حدد الموقع الذي تريده هل شمال ام جنوب جدة

ضاري كنعان
كل ماكان قريب للمطار يكون افضل

أهلاً جبل الرياض فى جدة
ياليت تحدد اكثر يعنى إنت نازل جدة فى مهمة عمل ولا أجازة ، وإذا كانت مهمة عمل أو دورة أو ماشابه فين مكانها ..وماهى الميزانية اللى تقدر عليها (المبلغ فى الشهر) للإقامة حتى نستطيع مساعدتك..

شاعرى
الله يعطيك العافية ياخوي شاعري
هي مهمة عمل والمهمة ستكون في المطار
ماقدر احدد ميزانية .. لأني والله محيوس والا ادري وش الطبخه
تدري ليش ؟ لأني الى الان مادري هل انا رايح لحالي أو معي أحد ؟
لكن هي وحده من الثنتين .. يا لحالي , أو معي شخص واحد ( يعني بنكون اثنين )
بس انا ابيها شقة رخيصه .. ويهمني جدا ان تكون نظيفة ومستوى الخدمات فيها جيد
وشكرا

شوف أخوى ..
أنا جلست أفكر فى موضوعك أمس تذكرت شقق مفروشة جديدة وحلوة وموقعها ممتاز فى بداية شارع حراء من جهة طريق المدينة بتحصل عدة مطاعم منها البيك وهى خلفهم مباشرة يعنى واضحة ..
موقعها رائع جنبها مطاعم وأمامها شاورما جحا المميزة وسوق حراء الدولى (حلو ومسموح فيه بدخول الشباب) وكله خطوات مشياً ، والمطار قريب بس بتخرج على طريق المدينة وبتلف من تحت كوبرى حراء وعلى المطار على طول ..
للأسف الشديد مش متذكر الإسم ، بس ممكن تروح على الوصف ، وماتخاف من الأسعار ، الآن موسم مدارس والشقق كلها فاضية ، الأسعار لغرفة وصالة تقريباً بتكون (150) كحد أقصى ..
وكمان فى شقق أخرى بس اثنينهم أقرب شقق للمطار ..
لكن لو دخلت شوية فى شارع حراء مليان شقق مفروشة
موفق إن شاء الله

شاعرى
ممتاز
الله يعطيك العافية
لكن ماتدري ماشاعري .. فيها دي اس ال ؟
محتار ياخوك .. اخذ معي اللابتوب او لا !

ياهلا أخوى جبل الرياض ..
أغلب الشقق الجديدة فيها dsl فى الغرف وهى جديدة جداً ، بس زى ماقلتلك للأسف مش متذكر الإسم، لو بتروح من المطار بتاكسى قول للتاكسى أبغى عند البيك فى شارع حراء وجنبه كذا مطعم وهى خلفهم مباشرة ..
أفضل خذ معاك اللاب توب ، حتى لو مافى dsl فى الغرف جميع المطاعم والكافيهات الراقية فيها وايرلس ..

شاعرى
حلو .. اهم شيء لا يطلع لي في شارع حراء اكثر من فرع للبيك عشان ما اضيع
مشكور اخوي شاعري

اليوم بالصدفة جالس اقراء بصحيفة الاسبوعية الاعلانية وبها شهر كامل بجدة بشقة مفروشة ب 1500 والموقع شارع حراء بالقرب من محطة النهضة - حي النهضة