AZEEEZ
14-03-2022 - 07:47 pm
السلام عليكم ورحمة الله وبركاته
شخباركم ان شاء الله بخير
صراحه هذي اول سفره لي الى ايطاليا
عندي اجازه 22 يوم
وحبيت اني ازور ايطاليا وفرنسا
ياليت تساعدوني في ترتيب سير الرحله هل ابداء بفرنسا او ايطاليا
ومن ايطاليا وين ابداء وكيف اتنقل من مدينه الى مدينه ووشو المدن الي اروح لها
وكم يوم تكفي كل مدينه
انا رايح وحاطك في بالي سوق ابي اشتري انواع الماركات (جواتي رسميه - اقلام - ابواك - ساعات - كبكات - بدل) حق الكشخه بالدوام
صحيح ان الاسعار هناك اقل من عندنا بكثير
واحد قال لي جوتي القوتشي الجديد الي نازل عندنا عندهم من الموسم الماضي وسعره 120 يورو
وعندنا يبيعونه ب 1700 ريال
ياليت محد يبخل علي وراح اكون لكم شاكر
لكن ممكن تلقة بالأوت ليت كولكشن الصيف بسعر 130€
انا راح أدلك على محلات جلديات روعة ومميزة وكشخة لا تشيل هم بس نبدأ خطوة خطوة:
البرنامج:
أنصحك روما ومنها فينيس ومنها ميلان ومن ميلان - خذ سيارة أفضل شي وعبر نفق المون بلان - الى شيمونيه بفرنسا خذ لك يومين فيها ثم جنيف اذا ماودك جنيف لأنها قريب مرة خذ الطريق الثاني باريس
على فكرة عند خروجك من ايطاليا عبر نفق المون بلان تمر على منطقة شيمونيه الفرنسية فيها الزحليقة الصيفية من قمة جبال الألب تجربة حلوة وممتعة ثم تطلع تتمشى بمدينة آنسي الفرنسية الجميلة وعلى فكرة قريبة مرة من جنيف يمكن ساعتين ثم اذا رغبت تسكن بجنيف أو تكمل الى باريس وتقضي باقي المدة هناك
اذا اعجبتك المدن رد علي
تشاو