وعليكم السلام والرحمة والبركة
حياك الله اخوي وياهلا فيك وألف سلامه لبنتك وان شاء الله ماتشوف شر يارب وتسوي العملية وتطلع وهي بصحتها الكاملة بأذن من الله تعالى ..
بفيدك بخصوص الكمبيوتر اخوي .. تقدر تتصل من طريق الجوال GPRS لكن لازم يكون جوالك سعودي وفاتوره موب مدفوع مسبقاً .. لكن شوف من طريق التلفون العادي .. والأشتراك بسيط أمره تلاقي الاشتراكات حتى في البقاله ... ولو استعصى عليك أمر لا يردك غير كيبوردك ولو بغيت بالتلفون أتشرف والله اخوي ..
اخوي مالي خبره بجده لكن حبيت اسلم واتحمد بالسلامة لبنتك
تمنياتي بالشفاء العاجل

بالنسبة للمكتبات ... مكتبة جرير لا يعلى عليها ... وفروعها كثيرة ... منها في شارع صاري ... وشارع التحلية ... وشارع فلسطين ...
المشي .. عندك الكورنيش ... بس ترى جدّة عادة جوّها رطب ... لذلك اختار الوقت المناسب ...

مشكورين يا اخوان ونبي اهل جدة ابيلي شقة قريبة من السعودى الالمانى يكون فيها تلفون ولشخص واحد عشان المرة راح تنام عند بنتها ومايصير اكون رايح علاج واسكن فندق *****
مشكور اخوى ياماس اشهد انك تعرفنى بس ماراح اعلمك الا بعدين طيب يصير اتمشي على الكورنيش بالشورت والا على الهيئه على طول واحسن كرت للانترنت شنو الشركة

والله مااعرف في الشقق بجدة زين لكن شف شقق في شارع فلسطين تلقى اسعار تبدأ من 90 ريال وشقق نظيفة مثل الجنادرية سويتس وغيرها..
اما ازين شركة انترنت تقريبا سعودي نت..
اما الشورت اهم شيء مايكون فوق الركبة :d
مرة كنت في سوق الجمجوم الي على البحر.. المهم في شلة فرنسيين رجال واحد منهم لابس شورت مرة قصير وكاشخ .. ويدخل وقت صلاة العشاء وتجي الهيئة تلف بالسوق عشان تقفل المحلات وتلقى هذا الفرنسي ابو شورت ويصيح فيه الشيخ "نو شورت اوكي" طبعا العسكري بجوار الشيخ ولا الفرنسي يقول اوكي اوكي وخايف هاهاها..
هذي القصة حصلت قبل خمس سنين تقريبا.. وعموما ماعليك باس البس شورت بس لا يكون فوق الركبة

هلا اخوي...انا من الرياض ...حبيت اقول الله يقوم بنتك بالسلامه....والشقق في جدة على قفى من يشيل.
سلام

اشكر تعاطفكم معى والله يجزاكم خير ولاتشوفون مكروه فى غالى ولا حبيب ولا مسلم

هلالالالالالالالا والله ومسهلا ولا تعبت مقدما,,,,,,ةالف الحمدلله على سلامة بنتك,,,اخوي كويتي..عموما انا من اهل الرياض...وخريج جامعة الملك عبدالعزيز بجده. يعني كنت اربع سنوات بجده.وان شاء الله اقدر اخدمك.......جدة من المدن التجارية في المملكة التي تكتظ..(خطين تحت تكتظ, توني متعلمها) يعني الله يعين الميزانية من ام عيالك,,وعموما شارع فلسطين مليان بالشقق المفروشه,,,,اللي تناسب ميزانيتك وميزانية الجميع,,,,( شقق الراجحي، الخليويي,,,الجنادرية سويت،،، الخ الخ الخ ) أما مشيك,,,,بالشورت فاعتقد....عادي...بل متأكد..تعال الرياض...وشوف الشباب وش يلبسون,,, فما بالك بجده ,,خذ راحتك...بس حرام,,شرعا تطلع...ركبك,,,خصوصا اذا كانو سود :d.......لا يفوتك.الكورنيش وأبحر (شواطئ رمليه)...مجمع محمود سعيد(الواحه) ،جمجوم، حراء، يهبل,,وبتدعيلي ام عيالك...وبتدعي علي انت..علشان الميزانيه.
ملحوظه: لا تنسى شارع التحليه,,ترى مثل شارع السالمية بالكويت
واتمنى إني افدتك وأفدت الجيع.........خشمك

السلام عليكم
هلا والله وغلا فيك اخوي kuwaitt25 عز الله اني عرفتك .. وكيف صحتك يارب تكون بخير ..
اخوي يشرفني التواصل معك لما تجي للسعوديه وياهلا مليون ومرحبا

السلام عليكم ورحمة الله وبركاته
قد تكون المشاركة متاخرة حسب تاريخ مشاركتك وإن كان العملية تمت فإن شاءالله تكون البنت طيبة وياليت تطمنا عليها وإن الموضوع باقي فإن شاءالله تتيسر وتقوم بالسلامة وألف سلامة عليها والشباب ماقصروا من ناحية المعلومات وفوا وكفوا ماشاءلله عليهم وخاصة Bon Voyaje ههه الله يجازي بالخير.
من ناحية الإنترنت فممكن إذا رتبت مع قسم الإستعلامات يعطونك خط مستقل لفترة معينة أو محلات الإنترنت والموجودة بأماكن عديدة ومكتوب عليها خدمات إنترنت أو كافيه إنترنت من ناحية الشقق كل ماكنت قريب من موقع المستشفى فأفضل لك من ناحية المشاوير وعموما جدة سهلة في الوصف للأماكن والمواقع وكما ذكر أخوي / ياماس إذا حبيت تسأل عن شئ فلايردك الا كيبوردك وحاضرين اخوي