أهلا بعناد الاندلسي ...
أولا : أتمنى لك رحله موفقه وان شاء الله تستانس بأسبانيا .
وان شاء الله الاخوه الخبراء يفيدونك بالفنادق ...بحس حبيت اعلق ان تقعد اسبوع بقرطبة احس كثير ..
يعنى من ماربيلا تروح لكل مناطق الجنوب ...مثل قرطبة واشبيله وشذونه ورنده , وغرناطة ...
يعنى حاول تشوف اكثر المناطق
والله الله ننتظر التقرير والصور بالمناطق ولا تنسي تزور قصر الحمراء ...
ورحله موفقه ...واستانس ببرشلونه ترا يمدحونها ...وخصوصا شارع الرمبلا ...
اخر فلسفه من اعتماد...بس ما حبيت أقر الموضوع ولا اعلق
سلام

زين تسوي اخوي عناد هذا هو الشغل المضبوط أحسن من الرجوع الفوري من امريكا للسعودية و اختيار موفق للمدن
تصدق انك شعللتني و زدت شوقي للاندلس تراك الهبتني و خليتني اطلع خرائطي الاندلسية و بيدي الحين سيف ابو عبدالله الصغير (بس صغير) ماسكة بيدي اليسار و أكتب لك باليمين
ما قلت بقرطبة وين حجزت ؟ بتقعد اسبوع بقرطبة وين ابن زيدون خوينا عنك أخاف يصير فيه شي لما يقرأ هالكلام
لا تنسى تزور مدينة الزهراء بقرطبة و اعتقد انها من اهم الاماكن اللي الواحد لازم يزورها اذا ذهب لقرطبة و اذا ما كنت راح تؤجر سيارة فيوجد باصات تذهب الى هناك
و بتقريري راح تلاقي اهم الاماكن اللي زرتها داخل قرطبة و غرناطة لكن بما انك راح تبقى اسبوع بقرطبة فهذا راح يعطيك مجال لزيارة أماكن اكثر و كذلك لزيارة المناطق المجاورة
خلي معاك قاموس عربي-اسباني يفيدك جدا لان اغلب الاسبان اللي شفتهم لا يتحدثون بالانكليزي
و اذا ما حصلت بامريكا اتوقع بتلاقي قواميس انكليزي-اسباني اذا يناسبك و لا بأس انك تاخذ كتاب سياحي عن اسبانيا او عن الجنوب الاسباني مثلا و منها يسليك بالطيارة مثلا و يكون مرجع سياحي
في الطريق من غرناطة الى قرطبة احتمال تمر بقلعة بني سعيد و هذا يعتمد على اي طريق ستسلك لان هناك طريقين و اعذرني ناسي ارقام الطرق بس موجودة بالتقرير و قلعة بني سعيد تستحق الزيارة
بغرناطة عندك مطعم الريانيز arrayanes مغربي و حلال و تلقاه في البيازين مطعم ممتاز
و تذاكر الحمراء لا تنسى تحجزها مسبقا و افضل شي بالانترنت و تحدد التاريخ و الوقت اللي تبيه
و اذا عندك اي استفسار في ما يتعلق بقرطبة و غرناطة يشرفني اني اكون بخدمتك و لي عودة لموضوعك بعد ما اتفضى و اهم شي يكون معاك كامرة ديجتال مع ميموري كارد 4 جيجا لزوم الصور و التقرير
رحلة سعيدة و موفقة

اعتماد يا لبى قلبك والله ..ادري انك ما تقصرين مع الاعضاء
لا توصين حريص على قصر الحمراء
بالنسبه لقرطبه ماراح يكون وقتي كله فيها طبعا وبما ان اغلب المدن التاريخيه قريب منها فراح تكون نقطو الأنطلاق

نحن في بوابه الحضارة الاندلسيه نتمى ل عناد الاندلسي رحله موفقه ويرد لنا سالم

بكره الأربعاء ماشي إن شاءالله الساعه 11 وربع
دعواتكم
أخوكم

رحله موفقه باذن الله

ترجع بالسلامة اخوي عناد