قصائد لمحبي المغرب
أدري فيكم قلوبكم خفوقة كلكم تحبون المغرب
ياخوي ماغابت عن البال كازا
والزرقطوني شارعه حي بورقون
ماعاد لي في الشام ياأخوك عازا
ولبنان وكشخاته عساهم يولون
ويحرم علي أختم لمصر الجوازا
ولو ماتبقى غيرها شبر في الكون
اللي ذبحني "جوج" "هكا" "بلازا"
و"مزيان" و "كي داير" و "بالزاف" و "إشكون"
والله لو عندي رصيد وإجازا
لا أطير للمغرب ويكون مايكون
==
من قصائد الامير عبدالله الفيصل:
إشتقت للمغرب وانا توني جاي
الله يساعدني على نار شوقي
ياللي تريد ادواي في المغرب ادواي
رح بي لعله ينطلق فيه عوقي
لو صافحت مجهول يمناه يمناي
ينساق تيار الهوى في عروقي
واسمع حديثه ناعم ٍ كنه الناي
على يمينه ينثر الدمع موقي
==
(قصيدة جميلة بالزاف )
يامرحبا حييت ياطير حوران
يامرحبا بك يالرفيق الشقاوي
الدار ياطايل لها اشكال والوان
فيها جمال الغيد ماهوب ياوي
لاجيت للمغرب تضمك بالاحضان
اترك بلاد النيل مامن تساوي
يكفيك عبدالله وزايد وسلطان
كبار الرجال اللي ترد الدعاوي
مصيافهم في وسط كازا وتطوان
دارن وهبها الله سحرن سماوي
ومالوم قلبك يوم غنيت طربان
قلبي غدن به ياالذويبي له ازمان
من اول سنة تسعين قلبي هواوي
مزعوط انا بالزاف بالحيل ولهان
دايم وقلبي في هواها رجاوي
اجمع حصيلي ثم سافرت عجلان
غاوي ومن مثلي على الدرب غاوي
اروح للمغرب وانا البوك مليان
وارجع وبوكي يشهد الله خاوي
ولانيب متحسف ولانيب ندمان
هذي طرات العمر لاصرت هاوي
ويابو سعد لاصرت للدار شفقان
حنا مثل شرواك دايم نخاوي
اصبر لنا بالصيف عودة علشان
نسكن انا وياك جنب العطاوي
==
الله من قلب هواه الغنادير
ياليت لي عمر كثر عمر نوحي
لقضيه في طنجه وكازا واغادير
مثلي أسير الحب صعب يروحي
ياصاحبي طبع المحبه مقادير
وحبك سرى داخل شرايين روحي
نارد لكم ظميا ونرجع مصادير
ياللي سحرتونا بكثر المزوحي
ياشبه وضحا بين كل المغاتير
عفراً عليها وسم غازي يلوحي
سلام يالمغرب تحية وتقدير
وعز الله إني فيك ماسمع ولا اوحي
دار بها كل العلوم المسافير
والمسك والريحان منها يفوحي
وترى وعدنا ياحبيبي على خير
صيف جديد وفيه أجدد جروحي
==
يقول ابو سارة ،، من الهم ،، عانيت
نفسي تراودني ،، وهمي غلبني
خطمتها عما تريد ،، وتفانيت
وفي لحظة الغفلة ،، هواها ،، سلبني
قلت ارجعي يالمخطية ،، قالت اخطيت..؟؟
اللي وقع في المخطية ،، من خطمني
أنا في المغرب ،، رحالي وحطيت
تبي تخاويني ..؟؟ هلا ،، وانت مني
وفي لحظة من ضعف ،، لليد ،، مديت
خذت بروس اصابعي ،، ما حملني
حتى شعرت اني بامان ٍ ،، وشديت
إيدي بيدها ،، ثم صاحت ،، همّلني
اقلت اسكتي ياغافلة ،، ثم هدّيت
وذكرتها بايام ،، في صغر،، سني
استرجعت نفسي وقالت ،، ألا ليت
يرجع لنا الماضي ،، ويرضيك ،، عني
قلت اسمعيني ،، قالت ابشر ،، ولبيت
قلت ارضهم ،، تسحر ،، وهذا فتني
قالت نعم ،، وازيد من شعرنا ،، بيت
المغرب ارض السحر ،، ما خاب ،، ظني
مدت يديها للعهد ،، ثم مديت
يدي وعاهدنا بعض ،، ما تخنّي
تبقى معي ،، ما دام بالعهد ،،
وفيتونحط في المغرب ،، رحال التمني
==
سحابة صيف وتعدي لا يغرك الصيف وامطاره
بيحَت سدك وسدي والكل هلّلت اعباره
حبيب راح من حدي ما أطول الليل ونهاره
حياة الروح يا وجدي تركت اليوم أنا داره
بعد حالي آه من قدي شمّيت ورده مع أزهاره
نروح اليوم ما يمدي عليه حراس واخفاره
قياس الثوب ترى قدي ماهمني لو طاحت أزراره
الكل يصيح ويهدِّي ومسافرنا جاب أخباره
بكوا والكل متحدي نروح نروح بأخطاره
غير أغادير ما بدي كازا وطنجه مع تماره
وسحابة صيف وتعدي إخضر عشبه من أمطاره
==
رساله من الوالي |--- *** ---| كنه شعاع الشمس وشروقه
أنتم جماعه وأنا لحالي |--- *** ---| والكل راضي بمعشوقه
جمعنا حب الدار يالغالي |--- *** ---| وجمع شعثنا حلومنطوقه
ما أظن ياخوك بنسالي |--- *** ---| نمشي ونتبع سنا بروقه
على العهد ماشين طوالي |--- *** ---| وكل عرف بالوصل وحقوقه
ما استمع وش قال عذَّالي |--- *** ---| سوقي انا وياك مش سوقه
وارسلت على الخاص جوالي |--- *** ---| ولا تلوم منهو اشتاق يم شوقه