حلمي المجهول
22-06-2022 - 09:18 pm
انا وزوجي مخططين للسفر الى اسبانيا وهو تارك الرحلة وتخطيطها لي وانا دقيت الصدر وقلت ابشر
مع العلم انو مدتها اسبوعين والمبلغ لها 20000 الف ريال والتذاكر من ضمنها
وللاسف ماعندي اي خبرة بالسفر ابدا
وماشاء الله تبارك الله في ناس بالمنتدى الرائع هذا جدا رائعين ومتعاونين بشكل خيالي والصدق كرمكم خلاني اتجرأ واسجل بالمنتدى لطلب المساعده من ذوي الخبرة ,,
طلبي هو ابغى تخطيط متكامل لرحلتي يتضمن كل شي من الرحلات والخطوط الجوية والمدن السياحية التي يفضل زيارتها والفنادق ومواقع حجوزاتها والمطاعم والاماكن السياحيه وكمان الاسعار والاسواق ,,, وكل شي حبة حبة ومو مشكلة انا مستعدة لاي سؤال او استفسار
ادري اني كثرت عليكم بس بليز ابغى واحد منكم يتفضى ليه ويسوي لي التخطيط ويعلمني بكل شي
ماودي اتفشل مع زوجي وانا ماصدقت ع الله تجي هذي الرحلة اللي انتظرها من زمان
ولكم دعواتي في ظهر الغيب
وشكرا جزيلا
اذا كان معدل سعر التذاكر من 3000 الى 4000 ريال نقول 3500 للشخص يصير باقي 13 الف
الفندق يوميا 100 يورو يغني 550 ريال ضرب 14 يساوي 7700 اي كل مصاريف السفر بمافيها التنقلات والاكل والترفيه والمشتروات ب 5300 تقسيم 14 يساوي 380 ريال يعني حوالي 70 يورو يوميا
رايي تخرجون التذاكر من الحسبه وبكذا راح تكون معقوله