ولا يهمك اختي ان شاء الله لي عودة برد احكيلك فيها عن جدة

السلام عليكم
أحلى شيء في جدة .. سؤال صعب الاجابة عليه لأنه جدة في نظري كلها حلوة
لكن على سبيل المثال ..
المولات والمراكز التجارية ماشاء الله ماتتعبي .. وفيه تشكيلة كبيرة متنوعة من الغالية للاقتصادية
ومنها التحلية - رد سي مول - الصيرفي - عزيز مول وغيره
الكورنيش حلاوة الجلسة تعتمد على طبيعة الجو والوقت ..
في الايام اللي الجو فيها مقبول تكون جلسة المغربية مرة حلوة .. وكمان وقت الشروق مميز .. تشوفي نفس المكان بنظرتين مختلفتين
وهاده موقع ان شاء الله يساعدك
دليلك في جدة http://www.jeddah.gov.sa/directories/index.php
مجموعة صور لجدة غير

يلي تسأل عن محبوبتي
ايش تبغى تعرف فيها
بصراحه جده المدينه التي لاتمل
جده فيها عدد كبير من المولات
انصحك بزيارة التالي
عرب مول
رد سي مول
عزيز مول
ستارز افينيو
الصيرفي ميقا مول
التحليه سنتر
الخياط سنتر
البساتين سنتر
جده مول
عالكورنيش حتلاقي مطاعم كثير واماكن للترفيه كثيره
احسن شبكة محمول الاتصالات وموبايلي وزين تغطي جده بالكامل
الانترنت والله مالي خبره انا عندي افاق شامل والحمدلله كويس
اهلا وسهلا فيكي

جده مدينه ما تنام
مولات مطاعم فنادق
كورنيش
اشياء كثيير بجده حلوه

أهلا وسهلا بأختنا أم مريم في جدة
ما شاء الله .. الإخوان والأخوات ما قصروا وحكوا لك عن جدة
ما بقي غير سؤالك عن آثار جدة ! رح أحكي لك شوي عنها
أقترح عليك زيارة المنطقة التاريخية بجدة القديمة ، منطقة وسط البلد ، حارة المظلوم ، حارة الشام ، حارة اليمن ، والسير في أزقتها ومشاهدة بيوتها الشعبية القديمة برواشينها المميزة ، والتعرف على أبواب جدة مثل باب شريف و باب مكة
ولا تنسي زيارة الأسواق القديمة مثل شارع قابل و سوق الندى و سوق العلوي ، ولا يفوتك زيارة بيت نصيف
كما أقترح عليك زيارة متحف عبد الرؤوف خليل للتراث الحضاري الإنساني
وعن سؤالك إن كان يوجد كثير من المغتربين في جدة ، فالجواب نعم ، لأن جدة تعتبر بوابة الحرمين الشريفين
وهي مدينة تجارية من الطراز الأول ، وبها مطار دولي و ميناء رئيسي
متمنيا لك طيب الإقامة في عروس البحر الأحمر

om.mariem
ونتشرف بزيارتك لجدة

جدة كل شي فيها حلو .. بس انتبه من الحفر اللي كل يوم شي جديد .. و انتبه من المستنقعات المائيه بسبب ان المياة وصلت الى المنازل و بالتالي طفحت المجاري ..
جدة حلوة بناسها و اهلها ...
جدة غير !!

شكراً لجميع المشاركين ..
ولكن للأسف الأخت المذكورة لا أرى أنها تقدر هذا الجهد ، لأنها طرحت الموضوع منذ أسبوع وحتى الآن لم تعلق ولم ترد ..
لذلك سأقوم بإغلاق الموضوع حتى لايبذل أى جهد فى غير محله ..