام هاذي كلها لندن والله لواقعد اقولكم حلوه حلوه حلوه اكون مقصره
الحين بس اكتشفت واسمحولي يامحبين باريس انها سخيفه بس من بعد لندن وان مافيها شي غير الشانز اما باقي الاماكن بصراحه اتخوف من هالمهاجرين والشحاذين في كل زاويه هنا قليل جدا تحصل وفعلا لندن راقيه ومليانه اماكن سياحيه وانشطه مب بس شارع نفس الشانز واحلى شي ان الشرطه منتشرين في كل مكان مب نفس باريس احس الشرطه عندهم اخرطي لان هالافارقه وغيرهم اللي تحسونهم حراميه منتشرين في كل مكان ومن يشوفونا يطبون علينا ومحد يقولهم شي.. وبعدين في لندن الواحد مايحس بغربه وين مايلتفت يلقى ربعه واحبابه واخوانه الخلجين وجودهم يحسس الشخص بالامان ومايحس بغربه اكثر اللي موجودين في لندن للعلاج او للدراسه يقولون مانحس بغربه ومستانسين انهم بلندن عكس اللي موجودين بدول اوربيه ثانيه حاسين بغربه وبملل غير طبيعي
انصح كل شخص ناوي على لندن انه مايتردد وانا اقول له ماراح تندم لاختيارك دولة الوناسه والسهر لانها فعلا كذا الحياه هنا اطول ماتموت عكس الدول الثانيه ومتعودين على اشكالنا محد يطالعك ويحسسك انك كائن غريب مثل المانيا وسويسرا وباقي دول اوروبا لازم يطالعونا باستغراب مادري ليش وفعلا لندن دوله تحترم الاديان جد جد جد يالبى لندن وبس
كفايه انهم كلهم يتكلمون انجليزي وهي لغتهم الواحد مايتعب ثاني شي وهو مهم بالنسبه لي البلاك بيري متوفر وفي نفس الوقت خذنا الشريحه وفتحنا الببي عكس المانيا قالوا لنا ماراح تتفعل الا عقب 72 ساعه والخدمه مب شي كلش عندهم واصلا محد يستخدم الببي هناك كلهم للحين على النوكيا اكثرهم
سوري طولت عليكم بس لحد يلومني انا في لندن ياناس تونا جينا من البيكدلي يامحلا الحياه في هالشارع رهيبه وحصلنا محل يلبسونكم ملابس انجليزيه ويصورنكم شي رهيب وتصوير روعه صدق من قال لندن وبس في اوروبا
واتمنى للكل اللي بيروح لها او ناوي يروح سفره حلوه وسعيده ويستانسون مثل ماحنا مستانسين فيها