tootaa18
07-12-2022 - 07:22 am
السلام عليكم ورحمة الله وبركااته
هذا اول استفسار لي وياليت مااتخيبون ظني
انا ان شااء الله ناويه على السفر لنمسا على شهر مايو اذا الله احيانا
ادري بعيد
بس الي استغربت منه اني لما ادخل مووقع بوكينج اشوف الفنادق ما الااقي حجز لشهر ماايو
يعني معقووله بدوو حجز من الحين
اغلب الفنادق والشقق كلهاا فل
شدعوه يعني شسالفه متى يمدينا نحجزز
ياليت تنصحوني بجدول لعشر ايام
وهذي اول سفره لنا لاوربا
وشنو الفنادق او الشقق
وهل ميزانية 40 الف ريال تكفي لشخصين لمدة 10 ايام مع التذاكر والفنادق
انتظر اجابتكم وشكررا لكم
لأن أساس الرحله التخطيط الجيد
عموما من يناير أبدأي بالبحث عن طيران
وفي فبراير أبدأي البحث عن سكن
والخيارات كثيره جدا
فقط ضعي المخطط والسكن أمره سهل
0ألف كثيره جدا على 10 أيام
برأيي أن تزودو الده فحرام تدفعون اكثر مافي السفره اللي هي التذاكر وتقعدون عشره أيام
4يوم ممتازه جدا
و30 ألف كافيه جدا لكل شيء بهذه الأربعة عشر يوم
مبدئيا
خلو وصولكم فيينا والعوده ميونخ
فيينا 3 ليال
سالزبورغ 3 ليال
زيلامسي والسكن في كابرون 5 ليالي
ميونخ ليلتين
كلها أسكنو فنادق 4 نجوم ماعدا في كابرون أخذو شقه غيرو من جو الفنادق
وبالتوفيق لكم