ياهلا و مرحبا فيكم اخوي انت و زوجتك الكريمة بالبحرين و انشالله تقضون وقت جميل و ممتع , بالنسبة للفنادق يعني انا اقترحت سابقا فندق اليت سويس و فعلا سعره بالحدود اللي ذكرتها بس اخوي من قال انه مو موسم ترى هالفترة فترة اجازة العيد و الربيع يعني يعني فيه زحمة اشوي بالفنادق , و طبعا فيه فنادق ارخص بس ما انصحك فيها لانه معظمها بشارع المعارض و تعرف مايصلح لك انت و زوجتك تسكن بشارع المعارض لانك تعرف شنو فيه هالشارع من خرابيط , لكن فيه فنادق بمنطقة الجفير القريبة من شارع المعارض ( منطقةالجفير بجانب شارع الفاتح جنب جامع الفاتح المعروف بالمنامة) و اسعارها جيدة و هي منطقة هادئة اكثر من شارع المعارض بس للاسف ماعرف الاسعار بالظبط و لكن معظمها فئة اربع نجوم و جديدة , و طبعا فيه خمس نجوم فنادق عديدة بس انت تبي اشوي ارخص , و فيه شقق بس للاسف ماعرف اسعارها ايضا يعني ماعرف بحدود كم تبي يالطيب , لكن نصيحتي لك انك تقلل فترة السفر تخليها 8 ايام مثلا و تسكن بفندق محترم و ترتاحون فيه افضل لك من انك تسكن لمدة 11 يوم بفندق دون المستوى المطلوب . و منها توفر اشوي و منها ترتاح بالسكن .
و بالنسبة للاماكن الموجودة عندنا هي مثل ماقلت السيف و الدانة و جنبهم العالي و البحرين او (جيان) و عندك سوق المنامة القديم بجانب باب البحرين و سوق المحرق القديم اذا تحب تاخذ الحلوى البحرينية من مصدرها الرئيسي هناك بالمحرق , علما بانها تباع في اكثر من مكان , و يعني هالايام الجو حلو و رائع تقدر تروح تتمشى على كورنيش النادي البحري بشارع الفاتح , او كورنيش الملك فيصل بشارع الملك فيصل و فيه مطعم بندروزا على البحر بجانب كورنيش الملك فيصل و اذا عندك استعداد تدفع مبالغ كبيرة على الاكل فيه مطعم كل افشان ايضا على البحر بجانب كورنيش الملك فيصل و مقابل السفارة السعودية بس مانصحك فيه لانه غاالي جدا يعني ممكن يكلفك لشخصين مبلغ 50 دينار بحريني ! بس المطعم رااقي جدا و لو اني مادخلته صراحة لانه سعره مبالغ فيه . و عندك بعد سوق البوكوارة بالرفاع نسيتها , هذي اهم الاماكن عندنا و اذا تحب بعد روح الصخير و شوف التخييم اللي عندنا بتلاقي ناس واايد موجودين بالبر و مخيميين بس لازم يرووح معاك واحد يدل .
تحياتي اخوي و بالتوفيق انشالله

الف شكر اخوي rashed2002 على دخولك والمساهمه بمساعدتي وكل عام وانت وجميع المسلمين بخير وصحه وعافيه .
ذكرت لي يا اخي ان فيه خرابيط بشارع المعارض وهذا الشارع مالي فيه معرفه مسبقه والخرابيط اكيد ابي اكون بعيد عنهاان شاء الله,وبصدق اكون معاك اخوي مافهمت وش هي الخرابيط اللتي ذكرتها ياغالي....بس سأبعدعنها لان كلمة خرابيط احس انها تخفي شي عجيب مايريحني , الف مليون شكرا لتحذيري .
بلنسبه للسكن اخوي ما اعرف هل سمعت عن شقق فندقيه اسمها نما او ناما بلازا ؟ خوي يمدحهم لي مره يقول نضيفين ورخيصين واكثر من كذا معاملتهم مره ممتازه وهو فقط مخصص للعوائل فأن كنت تعلم ارقامهم افدني بها شاكرا لك من صميم قلبي :11one: .
بلنسبه للميزانيه الخاصه بلسكن , انا حدوي يعني بل 2000 ريال سعودي = 20 دينار بحريني وفيها وبصراحه ابي اشبع من البحرين اللي مريتها اكثر من 26 مره علشان بس استخدم مطارها للسفر للخارج وبمروري احيانا اقابل بعض الاخوان البحرينيين اللي حسيت فيهم طيبه المعاملة والادب من امثالك اخوي بس ماعمري رحت لها وانا رايق .
وبلنسبة للفترة هذي عاد رغبة المدام انها تروح للبحرين وتجلس فيه العشرة ايام ولا على انا اجلس بلبحرين مثلا اربعة او خمس ايام وبعد كذا اطلع للكويت او لدبي بلطائرة يومين او ثلاثه ويوم بلخبر وانا راجع للرياض يكون الموضوع تشكيل ووناسه بس عاد المحكمه حكمه اقصد المدام قررت اني ابات 10 ايام بلبحرين وانا بسايرها على مزاجها :mf_leia: .
كان ابوي دايم يقول لي حكمه عجيبه مره ولها مردود كويس مره ...تقول الحكمه (خذ اجازه مره بلسنه بس للمدام...تعيش عمرك تمام التمام ) :icon_thum :bounce8: .
والمناطق اللي تكرمت وذكرتها لنا ان شاء الله بحطها بلأجنده عندي وبسوي لها تنسيق اذهب لها كلها مشكور مليون مره على افادتي معلوماتيا :icon_comp .
مطعم كل افشان سأذهب اليه ان شاء الله بنهاية الرحله اذا تبقا شي بلميزانيه بس حبيت اعرف هل يعاقبون اللي مايدفع الفاتورة بغسيل الصحون ؟ ...بس علشان احسب حسابي واجيب قفازات معاي ...يديني حساسه من سائل الغسيل ... (امزح معك يا اخي الفاضل لا تتصل عليهم تسئلهم)...ابعدني عن هذي المطاعم ما احب المطاعم الغالية لأني ماشي عليها كلها برة البلاد ايام المراهقة...هذي المطاعم تنفع ايام الخطبه ...الحين الله يسلمك اللي متزوج مثل حالاتي يحب المطاعم الشعبيه النضيفه ...يعني مشاوي ومندي وبحريات ...يعني اكل شعبي .
وفعلا انا شاكر لك ماذكرته
اشكرك وانتضر منك او من شخص غالي مثلك يزيدني معلومة جديدة او نصيحه عن الفنادق واسعارها .
الله يجزاك خير ويوفقك ويسخر لك عبادة .
اخوك / كلهم حلوين

اخوي الكريم
كل عام وانت و اهلك بالف بخير
بالنسبه للبحرين و اسئلتك , انا الحقيقه من اهل الشرقيه و نحن نذهب الى البحرين على السريع , نروح صباحا و نرجع مساء , ولا لنا خبره عن السكن هناك.
الشي الذي اريد ان اقوله لك ان البحرين لا تتحمل حتى يومين الا اذا كنت تريد " الخرابيط" الذي ذكرها لك الاخ الى قبلى , والخربيط تعني بنات الليل و قله الحى وهم كثر , لا كثر الله منهم .
البحرين بلد صغير جدا جدا , لا تتعدى مساحه مدينه متوسطه فى السعوديه. هذا لا يعيبها فقط هى صغيره المساحه و يمكن تقطيها بعده ساعات .
اقترح , وعلشان المدام و البانيو , ان تذهب هناك ليومين او حتى ثلاثه و في هذه الحاله انت لازلت فى حدود ميزانيتك
تحياتي

اخوي ابراهيم
كل عام وانت واهلك ايضا بئلف خير يا اخي الكريم
شكرا لايضاحك لي مايعنيه اخي الفاضل بكلمة خرابيط .
الحمد لله اني مني من راعيهم الله يكفينا بحلاله عن حرامه ومن فضله عن سواه.
انا والله معاك بئقتراحك....بس زي ماذكرت بردي على الاخ الفاضل اللذي قبلك ... حكم نهائي صدر علي.
بعدين سالفة المبلغ اللذي ذكرته انا هو عبارة عن ميزانية للمكان الأقامه فقط....فئن استطعت ان تفيدني اكثر بوجة نظر اخرى تفيدني ايضا اكون شاكرا لك وان لم تستطع....لازلت اشكرك على شرحك لي كلمة مافهمتها ونصيحتك على العين والراس وعسى الله اقدر بس احاول اتناقش مع المدام على الموضوع هذا (شكلي بنطرد من البيت اليوم ).
اخوكم / كلهم حلوين

اشكرك على التوضيح
عندي اقتراح ارجوا ان يلقى القبول عندكم
اقتراحي ان تجلس ثلاثه ايام في احد الفنادق الراقيه و الجميله مثل : نوفتيل ( بين المنامه و المحرق على الجسر) او اي فندق مشابه. اتصل بهذا الرقم :
Bahrain Hotels & Resorts Reservation Service
For Reservation Call Asiatravel Dubai Office Hotline Number.
Tel. +971(4) 294-1405 Fax +971 (4) 294-1406
المقصود انك تسكن في فندق مثالى و جميل و تمضى اوقات جميله فيه.
قسم ايامك الى فعاليات , اليوم الاول , مثلا , زياره المتاحف و القلاع القديمه
اليوم الثاني زياره الاسواق الشعبيه مثل اسواق المنامه و المحرق و باقي الاسواق القديمه المشهوره
اليوم الثالث , تذهب الى المجمعات مثل السيف و جيان و غيرها .
طبعا تستطيع في المساء ان تذهب الى السينماء او احد المطاعم الراقيه هناك.
وان كان عندك وقت , اذهب الى الدمام و الخبر و تجول في الشواطى في العصر .
مع تمنياتي لك برحله سعيده.

السلام عليكم
وعيدكم مبارك
مادري اذا اخونا سافر ولا للحين
بالنسبة لما ذكره الاخوان عندي اضافة
في فندق اليت قرب مجمع البحرين هذا عائلي ممتاز بس السعر ماعتقد مناسب والله اعلم
اذا في ااي استفسار انا حاضر
اخوك بوطارق

1. السلام عليكم اخوي


2. السلام عليكم وشكرا لك على اقتراحك بس فعلا غالي شويتين


3. بسافر لهناك فمن يرغب بشي من هناك ان شاء الله بجيبه معاي له ان اراد .


4. حلوا بحرينيه ولا دهن عود او شي من اللي موجود عندهم ونفس احدكم فيه .

اخوي ابراهيم
السلام عليكم وشكرا على حرصك علي يا اخي هذا يدل على طيبتك واخلاقك
وشكرا على العنوان اللي ارسلت لي وبحط اقتراحك بين عيوني ان شاء الله يالغالي.
اشكرك مره ثانيه من قلبي .
اخوي بوطارق

السلام عليكم اخوي

السلام عليكم وشكرا لك على اقتراحك بس فعلا غالي شويتين

وذكرت ذالك ان سعر اعطوني اياه هو 300 بلليله وكان ودي ارخص منه لان الفترة طويله شويتين,اليوم ان شاء الله بتحرك للشرقيه علشان اروح احجز ما ابي اجيب المدام الا والموضوع تام ان شاء الله وبعد كذا هي تلحقني مع اخوها.

بسافر لهناك فمن يرغب بشي من هناك ان شاء الله بجيبه معاي له ان اراد .

حلوا بحرينيه ولا دهن عود او شي من اللي موجود عندهم ونفس احدكم فيه .

ملاحضه : ما ادري لو اقدر احصل على مقاهي انتر نت ولا لا فبحط رقم جوالي اللي شراه لي واحد صديق لي من البحرين بعد اذن الساده المشرفين ولأعضاء وذلك ان اراد احد شي من هناك انا ان شاء الله تحت خدمته (اناساكن بلرياض) وارجوا ان تكون فقط رسايل لاني مواعد الحرمة ان بسفرتي هذي ما ارد الا على اهلي والطوارء بس ،لأن كل مره ارد يطلع لي مشكلة جديده بعملي وتنلغي الرحله .
ارجوا من الخالق لا يزعلون علي المشرفين بس النية زينه عندي ان شاء الله
الرقم الدولي بحطه للي يبي شي من البحرين وانا جاي منها
الشايب اللي لسه ماتهرقل اخوكم / كلهم حلوين .

أخى الكريم
شوف أنا من أهل المنطقة الشرقية , البحرين ماتستاهل هالفترة الطويلة يعنى حدودها ثلاثه أو أربع أيام
أذا كنت من رواد الكافى شوب توجد بعض المحلات الممتازه بحكم أنى من روادها
عندك مقهىومطعم ( كازا بلو) فى منطقة العدلية قريب من مطعم فدركرز أكله حلو , المكان رايق وديكوره ممتاز واسعارة ممتازة توجد أماكن للعائلات بس مكشوفة يعنى ما فى ستاير .
يوجد كافى شوب ثانى أسمه ( مقهى ومطعم الوادى ) لسة ما عرفوه الناس رايق وهو عبارة عن قسمين شباب وعوائل يفصل بينهم ممر أو جسر تحتة مويه المكان رايق روح جرب المكان .موقعة خلف مستشفى الامراض النفسية عند الدوار الي عند الحواج ومطعم دري كوين ( لا تتشائم من موقعة عشان عند مشتشفى الامراض النفسية )
عندك مطعم ومقهى ( أروما كافية ) فى مجمع السيف مرى عليه مافى طرب عنده.
عندك مقهى ومطعم ( لاميزون كافية ) فى ضاحية السيف مقابل مجمع السيف
لابد من الذهاب الى فندق الرتز كارلتون وتناول قدحا من القهوة والكيك وذلك عند الساعة الخامسة

أخى الكريم فوزي
السلام عليكم ورحمة الله وبركاته
اسف تئخرت لردي عليك كنت بلبحرين وتوني راجع لله الحمد مالي يومين
شكرا لك توضيحك لي الكوفي شوبز , المقاهي والمطاعم ايضا كانت جميله
ذوقك مره حلو ورايق الف شكر اخوي وان شاء الله بكتب مقال كامل عن رحلتي لاني فصفصت البحرين
وعرفت شغلات حلوه جمعتها للجميع علشان يستفيدون من الرحله
خصوصا للعوائل
شاكر لك اخوي مره اخرى فزعتك لنا
اخوكم /كلهم حلوين