شقة فندقية والا شقة عادية؟
اذا شقة عادية صعبة نعطيك عنوان، نصيحتي تعالوا سكنوا بأي شقة فندقية لكم يوم وفي هذي الاثناء فتحوا الجرايد ودورو لكم شقق باسعار مناسبة، لأنه السالفة فيها تحديد نظافة الشقة وموقعها وسعرها الخ

تروح وترجع بالسلامة يارب ..
ويالله يالغلا ودي اخدمك بعيوني لكن وربي ما عندي خلفية
ابدا عن عمان لاني مارحت الا مرة صلالة ولا طولت عذبني
الناموس .. ما اقول الا الله يسهل امرك يالغالي وان شاء الله تلقى مرادك
باقرب وقت ممكن ؛؛؛

اشكر جميع من مر على موضوعي
ولكن سؤال بسيط ؟؟
كم سعر أجار الشقة الفندقية في مسقط ؟؟
ياليت تعطوني حتى ولو السعر التقريبي بالريال العماني
انتظركم

تامر امر يالغالي ببحث لك باللي اقدر عليه ..
وياليت تعطيني كم المدة بالشقق الفندقة ..
وهل تبي بالسنتر .. وبالتوفيق للجميع ؛؛

انا أبي أقعد في مسقط لمدة 6 شهور كاملة
أبي سعر الغرفتين والصالة والحمام (( وانتوا بكرامه )) ، أو حتى ولو كانت غرفة وصالة .
أبي السعر التقريبي فقط
أهم شي تكون قريبة من الكلية البريطانية للسلامة والإطفاء

هلا أخوي أنسان ذوق وحياك الله تحصل شقة غرفتين وحمام وأنتم بكرامة في العذيبة أو الغبرة وهما الأقرب لكلية الأطفاء والسلامة مابين 2000 ريال سعودي بالشهر إلى 3500 ريال سعودي بالشهر وممكن أقل لو تشوف بمنطقة الحيل وهي أيضا قريبة من الكلية بس تعتبر بعيدة نسبيا عن وسط مسقط لأن الكلية أصلا قريبة من مطار مسقط يعني بتكون منطقة العذيبة والغبرة على يسار المطار بأتجاه وسط العاصمة أما الحيل يمين المطار بأتجاه منطقة السيب ولكن موقع منطقة الحيل جميلة جدا ففيها سيتي سنتر ومركز البهجة وكل شئ متوافر بقربك وحياك الله يالغالي وبالتوفيق إن شاء الله.