السلام عليكم...ياشباب محتاج لمساعدتكم
أنا إن شاء الله بسافر لاندونيسيا مع صاحبي (عددنا 2) في ابريل القادم، وراح نقعد هناك 17 يوم، وحنا أول مرة نسافر لاندونيسيا. ياليت تساعدونا نسوي برنامج حلو لسفرتنا، يعني:
- المناطق اللي تنصحونها بزيارتها
- عدد الأيام في كل منطقة
- نوع السكن المناسب بالنسبة للسكن في كل منطقة (فندق أو شقة أو فيلا). وإذا كان عندكم أسامي ممتازة تنصحونا فيها لفنادق أو فلل أو شقق ياليت تعلمونا.
- نوع وسيلة التنقل في كل منطقة (تاكسي أو سائق خاص)
واذا عندكم أي نصيحة لاتبخلون علينا
كما ذكرت سابقا إن عددنا 2 (أنا وصاحبي) ومدة السفرة 17 يوم.
حياك الله ياغالي واختيار موفق للعمة
انا مازرت الا بالي وهي الي راح افيدك فيها اما بقية المناطق يفيدونك الاخوان الاخبر مني
المدة مناسبة 15 ليلة تقسم 3 ايام بونشاك - 3 ايام باندونق - 7 ايام بالي - واذا حاب تريح قبل السفر يومين في جاكرتا او توزع اليومين على بونشاك وباندونق
وانت وراحتك
السكن في بونشاك وباندونق كثير والأفضل لكم هو فلة وتصفح تقارير الأعضاء وراح تحصل خيارات كثيرة اختار الي يناسبك
والسكن في بالي برضه متعدد وافضل شاطئ للشباب هو ( كوتا ) والفنادق الي سعرها مناسب وموقعها استراتيجي ( ميركيور كوتا ) - ( هارد روك كوتا )
وتقدر تشيك على الخريطة من مواقع الحجز وتشوف الفنادق الأرخص مثلاً وقريبة منها
بالنسبة لبالي ماتحتاج ابداًَ سائق خاص وتقدر تشوف تقريري عن الجزيرة وفيه افضل النشاطات السياحية ويوجد اكثر
اول ماتوصل الجزيرة اول يوم خذلك فرة على المكاتب السياحية في الجزيرة وراح تحصل كوبونات كثيرة بالانجليزي لأن لازم يكون عندك خلفية بسيطة شوي عشان تعرف البرامج
وتشوف البرامج المناسبة لك وتدفع وتختار وتنسقها على طول مدت اقامة في الجزيرة واغلب البرامج تبدأ من 8 صباحاً الى 3 عصراً وبعدها تقدر تتنقل بالتاكسي واشترط عليه بالعداد عشان لاينصب عليك
وتقدر تروح مجمعات قريبة منك والمكان الي بتسكن فيه يوجد فيه كل ماتحتاجة من اسواق ومحلات مساج وسيمنا وكل شي
اتمنى لك رحلة موفقة ولاتحرمنا من دعواتك