alatheer
حبيب قلبي شكرا على ردك
تايلندا ممنوعين احنا يالسعوديين من السفر اليها
الا مثل تايلند وفوكيت وين نلاقي لكن هذا اللي حاصل ارجوا ممن يكون خبير بالهند يقلي
لانه رحت لمكتب السفريات البارحه فقالي ان سيرلانكا صارت بها مشاكل وتفجيرات والشغله محيوسه هناك
والهند بالنسبه للشمال فيه مشاكل كثيره للمسلمين والسياح
فقالي الهندي روح للجنوب كوتشين ومونار
أرجوا توضيح الامر لي والاشارة علي بالمفيد وشكرا

السلام عليكم .. عليك بالهند منطقتي أوتي وميسور للطبيعة الخلابة فيهم .. توصلهم من بعد الهبوط في مطار بنجلور وتاخذ مواصلات لهم تقريبا 4 ساعات لميسور و7 لأوتي ..
ولو حاب التسوق طير من كمباتور على مومباي تقريبا ساعتين ونص بالطيران الداخلي ..
موفق ..

zmia1
طيب وكوتشين ومونار كيف هي وسيرلانكا وبعدين انت مارديت على سؤالي وين احسن الهند ام سيرلانكا

الأخ العزيز gasem12
الهند فيها طبيعة لكن يخربها بعد المدن عن بعض تدق 4 ساعات وبعضها 6 ساعات تمل من ركوب
السيارة ويروح كثير من وقتك بالسيارة وبعدين انتبه تروح بوقت الأمطار في كيرلا والله تتبهذل ولا تستانس
كل الوقت مطر ولا تقدر تطلع وتروح وتجي والعام الماضي انواع الفيضانات .
وسيرلانكا نفس الكلام بالنسبة لبعد المدن والوضع الأمني بعد تحذير السفارة السعودية
اقترح عليك تايلند وماعليك من المنع كله كلام فاضي الخطوط السعودية مطلعه رحلة عبر طيران الخليج
الى بانكوك والمنع مهوب صارم والدليل وكالات السفر كلها تعلن عن وجهة تايلند ولو فيه منع حقيقي
كان خطاب من الخارجية لجميع وكالات السفر في المملكة بمنع مثل هذه الدعايات .
توكل على الله وماجاءك علي

مرحبا اخوي مرة اخرى .. ما اقدر افيدك عن سريلانكا لاني ما زرتها ..
اما بالنسبة لكلام لاخوان فتايلاند في هذا الوقت تزخم من العرب والجو حار نسبيا .

المستكشف
جزالك الله خير بس هذا اقرار نوقع عليه عن استلام الجواز حق السفر وتدري الباب اللي يجيك منه الريح سده واستريح وانشالله الملك عبدالله يفتح المجال للسفر الى تايلند قريبا

اخوي انا طالع بومباي يوم الثلاثاء تبي تخاويني حياك خبير هند والان اليوميين هذي بدا المطر وطبعا الشوارع
الباريسيه في بومبي اذا كثر المطر تصيركنك طاب في خلطة اسمنت
بس انتبه انتبه من سرلانكا بلدالغربان اقمت فيها انا 8شهور الله لايعيدها كنك في سوق الحمام عند نوير
حقت الشروخه كل ساعه تفجير وكلومبو كلها شارعين كل ما صارانفجارصكو الشارعيين وشعب غبي
تعامل عله وكل شي فيها عله الا الاكل البحري
تايلندلااحد يوهقك يقول روح لانه مجردما يختم على جوازك بتندم لانهم ما راح يقولون لك شي الا اذا جيت
بتجدد جوازك بتتفاجا انه الكمبيوترفي الجوازات ما يقبل ادخال اي معلومات عن لتجديدالابعد سنتيين مدة
ايقاف سفرك هذي واحدمن الاصدقاء رحنا بنجدد جوازه قبل امس وتفجاء به