يا هلا فيك في البحرين .. أفضل مكان أعتقد منتجع البندر أو جزر حوار .. طبعا جزر حوار لازم تروح له عن طريق البحر بس يسوى و منتجع البندر يحتاج لك 40 دقيقة من الجسر على اساس توصل للمكان ..
بالتوفيق يا الحبيب

أشكرك أخوي زوزو,,,,,,,
أنا أختك الأرض مسرحي,,,,,,,,

1. يوجد في البحرين أكثر من منتجع ومع اختلافات كثيرة بين كل منتجع ..


2. وسوف أعدد لكي المنتجعات وأنتي أختاري الافضل ببينهم ..

السلام عليكم ورحمه الله وبركاته ..

يوجد في البحرين أكثر من منتجع ومع اختلافات كثيرة بين كل منتجع ..

وسوف أعدد لكي المنتجعات وأنتي أختاري الافضل ببينهم ..

1. منتجع العرين : وهو في منطقة الصخير وبعيد عن المنامة حوالي 15 دقيقة ويبعد عن جسر الملك فهد حوالي 15 دقيق أيضاً وهو بالقرب من حلبة البحرين للفورملا .. وهو منتجع صحراوي بنظام فلل تستأجر فله وبها مسبحها الخاص .. ويتختلف أحجام الفلل .. وهو من أفخم المنتجعات في البحرين .. ويوجد به نادي صحي وسبا .. وسعره يختلف من موسم إلى موسم .. ومتوسط سعره 300 دينار لليلة واحدة .. ويوجد بقربة حلبة البحرين الدولية للفورملا 1 .. وأيضا بجنبة محمية العرين (حديقة حيوانات جميلة) ..
موقع الفندق من موقع بوكينج : https://www.booking.com/hotel/bh/banyan-tree-desert-spa-resort-al-areen.ar.html?aid=1300939
2. منتجع سوفتيل الزلاق : وهو في منطقة الزلاق قريبة من الصخير ويبعد عن المنامة حوالي 13 دقيقة ويبعد عن جسر الملك فيهد أيضاً 13 دقيقة .. وهو قريب من جامعة البحرين .. وهو منتجع بنظام الغرف وله شاطئ خاص نظيف ورائع .. وأيضا برك سباحة جميلة .. وقد أفتتح مؤخراً يعني الفندق جديد لم يكتمل عن أفتتاحه حوالي 3 أشهر .. ويوجد به مطاعم ذات إطلاله رائعه ويوجد به نادي صحي وسبا .. وهو قريب أيضا من منتجع العرين .. ومن حلبة البحرين للفورملا .. ومحمية العرين .. ويبعد عن منتجع العرين حوالي 5 إلى 7 دقائق .. ومتوسط سعره 120 دينار ..
موقع الفندق من موقع بوكينج : https://www.booking.com/hotel/bh/sofitel-bahrain-zallaq-thalassa-sea-spa.ar.html?aid=1300939
3. منتجع الريتز كارلتون : وهو من أفخم فنادق البحرين .. ويقع في منطقة ضاحية السيف وهو قريب من المجعات والمنطقة الحيوية .. وهو بنظام الغرف والشاليهات .. ويوجد به أفضل المطاعم في البحرين .. ويوجد به قسم للتسوق .. ويوجد به أيضاً نادي صحي وسبا .. ويبعد عن جسر الملك فهد 7 دقائق إلى 10 دقائق .. ومتوسط سعر حوالي 180 دينار للغرفه .. و 1000 دينار للشاليه .. ويوجد له شاطئ خاص وحديقه وبركه سباحه ..
رابط الفندق من موقع بوكينج : https://www.booking.com/hotel/bh/the-ritz-carlton-bahrain-spa.ar.html?aid=1300939
4. منتجع دراجون : وهو منتجع أفتتح في البحرين قبل سنتين .. ويقع في منطقة جزر أمواج .. وهو قريب من مطار البحرين .. ويبعد عن جسر الملك فهد حوالي 20 دقيقة .. وهو بنظام الغرف والشقق .. ويوجد به نادي صحي وسبا .. وهو قريب من مجمع الخور في جزر أمواج .. ويوجد في مجمع الخور مطعم ليوان للأكلات الشعبية البحرينية والخليج ونادي الشاي وبعض الكوفي شوبات ذات الإطلاله على البحر أو على الخور .. ومتوسط سعره 250 دينار ..
رابط الفندق من موقع بوكينج : https://www.booking.com/hotel/bh/dragon-and-resort.ar.html?aid=1300939
5. منتجع سي لوفت : وهو منتجع فخم وجديد .. ويقع أيضاً في منطقة جزر أمواج .. وهو قريب من منتجع دراجون .. وهو قريب من المطار .. ويبعد عن جسر الملك فهد حوالي 20 دقيقة .. وهو بنظام الشقق .. وهو جميل جداً .. وخلف الفله يوجد ممر مائي للقوارب واليخوت مثل بعض المدن الإيطالية .. وأيضاً منصة مطلة على البحر .. ومتوسط سعره حوالي 250 دينار ..
رابط الفندق من موقع بوكينج : https://www.booking.com/hotel/bh/sea-loft-boutique-chalets.ar.html?aid=1300939
مع العلم بأن هذه الأسعار تتغير من موسم إلى آخر .. وهذه الأسعار في المواسم العادية .. فأكيد أنها تتغير في العيد .. وأتمنى أن الموضوع متكامل وواضح .. مع العلم أني وضعت روابط الفنادق من موقع بوكينج لكي تعرفين أسعار الفنادق بضبط كم ولكي ترين صور الفندق وتختارين الأفضل لكي .. ولكي أيضاً ترين خريطة الفندق وتعرفين أين يقع ..
وإذا يوجد أي استفسار أو أي سؤال ترى حاضر لكم ..
وتقبلوا مروري ..

أخي بو راشد ألف شكر ماقصرت يعطيك العافية,,,,,

هلا أختي الأرض مسرحي ..
العفو يا أختي وحاضرين لج .. وهذي واجبنا ..
والله يعافيج يا أختي ..
والله يوفقكم ..

اخوي بو راشد ماقصر ..
بس انا بصراحه عندي اعتراض على الوقت اللي حاطه من الزلاق للمنامه بس 13 دقيقه ومن العرين للمنامه 15 دقيقه ومن الجسر للريتز 7 دقايق لا قويه ... لا يكون عندك طيارة ... ههه ؟؟؟؟؟
من الزلاق لمدينه حمد يبيلك 13 دقيقه ....
اتوقع انه الاوقات دبل يكون منااسب وبالوقت هذا 3 دبلات او اربع ... لان الحين زحمه وخبركم العيد ازحم بيكون ...
بالنسبه للريتز كارلتون انا اخذه بالعيد 750 ريال وانت تقول 180 دينار يعني 1800 ريال اعتقد السعر مبالغ فيه شوي لان فنادق السفن ستار يسوون خصومات خااصه ع العيد ... خااصه الريتز فندقي المفضل ....
تحياتي

1. من الزلاق لمدينه حمد يبيلك 13 دقيقه ....

اخوي بو راشد ماقصر ..
تسلم يا أخوي
بس انا بصراحه عندي اعتراض على الوقت اللي حاطه من الزلاق للمنامه بس 13 دقيقه ومن العرين للمنامه 15 دقيقه ومن الجسر للريتز 7 دقايق لا قويه ... لا يكون عندك طيارة ... ههه ؟؟؟؟؟

من الزلاق لمدينه حمد يبيلك 13 دقيقه ....

اتوقع انه الاوقات دبل يكون منااسب وبالوقت هذا 3 دبلات او اربع ... لان الحين زحمه وخبركم العيد ازحم بيكون ...
يا أخوي أنه كتبت الوقت على أساس أنه مافي زحمه يعني الأيام العادية وبشكل نظري .. وآنه حسبت الوقت من نهاية الجسر يعني من عند أول كوبري في البحرين اللي بعد التأمين .. وبخصوص الوقت اللي من الجسر إلى الزلاق أهو تقريباً آنه ما بقعد أحسب بالدقايق والثواني بالضبط .. أهو مجرد تخمين لا غير .. ومن الجسر إلى الزلاق كلها شوارع رئيسية .. ولا فيها إلى إشارة وحدة فقط .. ولا فيها زحمة كلش وعلى طول تكون فاتحة .. ومن الجسر إلى الرتز هذي مسافة قصيرة مجرد شارع الشيخ عيسى بن سلمان وبعدها يركب كوبري وتطلع على شارع الشيخ خليفة بن سلمان لين منطقة السيف .. وآنه قلت تقريباً 7 دقائق .. وهذي وقت تقريبي .. مب بضبط .. من الممكن أنها تصير ساعة إذا كان مدخل السيف زحمه .. إذا بتحسب الهاوي اللي من بداية مدينة حمد إلى نهايته ماياخذ لك 3 دقايق إلى 4 دقايق وحسب سرعه السيارة إذا بتمشى على سعه أو بتسرع .. أو أنك تفكر تدخل على الدوارات يمكن يبي لك 13 دقيقة .. ومثل ماقلت لك أخوي التوقيت اللي أقوله تقريبي مب بضبط وبالسنتي متر أو المللي متر ..
بالنسبه للريتز كارلتون انا اخذه بالعيد 750 ريال وانت تقول 180 دينار يعني 1800 ريال اعتقد السعر مبالغ فيه شوي لان فنادق السفن ستار يسوون خصومات خااصه ع العيد ... خااصه الريتز فندقي المفضل ....
وبخصوص فندق الريتز كارلتون .. إذا 750 آنه أبي غرفة حق 3 ايام العيد .. آنه أتصلت فيهم قبل أسبوعين كنت أبي غرفة حق العيد كان سعر الغرفة ب (185) دينار مع الضرائب وبدون وجبة الإفطار .. والحين ما باقي عن العيد إلا يومين أعتقد أنه سعرها يوصل 200 دينار أو 250 دينار .. وأدخل ايضاً موقع بوكينج وتأكد من السعر وبجوف أنه 250 دينار بدون الضرائب وبدون فطور ..
تحياتي
وتقبل مروري

اخي الغاالي
الريتز كارلتون غرفه لشخصين 1200 ريال ولموضفين ارامكو وسابك يسوون خصم 35 % يعني يكون السعر 780 ريال بالضبط وساعات يخلونها 750 ريال فهمت .. اخي الغاالي !!!
قالوا لي مره انهم يسوون خصومات للعيد بس يكون الحجز عن طريق الفيزا او الماستر كارد قبل العيد باسبوع عالاقل ويكون الخصم 35% ... وانا قلت لهم ليش يعني حنا ما لنا مميزات قال الموظف يب بالعيد نفس السعر يكون للكل .... فهمت يالغالي ....
شوف هذا الصورة توني مطلعها من موقعهم .. مو من البوكينغ .. من موقع الريتز نفسه ويبين سعر الغرفه 125 دينار يعني 1240 ريال ولو تلاحظ انا حاط مربع احمر على التواريخ فترة العيد وعلى السعر .. وعلى فكرة شوف اللي مكتوب بالوردي يقولك من تاريخ 4 سبتمبر 2011 راح يصير سعر الغرفه 150 دينار اي 1500 ريال .. بمعني سادس يوم العيد راح يزيدون السعر ... عرفت انهم يسون خصومات عالعيد ... تحياتي

اخوي السعر 125 بدون الضرايب و هذي السعر لانك ماخذ مده طويله من 9 او 10 ايام
واصل في الحجز و بتشوف ان السعر بيرتفع الى 140 في الليله
انا جربت التاريخ الي وضعته انت وصارلي المبلغ كامل 1,464.81 (bhd) خق 9 ليالي
يعني الليله 160 دينار بدون الافطار
مو الكل يشتغل في سابك او ارامكو عشان يحصل التخفيض
واذا حد يقدر يعطيني حجز غرفه في الرتز ب 100 و في اي وقت , انا ابحجزها من عنده
شكرا