1. والأماكن السياحية كثيرة ما فيه وقت نفصلها.....

هلا و سامحنا على التأخير
ما شاء الله مختارين أغلى ثلاث دول في أوروبا للسياحة في سنة وحدة!
على العموم لندن فعلا غالية ويبغي لها تعرف الميزانية قبل ما تروح ......
الفنادق الزينة حول الأماكن السياحية أو السنتر بلندن من 100 الى 150 جنيه .....ممكن تحصل أرخص بس بعدين فيها مشي أو أندرجراوند من مكانها الى الأماكن اللي تبغيها ...... تسوى اذا لك بارض..
والشقق من 1000 الى 1500 جنيه بالأسبوع اذا قريبة
الأفضل تحجز من بلدك يطلع أرخص من الحجز في اوروبا و فيه بعض المشاركات موجودة في البوابة عن بعض الفنادق في لندن
لندن فيها فوق ال 300 متحف ... طب و تخير و الكبار المعروفة قريبة من بعضها ما توه عنها بس شوف إيش اللي في خاطرك تاريخ طبيعي, شمع , علوم , ملكي,,,,,,, وحنا ندلك عليه
بالنسبة للشراء فالشارع المعروف أوكسفورد كلها محلات معروفة و أسامي و غالية بس مش كثير عن المحلات في الاماكن الأخرى ..... يقطعه شارع ريجنت على اوكسفورد سركس نفس الشي محلات و أنصحك بمحل اسمه هامليس 6 طوابق كله العاب (اذا عندك عيال تبغى تشري لهم) وفيه غيره ...... خذ قطار تقريبا ساعة أو أقل من لندن ملتون كينز مدينة كلها مجمع كبير و تشرى أرخص شوي من لندن
الأدجوار رود شارع كلها مطاعم و قهاوي عربية و الله يصلحهم حتى شيش فيه...

والأماكن السياحية كثيرة ما فيه وقت نفصلها.....

أحسن طريقة إذا و قتك قصير تاخذ الباص السياحي من غير سقف يلفك المدينة كلها تركب من أماكن محددة بس تنزل وين ما تبي من الأماكن السياحية اللي يمرون عليها و تقعد على راحتك ما يحتاج تركب نفس الباص لأهم يمرون بأوقات محددة وتركب الباص اللي بعده و تكمل مشوارك بنفس التذكرة ..... وفيه باصات سياحية عربية !!...
المواصلات سهلة جدا ...... تذكرة يومية حق شخص تقريبا 5 جنيه و اذا عائلة ام و اب و طفلين 4 جك للكبار و الصغار 2و نصف جك تركب باصات و أندر جراوند ليوم كامل في الزون 1 و 2 اللي يعني فيها كل الاماكن اللي تبي تشوفها في لندن.....
في هالوقت حاسب على جيوبك اطلع باللي تحتاجه بس و لا تزيد و لا تكشخ علشان ما تلفت النظر لك
اللحين موسم السياحة و البوق و السرقات تزيد معاه
الله يحفظكم
تحياتي

الاخ درجة اعمال
مشكور على الرد السريع والظاهر انك راعي ديرة وبتنفعنا ان شاء الله
انت رديت وقلت انها غالية وما وضحت الغلاء وين ويلت تعطيني امثلة وكذلك الحلول المناسبة
اما من ناحية السكن انا حصلت حجز عن طريق مكتب سياحي ( فرسان ) لفندق كمبرلاند بسعر 450 ريال لليوم غرفة طبعا ويمكن احصل ال شوي جاري الاتصال بالفندق والمدة تقريبا اسبوع فيليت اذا تعرف شي كويس وسعرها اقل تخدمنا فيه
بالنسة للااندر قراوند يليت توضح لي وشلون احصل على خريطة تحدد لي مساراتها
وبعدين غير لون الخط الله يخليك اعمى عيوني اللون الاحمر
تحياتي
بلبل

1. و السعر جيد جدا في هالوقت


2. المطاعم في لندن كثيرة و مطاعم التيك أوي أرخص


3. بيطلع عليك في بريطانيا بجنيهين أو زيادة شوي

سامحنا أخي على اللون غيرناه
الفندق اللي أخترته موقعه ممتاز
أضغط هنا لخريطة الفندق http://www.streetmap.co.uk/newmap.srf?x=527871&y=181057&z=1&sv=527750,181250&st=4&ar=Y&mapp=newmap.srf&searchp=newsearch.srf

و السعر جيد جدا في هالوقت

الغلا الله يسلمك إذا راعي مطاعم و تحب مطاعم جيدة المستوى فما فوق في الأكل مثلا تروح وحدة من المطاعم اللبنانية أو الأيرانية الجيدة يطلع لك الشخص مابين 30 - 50 جنيه
طبعا ممكن تاخذ سندويشات على الماشى الشاورمة ب 3 جنيه و نص و أنت طالع والأفضل صراحة محلات السندويشات الإنجليزية رخيصة و مغذية و أنا أستعملها دايما ............ تقدر تقوله إيش تبي في السندويشة و هو يسنعها لك............

المطاعم في لندن كثيرة و مطاعم التيك أوي أرخص

التكاسي غالية و الزحمة تزيد من السعر يعني لو تروح من مربل أرج ( عند فندقك ) للكورنر المقابل من الهايد بارك يكلفك من 8 - 10 جنيه بالزحمة العادية بس الأندر جراوند أفضل و أسهل و أرخص المواصلات و البطاقة أم يوم حق الأندر جراوند تركب فيه باصات بعد ..........
الفندق عنده في الريسبشن خرايط للمدينة و عليها خريطة الأندرجراوند و الأندرجراوند تحت الفندق على طول
البضاعة حقة المحلات غليوية شوية بس عندك الأنواع كثيرة و جيدة
القيمة الشرائية للجنيه تسوى ريال يعني إذا في البلاد بتدخل محل و تاخذ لك 2 قوطي ببسي و 2 كتكات يطلع عليك ريالين وشوية أو 3

بيطلع عليك في بريطانيا بجنيهين أو زيادة شوي

التسوق له طعم ثاني في لندن لأنك كأنك في البلاد بس بالأنجليزي و أنا في الدوحة أستعلمت عن الأسعار في المحلات الإنجليزية الموجودة عندنا و عندهم ما حصلت فرق كبير و ساعات اللي عندنا أغلى بشوي و ساعات عندهم أغلى...........
أنا تكلمت عن الغلا مقارنه بدول أوروبية ثانية أو أمريكا
تحياتي

الكمبرلاند حلو , وصار له تجديد ......
رحلة موفقة اخوي بلبل

بيفيدك اكثر هذا الموضوع .......
لاحظ صور فندق كمبرلاند .....
اضغط هنا https://artravelers.com

اخي الكريم ...بلبل
بالنسبة للسكن فأنا انصحك بفندق جميل Selfridge hotel غرف انيقه ومكيفه وموقعه رهيب جاي في وسط الاوكسفورد استريت طبعا مو على الشارع نفسه لكن داخل شوي والصراحة الموقع مناسب جداً لأن حولك الهايد بارك شارع الايدجورد وريجنت استريت كلها تروح برجولك لا اندر جراوند ولا تاكسي و اجمل شي بلندن هو الاندرجراوند لأنه سعرة اقتصادي ويمديك تلف لندن مثل ما تبي والخريطة تلاقيها عند اي ستيشن بتروح معاه وإذا كان عندك وقت في بريطانيا انصحك بزيارة مدينه اسمها Weston super mare على الساحل (بس بعيده يمكن 3 ساعات عن لندن بالقطار) ووتطلع لقرية جنبها اسمها sands village لأنها جميلة جداً.
ولايفوتك مطعم المروش بالايدجور رود مرتب وأكله جميل بس غالي!!
شيك على الروابط التالية:
مواقع مفيدة لزوار بريطانيا:
https://artravelers.com
موقع السيلفردج:
http://www.thistlehotels.com/selfridge
ورحلة موفقة بإذن الله....تحياتي;)

درجة اعمال
عزالله انك ماقصرت معلومات واضحة ومفيدة
اسمح لي بنحتاجك بعد خلك معنا
تحياتي بلبل

معجب
مشكور اخوي ان سبق ان زرت الرابط الي كتابته
وسعدت كثير باضافتك للموضوع
تحياتي وتقديري لك
بلبل

درجة اعمال
اساك الله بالخير
معليش
انت تكلمت عن مطاعم التيك اوي بس يليت توضح نوعية الاكل ( ولا يكون اكل كلاب الله يعزك ويعز الحاضرين ) الهوت دوك ترى والله ما اوطنه بعيشة الله وما ادري وش السندويتشات الا نجليزية يعني وشنهو يحطون فيها
يليت توضح لي اكثر هل تؤيد الانظمام الى قروب سياحي للتنقل للمعالم السياحية ؟؟
الاندر غراوند
يليت اذا عنك معلومات عن دوامه متى يبداء ومتى يقفل
وهل استخدامه امن البعض يقولي انه غير امن في اوقات معينه
وهل فيه مناطق تنصح عدم الذهاب لها وماذا عن التمشي في اوقات متاخرة ل هناك مشكلة
بالنسبة لصرف الشيكات السياحية بالجنية الاسترليني هل يوجد متاعب مثل طلب الجواز مثل وهلهو مقبول في المحلات التجارية
تحياتي
بلبل