انصحك توقفها في مواقف الشرطه ( امن العاصمه ) في الدوحة وهناك امان ومايحتاج توقفها بفلوس ..

صباحك ومساك كله خير اخووي،،
شووف من ناحية الامان الحمدلله بلدنا بأمان، عندك قريب المطار مجمع اللولو هايبرماركت مواقفهم مظللة وان شاء الله انها أمان لانها على الشارع الرئيسي وعندك مجمع المول بعد مواقفهم مظللة وامان وكلهم بمنطقة المطار القديم جنب المطار على طوول فما يحتاج ان شاء الله، ولو تلاقي لك واحد مال تنظيف السيارات يكون موجود في المواقف تحصله يدور حد يغسل له السيارة فعطه شوية فلوس 100 او 150 ريال يغسلها لك كل يومين لغاية ما ترجع بحيث محد يلاحظ انه السيارة مغبرة وواقفه من زماان،،
وبالتوفيق وحياك الله اخووي،،

طيب انا رحلتي الساعه 4 الفجر متى اروح هناك واشوف احد العمال
جزاك الله خير

طيب يالغالي لازم انت تكون في قطر قبل 4 يعني الساعه 10 في قطر او قبل احسن واحسن بعد المجمع يسكر الساعه 12 روح قبل 12 ولاكن انصحك توقف سيارتك في المطار او امن العاصمه

والله احترت صراحه مادري شسوي

يالغالي انا انصحك انك توقف سيارتك في المطار
25×48=1200ريال
افضل من انك تحط سيارتك في مكان انت ماتضمنه وتخاف على سيارتك وانت خارج الدولة

انا مع ولد الدوحه
تدفع 1200 ريال وتضمن المواقف
لان اذا وقفتها في اللولو ماتدري يمكن يشيلونها ويودونها الشبك
بس مواقف المطار اضمن لك

ياجماعه الخير انا ماخذت رحله من الدوحه الا عشان اوفر شويه مبلغ صراحه
وترا 1200 ريال يعني تعتبر زياده على احلى رحله على القطريه ولا على الاقل اخذ الرحله من مطار الدمام
انا لو ادري ان مافي مواقف وربي مافكرت اني اخذ رحله من الدوحه ابد بس شسوي ماقدر اغيرها اخذتها من اكسبيديا وماقدر اكنسلها

هلا اخوي تقدر توقفها في امن العاصمه
المكان امان وبدون فلوس
وهاي احسن حل