لو تبي أفخم فندق اسكن في الريتز لكنه بعيد عن البلاد
ولو تبي فندق يكون على الكورنيش وجمب السيتي سنتر وفي وسط الدوحه الحديثه اسكن في الشيراتون أو الفورسيزون
ولو تبي فندق في وسط البلد اسكن في رمادا .. واختار الفندق اليديد لانه في فندقين
وبارتبهم لك من الأفضل والأفخم
الريتز
الشيراتون
الفورسيزون
رمادا
بالنسبه لأفضل الاماكن عندك مجمع الستي سنتر وفيلاجيو وجزيرة اللؤلؤه وسوق واقف والمتحف الاسلامي والكورنيش
هذي الاماكن كلها فريده من نوعها

ماقصرت اختي النوري يعطيها الف عافيه
وفي فندق جديد ويعتبر اطول فندق في قطر وهو فندق الكمبينسكي قطر
وهذا موقعهم على الانترنت
http://www.kempinski.com/en/doha/Pages/Welcome.aspx
وهذا موقع بوكنج اذا تبي ارخص الاسعار حق هذا الفندق
https://www.booking.com/hotel/qa/kempinski-residences-suites-doha.ar.html?aid=1300939
وهذي مجموعة تقارير راح تفيدك في احلى الاماكن الي في قطر
https://artravelers.com/p/re/283370
واي خدمه احنا حاضرين

أحسن فندق من حيث المكان والخامه
1 - غراند حياة
2 - دبيلو
3 - فورسيزون
4 - شرق ....بس شوي بعيد عن الاماكن لانه جمب المطار تقريبا
افضل الاماكن
1 - جزيرة الؤلؤه
2 - فيلاجيو مول
3 - سوق واقف
4 - اكوا بارك قطر (( راح يتم افتتاحها في اول ايام عيد الفطر ))
5 - الكورنيش
6 - المتحف الفن الاسلامي
كل هل اشياء وايد حلوه وفخمه

نتشرف بك أخوي الموج ونتمنى لك طيب الإقامة في بلدك الثاني دار بن ثاني .
وماقصروا اخوانا واخواتنا واي خدمة أبشر بها .

يعطيكم العافيه
ابي فنادق رخيصه نوعا ما لان الرحله شباب والغرفه للنوم فقط احصل بحدود 300 ألى 400؟

مافي 300 أو 400
بس أتذكر من كم سنه كانت الغرفة في الانتركونتينتال ب 250 ريال
والانتر ترى فندق فخم وخمس نجم ويعتبر منتجع ويطل على البحر
بس الحين أكيد هالشي تغير
على العموم انت اتصل لهم وإسأل يمكن أسعارهم أرخص من الفنادق المذكورة أعلاه
إحنا ذكرناها لانك إنت قلت تبي أفضل الفنادق

يعطيك العافيه اخوي النور بس ابسئلك
اخوي قطر فيها مافي غيرها البحرين مثلا او مثل الكويت دوله محافظة ولا فيها شي
يعني نصلح للعوائل ؟

اخوي انا زرت قطر البحرين الكويت شوف ك تطور يعني تبي تروح مكان مشابه لدبي او نقول نيويورك مصخره روح قطر لانها بلد راحه وهدوء وجوها رومنسي يعني عادي تطلع الساعه 7 تسمع صدى صوتك في الشارع يعني بلد نظيف وهادي ,, البحرين ماتعجبني كلش يوم يومين تمل منها ,, الكويت اسواقها تجنن بس بعد تحس انها قديمه يعني تصويتي
1 - الدوحه ( كل شي )
2 - الكويت ( اسواق )
3- المنامه ( مافي شي يميزها بس جنة دلمون )

اذا تبي بالقيمة اللي انت ذاكرها مالك الا شقق فندقيه
وفي وايد مواضيع تتكلم عن الشقق الفندقية في القسم